قلعہ عبداللہ، منشیات کیخلاف کارروائی میں 385 ایکڑ کی کاشت تلف
اشاعت کی تاریخ: 4th, October 2025 GMT
تین روز کے دوران مختلف محکموں کی مشترکہ کارروائی کے میں قلعہ عبداللہ کے مختلف علاقوں کو مجموعی طور پر 385 ایکڑ رقبہ منشیات کی کاشت سے پاک کیا گیا۔ اسلام ٹائمز۔ محکمہ ایکسائز، ٹیکسیشن اینڈ اینٹی نارکوٹکس بلوچستان اور دیگر ضلعی و متعلقہ اداروں نے بلوچستان میں منشیات کی کاشت کے خلاف جاری مہم کے دوران تین دن میں 385 ایکڑ رقبہ سے منشیات کی کاشت تلف کر دی۔ شعبہ تعلقات عامہ بلوچستان کے بیان کے مطابق مہم کے دوران تحصیل قلعہ عبداللہ کے مختلف علاقوں میں منشیات کے خلاف بڑے پیمانے پر کارروائیاں عمل میں لائی گئیں۔ جس کے پہلے روز کلی صالح زئی، کلی دمن حبیب زئی اور ملحقہ علاقوں میں کارروائی کے دوران 35 ایکڑ پر کاشت بھنگ اور چرس کی فصلیں تلف کی گئیں، جبکہ دوسرے روز کلی دمن حبیب زئی، کلی شاہمیر پیر علی زئی اور اردگرد کے علاقوں میں 155 ایکڑ رقبے پر کارروائی کی گئی، جن میں سے 135 ایکڑ محکمہ کی ٹیموں نے تلف کیا جبکہ 20 ایکڑ رقبہ پانی کی کمی کے باعث خود بخود ختم ہوگیا۔
اسی طرح تیسرے روز مشکہ، کلی آرمبی مسے زئی، مسے زئی اور اطراف کے علاقوں میں مزید 195 ایکڑ رقبے پر کارروائی کی گئی، جن میں 185 ایکڑ محکمہ نے تلف کیا جبکہ 10 ایکڑ خود بخود ختم ہوا۔ اس طرح مجموعی طور پر تین روز کے دوران 385 ایکڑ رقبہ منشیات کی کاشت سے پاک کیا گیا۔ متعلقہ اداروں کے افسران کا کہنا ہے کہ مہم میں 16 ویڈیسائیڈ اسپرے مشینیں، 4 گراس کٹر مشینیں، 2 جنریٹر اور 2 ٹریکٹرز معاونت کے لیے استعمال کیے گئے۔ کارروائی کے دوران کسی قسم کی گرفتاری یا غیر قانونی سامان برآمد نہیں ہوا۔ محکمہ ایکسائز، ٹیکسیشن اینڈ اینٹی نارکوٹکس بلوچستان کے مطابق انسداد منشیات مہم آئندہ دنوں میں مزید تیزی کے ساتھ جاری رہے گی، تاکہ صوبے کو منشیات کی لعنت سے مکمل طور پر پاک کیا جاسکے۔
ذریعہ: Islam Times
کلیدی لفظ: منشیات کی کاشت علاقوں میں ایکڑ رقبہ کے دوران
پڑھیں:
حشد الشعبی فورسز نے شامی سرحد پر داعش کے تین ٹھکانے تباہ کر دیئے
ذرائع کے مطابق تینوں ٹھکانوں کے اندر دھماکہ خیز مواد کے پیکٹ اور بم چھپائے گئے تھے۔ یہ کارروائی درست انٹیلی جنس ڈیٹا کی بنیاد پر کی گئی۔ اسلام ٹائمز۔ عراقی ذرائع نے داعش تکفیری دہشت گردوں کیخلاف حشد الشعبی فورسز نے کامیابی کارروائی کرتے ہوئے داعش کے ٹھکانے تباہ کرنیکی خبر دی ہے۔ حشد الشعبی نے عراق کے صوبہ انبار کے مغربی علاقوں میں کارروائی میں تکفیری دہشت گردوں کے تین ٹھکانوں کو تباہ کر دیا ہے۔ عراقی ذرائع نے شام کی سرحد سے متصل صوبہ انبار کے مغرب میں حشد الشعبی کی طرف سے کارروائیاں جاری رکھنے کی اطلاع دی ہے۔ ان ذرائع کے مطابق تینوں ٹھکانوں کے اندر دھماکہ خیز مواد کے پیکٹ اور بم چھپائے گئے تھے۔ یہ کارروائی درست انٹیلی جنس ڈیٹا کی بنیاد پر کی گئی۔ واضح رہے کہ حشد الشعبی تکفیری دہشت گردوں کیخلاف موصل سمیت مختلف علاقوں میں کارروائیاں جاری رکھے ہوئے ہے۔
پی سی بی کا سوریا کمار یادیو کے بعد ارشدیپ سنگھ کیخلاف ایکشن