غزہ میں اسرائیلی حملے جاری، 50 فلسطینی شہید، درجنوں زخمی
اشاعت کی تاریخ: 29th, September 2025 GMT
غزہ میں اسرائیلی حملوں میں مزید 50 فلسطینی شہید، درجنوں زخمی ہو گئے۔
عرب میڈیا کے مطابق غزہ پر جاری اسرائیلی وحشیانہ بربریت اور ظلم و ستم میں کمی نہ آسکی، صیہونی فوج کے جارحانہ حملوں نے غزہ میں تباہی مچا دی، ہر طرف کھنڈرات کے مناظر نظر آتے ہیں۔
اسرائیلی ٹینکوں نے غزہ سٹی میں انفراسٹرکچر، عمارتوں اور مکانات کو تباہ کرنا شروع کر دیا، صیہونی فوج نے نصیرت پناہ گزین کیمپ سمیت کئی رہائشی علاقوں کو نشانہ بنایا۔
عرب میڈیا کے مطابق رفاہ کے قریب 4 امدادی کارکن اسرائیلی فوج کی گولی باری کا نشانہ بنے، شمالی غزہ سے 5 روز میں مزید 57 ہزار مظلوم فلسطینی نقل مکانی کر گئے۔
اقوام متحدہ کے مطابق 2 ہفتوں میں غزہ شہر کی صحت کی سہولیات پر 17 اسرائیلی حملے ہوئے، اسرائیلی حملوں میں شہدا کی تعداد 66 ہزار 55 ہوگئی، 1 لاکھ 68 ہزار 346 فلسطینی زخمی ہوئے۔
ذریعہ
ذریعہ: Daily Mumtaz
پڑھیں:
کراچی میں شوہر کے ساتھ موٹرسائیکل چوری کی درجنوں وارداتوں میں ملوث ملزمہ گرفتار
سولچر بازار پولیس نے موٹرسائیکل لفٹنگ میں ملوث خاتون ملزمہ کو گرفتار کرلیا۔
تفصیلات کے مطابق سولچر بازارپولیس نے خفیہ اطلاع پر کارروائی کرتے ہوئے موٹر سائیکل لفٹنگ میں ملوث خاتون ملزمہ سحر بتول زوجہ کاشف خان کو گرفتار کرلیا
۔پولیس کے مطابق ملزمہ کی گرفتاری سی سی ٹی وی فوٹیج کی مدد سے عمل میں لائی گئی۔گرفتار ملزمہ اپنے شوہر کے ہمراہ موٹرسائیکل لفٹنگ کی درجنوں وارداتوں میں ملوث رہی ہے۔
دونوں میاں بیوی کو موٹر سائیکل لے جاتے ہوئے سی سی ٹی وی فوٹیج میں بھی دیکھا جاسکتا ہے۔ ملزمہ کے قبضے سے موٹر سائیکل نمبر KQX-2361 میکر سپر اسٹار 70 برآمد کرلی گئی۔
گرفتارملزمہ اورفرار شوہر کے خلاف ضابطے کے تحت مقدمہ درج، مزید تفتیش جاری ہے۔
پاکستان نے ورلڈ کپ 2028 کیلیے براہ راست کوالیفائی کر لیا