پنجاب اسمبلی میں اپوزیشن لیڈر کی تبدیلی، معین ریاض قریشی مقرر
اشاعت کی تاریخ: 29th, September 2025 GMT
تحریک انصاف کے جنرل سیکرٹری سلمان اکرم راجہ نے اپنے سوشل میڈیا پیغام میں بتایا کہ بانی پی ٹی آئی کی ہدایت پر معین ریاض قریشی کو اپوزیشن لیڈر مقرر کیا گیا ہے، سابق اپوزیشن لیڈر اس وقت اپنا مقدمہ لڑنے میں مصروف ہیں اور پارٹی ان کی غیرموجودگی میں اپوزیشن بینچز کی قیادت کے لیے معین ریاض قریشی پر اعتماد کررہی ہے۔ اسلام ٹائمز۔ پاکستان تحریک انصاف نے پنجاب اسمبلی میں اپوزیشن لیڈر کی ذمہ داری معین ریاض قریشی کو سونپ دی ہے، یہ اعلان تحریک انصاف کے جنرل سیکرٹری سلمان اکرم راجہ نے اپنے سوشل میڈیا پیغام میں کیا۔ سلمان اکرم راجہ نے بتایا کہ بانی پی ٹی آئی کی ہدایت پر معین ریاض قریشی کو اپوزیشن لیڈر مقرر کیا گیا ہے، ملک احمد بھچر اس وقت اپنا مقدمہ لڑنے میں مصروف ہیں اور پارٹی ان کی غیرموجودگی میں اپوزیشن بینچز کی قیادت کے لیے قریشی پر اعتماد کررہی ہے۔
انہوں نے مزید کہا کہ ملک احمد بھچر پارٹی کے اہم راہنما ہیں اور تحریک انصاف اُن کے ساتھ کھڑی ہے۔ پارٹی قیادت نے واضح کیا کہ بھچر کی غیر موجودگی وقتی ہے اور وہ جیسے ہی دستیاب ہوں گے اپنی ذمہ داریاں دوبارہ سنبھال سکیں گے۔ سیاسی مبصرین کے مطابق اپوزیشن لیڈر کی تبدیلی پنجاب اسمبلی کی سیاست میں اہم پیش رفت ہے کیونکہ اپوزیشن کا کردار قانون سازی اور حکومتی پالیسیوں پر نظر رکھنے میں کلیدی حیثیت رکھتا ہے۔
ذریعہ
ذریعہ: Islam Times
کلیدی لفظ: معین ریاض قریشی اپوزیشن لیڈر تحریک انصاف میں اپوزیشن
پڑھیں:
جسٹس ریٹائرڈ مقبول باقر سندھ انسانی حقوق کمیشن کے چیئرپرسن مقرر
سٹی 42: سندھ حکومت نے جسٹس ریٹائرڈ مقبول باقر کو سندھ انسانی حقوق کمیشن کا چیئرپرسن مقرر کر دیا ہے، ان کی تعیناتی سندھ کابینہ کی منظوری کے بعد عمل میں لائی گئی۔
محکمہ انسانی حقوق کی جانب سے جاری نوٹیفکیشن کے مطابق جسٹس (ر) مقبول باقر کو پانچ سال کی مدت کے لیے کمیشن کا چیئرپرسن مقرر کیا گیا ہے۔
واضح رہے کہ سابق چیئرپرسن اقبال احمد ڈیتھو کو عہدے سے فارغ کیے جانے کے بعد سندھ انسانی حقوق کمیشن کے چیئرپرسن کا منصب خالی تھا۔ حکومتی ذرائع کے مطابق نئی تقرری سے کمیشن کی سرگرمیوں کو مزید مؤثر بنانے اور انسانی حقوق کے تحفظ کے لیے ادارہ جاتی اقدامات کو تقویت ملنے کی توقع ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
جسٹس ریٹائرڈ مقبول باقر سابق نگران وزیر اعلی سندھ بھی رہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ