امریکا کی کولمبین صدرکو فلسطین کے حق میں آواز اٹھانے پر ویزا منسوخی کی دھمکی
اشاعت کی تاریخ: 27th, September 2025 GMT
واشنگٹن (اُردو پوائنٹ اخبارتازہ ترین - این این آئی۔ 27 ستمبر2025ء)امریکی وزارت خارجہ نے کہا ہے کہ اقوام متحدہ ہیڈ کواٹرز کے باہر فلسطین کے حق مظاہرے میں شرکت کر کے اشتعال انگیزی کی، ان کا ویزا منسوخ کریں گے۔
(جاری ہے)
غیرملکی میڈیا کے مطابق امریکی وزارت خارجہ حکام نے کہا ہے کہ نیویارک میں اقوام متحدہ ہیڈ کوارٹرز کے باہر فلسطین کے حق مظاہرے میں شرکت کرکے کولمبین صدر گسٹاو پیٹرو نے لاپروائی کا ثبوت دیا ہے۔
اسٹیٹ ڈیپارٹمنٹ کی جانب سے سوشل میڈیا پلیٹ فارم ایکس پر جاری بیان میں کہا گیا کہ کولمبین صدر نے امریکی فوجیوں کو اکساتے ہوئے پیغام دیا کہ وہ سرکاری احکامات کی نافرمانی کریں اور اس لاپروائی اوراشتعال انگیزی پر ہم ان کا ویزا منسوخ کریں گے۔امریکی اسٹیٹ ڈیپارٹمنٹ نے اپنے بیان میں مزید کوئی وضاحت نہیں دی۔.ذریعہ: UrduPoint
کلیدی لفظ: تلاش کیجئے
پڑھیں:
تقریر کی ‘گمراہ کن ایڈٹنگ’ کا الزام، ٹرمپ کی بی بی سی کو ایک ارب ڈالر ہرجانے کا دعویٰ کرنے کی دھمکی
امریکی صدر ڈونلڈ ٹرمپ نے اپنی تقریر کے ایڈٹ شدہ کلپ پر بی بی سی کے خلاف ایک ارب ڈالر ہرجانے کا دعویٰ کرنے کی دھمکی دی ہے۔
بی بی سی کے چیئرمین سمیر شاہ نے معاملے پر معذرت کرتے ہوئے اسے غلط فیصلہ قرار دیا، جب کہ ادارے کے ڈائریکٹر جنرل ٹِم ڈیوِی اور نیوز چیف ڈیبورہ ٹرنَس نے استعفیٰ دے دیا۔
یہ بھی پڑھیے: صارفین کی پرائیویسی کی خلاف ورزی پر گوگل کو 425 ملین ڈالر ہرجانہ ادا کرنے کا حکم
ڈاکیومینٹری ‘ٹرمپ، اے سیکنڈ چانس؟’ میں ٹرمپ کی 6 جنوری 2021 کی تقریر کے 2 حصے جوڑ کر ایک ایسا کلپ دکھایا گیا جس میں وہ اپنے حامیوں کو لڑنے پر اکساتے نظر آئے، جبکہ پرامن احتجاج کا حصہ کاٹ دیا گیا تھا۔
ٹرمپ کے وکیل نے ایک خط میں بی بی سی سے جھوٹا مواد واپس لینے، معافی مانگنے اور نقصان کا ازالہ کرنے کا مطالبہ کیا، بصورت دیگر ایک ارب ڈالر کے ہرجانے کے لیے قانونی کارروائی کی وارننگ دی۔
یہ بھی پڑھیے: بی بی سی کی ٹرمپ مخالف رپورٹ پر تنازع، ادارے کی قیادت بحران کا شکار
ٹرمپ نے اپنے پلیٹ فارم ٹروتھ سوشل پر 2 اعلیٰ عہدیداروں کے استعفوں کا خیر مقدم کرتے ہوئے بی بی سی پر انتخابی مداخلت کا الزام لگایا۔
بی بی سی کے چیئرمین نے اعتراف کیا کہ ایڈیٹنگ سے ایسا تاثر پیدا ہوا جیسے ٹرمپ نے تشدد پر اکسانے کی بات کی ہو، اور کہا کہ ادارہ خط کا جواب جلد دے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا امریکی صدر بی بی سی ڈونلڈ ٹرمپ ہرجانہ
آئینی ترمیم: وزرا و ارکان پارلیمنٹ کے غیرملکی دورے منسوخ