’بھارتی کھلاڑیوں کا رویہ شرمناک تھا‘، سابق بھارتی کرکٹر اپنے ہی کھلاڑیوں پر برس پڑے
اشاعت کی تاریخ: 30th, September 2025 GMT
ورلڈ کپ جیتنے والے سابق بھارتی کرکٹر سید کرمانی نے موجودہ بھارتی کھلاڑیوں پر تنقید کرتے ہوئے کہا ہے کہ ان م یں اسپورٹس مین اسپرٹ کی کمی ہے اور موجودہ دور کی کرکٹ ان کے لیے بالکل مایوس کن ہے۔ انہوں نے کہا کہ ایشیا کپ میں کھیل اور سیاست پر جب اُن کے دوستوں نے تبصرہ کیا تو انہیں شرمندگی محسوس ہوئی۔
کرمانی نے ایشیا کپ میں بھارت اور پاکستان کے درمیان ہونے والے میچز کے دوران کھلاڑیوں کے اشتعال انگیز رویے اور اشاروں پر کھل کر تنقید کی۔ انہوں نے ایک انٹرویو کے دوران کہا کہ جس طرح سے آج کل کرکٹ کھیلی جا رہی ہے، اس میں کسی قسم کی شائستگی باقی نہیں رہی۔ میدان میں بہت ہی بدتمیز اور مغرورانہ حرکات دیکھی جا رہی ہیں۔ مجھے دنیا بھر سے پیغامات آ رہے ہیں۔ ‘بھارتی ٹیم نے یہ کیا کیا؟ میدان میں کیا سیاست چل رہی ہے؟’ ایسے تبصرے سن کر مجھے شرمندگی ہوتی ہے۔
"In our time, cricketers had such wonderful camaraderie.
– Syed Kirmani, Legendary Ex-India wicket Keeper pic.twitter.com/BpIp8KmQbU
— Rahul Shivshankar (@RShivshankar) September 30, 2025
انہوں نے مزید کہا کہ آج کل کے کرکٹرز کو کیا ہو گیا ہے؟ ایشیا کپ میں جو کچھ ہوا، وہ قابلِ نفرت تھا۔ تم لوگ شریفانہ طریقے سے کھیلتے تھے لیکن آج کل کے کرکٹرز کو کیا ہو گیا ہے۔ یہ وہ الفاظ ہیں جو مجھے بھیجے گئے۔ یہ میرے لیے بہت افسوسناک ہے کہ کھیلوں کے میدان، خاص طور پر کرکٹ میں یہ سب کچھ ہو رہا ہے۔ یہ درست نہیں ہے۔
ان کا کہنا تھا کہ کھیلوں میں سیاست کو شامل نہیں ہونا چاہیے۔ سیاست کو پیچھے چھوڑ دو۔ جو کچھ کھیل کے میدان سے باہر ہو رہا ہے اسے وہیں رہنے دو۔ اسے اپنی جیت، اپنی کمائی، یا اس عظیم کھیل سے جو کچھ بھی حاصل ہو رہا ہے اس سے نہ جوڑو۔ اسے سیاسی مقاصد کے لیے وقف نہ کرو۔ ہمارے زمانے میں کھلاڑیوں کے درمیان بہت اچھی دوستی ہوا کرتی تھی۔ پاکستانی کھلاڑی بھارت آتے تھے، ہم پاکستان جاتے تھے۔ کیا مہمان نوازی، کیا محبت، کیا شفقت تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشیا کپ پاکستان بمقابلہ انڈیا سوریا یادیو
ذریعہ
ذریعہ: WE News
کلیدی لفظ: ایشیا کپ پاکستان بمقابلہ انڈیا سوریا یادیو ایشیا کپ
پڑھیں:
کراچی: ڈاکٹر آکاش قتل کیس میں گرفتار تینوں ڈاکو اپنے ساتھیوں کی فائرنگ سے ہلاک
ڈاکٹر آکاش قتل کیس میں گرفتار تینوں ڈاکو اپنے فرار ساتھیوں کی فائرنگ سے ہلاک ہوگئے۔اسپیشل انویسٹی گیشن (ایس آئی ایو) نے دعویٰ کیا ہےکہ گلشنِ معمار، عمر بروہی گوٹھ میں گرفتار ڈاکوؤں کی نشاندہی پر ان کے فرار ساتھیوں کی گرفتاری کے لیے چھاپا مارا تو ملزمان نے فائرنگ کردی جس سے پولیس اہلکار بھی زخمی ہوگیا۔ایس آئی یو کا کہنا ہے کہ فائرنگ کےدوران ڈاکٹر آکاش قتل کیس میں گرفتار تینوں ڈاکو اپنے ہی ساتھیوں کی فائرنگ سے مارے گئے۔13 جولائی کو کراچی کے علاقے کلفٹن میں بینک کے باہر ڈاکوؤں کی فائرنگ سے نوجوان ڈاکٹر آکاش جاں بحق ہوگیا تھا جب کہ ملزمان بینک سے نکالے گئے 50 لاکھ روپے میں سے 25 لاکھ لوٹ کر فرار ہوگئے تھے۔ڈاکٹر آکاش قتل کیس میں پولیس نے تفتیشی رپورٹ جوڈیشل مجسٹریٹ جنوبی کی عدالت میں جمع کرائی تھی جس میں واردات میں نامعلوم خاتون کے ملوث ہونے کاانکشاف بھی کیا گیا تھا۔پولیس نے بتایا تھا کہ کلفٹن تین تلوار کے قریب ڈکیتی واردات کے دوران ڈاکٹر آکاش کو فائرنگ کرکے قتل کرنے کے واقعے میں گرفتار ملزمان کے بینکوں کے باہر رقم چھیننے اور تاجر کو لوٹنے کے واقعات میں ملوث ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار