گولارچی ،شراب خانے کے قیام کیخلاف عوام سراپا احتجاج
اشاعت کی تاریخ: 27th, September 2025 GMT
data-id="863a0a8" data-element_type="widget" data-widget_type="theme-post-content.default">
گولارچی (نمائندہ جسارت) گولارچی میں شراب خانے کے قیام کے خلاف عوامی ردعمل شدت اختیار کر گیا۔ علما ایکشن کمیٹی، تاجر الائنس اور شہریوں کی جانب سے پرامن احتجاجی ریلی نکالی گئی، جس میں بڑی تعداد میں عوام، طلبہ، معززین شہر اور مختلف سماجی تنظیموں کے نمائندوں نے بھرپور شرکت کی۔ ریلی جامع مدینہ مسجد سے نکالی گئی جو شہر کے اہم راستوں سے گزرتی ہوئی شہید فاضل راھو چوک پر اختتام پذیر ہوئی۔ شرکا نے ہاتھوں میں بینرز اور پلے کارڈز اٹھا رکھے تھے جن پر شراب خانے کے خلاف نعرے درج تھے، جبکہ شرکا مسلسل “شراب خانے بند کرو” اور “اسلامی اقدار کا تحفظ کرو” کے نعرے لگاتے رہے۔جلسہ عام سے خطاب کرتے ہوئے علماکرام، تاجر رہنماؤں اور مقررین نے کہا کہ گولارچی جیسے اسلامی اور پرامن شہر میں شراب خانے کا قیام کسی صورت قبول نہیں۔ انہوں نے کہا کہ شراب نوشی معاشرے کی تباہی اور بگاڑ کا سبب بنتی ہے، یہ نہ صرف دین اسلام بلکہ ملکی قوانین کے بھی خلاف ہے۔ مقررین نے خبردار کیا کہ اگر شراب خانے کو فی الفور بند نہ کیا گیا تو احتجاجی تحریک کو مزید وسعت دی جائے گی اور ضلعی ہیڈ کوارٹر سمیت صوبائی سطح پر بھی دھرنے دیے جائیں گے۔علما ایکشن کمیٹی کے رہنماؤں نے کہا کہ ہم پرامن جدوجہد پر یقین رکھتے ہیں لیکن عوام کے مذہبی جذبات کو ٹھیس پہنچانے والے کسی بھی اقدام کو برداشت نہیں کریں گے۔ تاجر رہنماؤں نے کہا کہ شراب خانہ نوجوان نسل کو بربادی کی طرف دھکیلنے کی سازش ہے، جسے ہرگز کامیاب نہیں ہونے دیا جائے گا۔
ذریعہ: Jasarat News
کلیدی لفظ: نے کہا کہ
پڑھیں:
اورکزئی میں مشتی قبیلے کا خوارج کے ظلم و ستم اور بھتہ خوری کیخلاف جرگہ
پشاور:خیبر پختونخوا (اورکزئی) کے علاقے حسن زودرہ میں مشتی قبیلے کے عوام نے خوارج کے خلاف ڈٹ جانے کا اعلان کردیا۔
تفصیلات کے مطابق مشتی قبیلے کے عمائدین اور عوام کی جانب سے خوارج کے ظلم و جبر اور بھتہ خوری کے خلاف ایک اہم جرگہ منعقد کیا گیا۔
جرگے سے قبل خوارج کے کارندے مبینہ طور پر بھتہ وصول کرنے آئے تھے، تاہم قبیلے کے عوامی ردعمل کے باعث وہ فرار ہونے پر مجبور ہوگئے۔
جرگے کا مقصد عوام کو خوارج کے مظالم کے خلاف متحد کرنا اور امن کے قیام کے لیے مشترکہ حکمت عملی طے کرنا تھا۔ اس موقع پر قبائلی عمائدین نے کہا کہ خوارج کو معصوم عوام سے بھتہ وصول کرنے نہیں دیا جائے گا۔
انہوں نے واضح کیا کہ ہم ریاست اور سیکیورٹی فورسز کے ساتھ کھڑے ہیں اور علاقے میں امن کے قیام کے لیے ہر ممکن تعاون جاری رکھیں گے۔
جرگہ اراکین نے سیکیورٹی فورسز اور پولیس اہلکاروں کی آمد پر والہانہ استقبال کیا جبکہ قبائل کی جانب سے پولیس اور فورسز کے حق میں نعرے بھی لگائے گئے۔
گوگل کا برطانیہ میں 5 ارب پاؤنڈ کی سرمایہ کاری کا اعلان