جلاؤ گھیراؤ کی سیاست ملکی مفاد میں نہیں: سعد رفیق
اشاعت کی تاریخ: 5th, October 2025 GMT
خواجہ سعد رفیق—فائل فوٹو
مسلم لیگ ن کے سینئر رہنما خواجہ سعد رفیق نے کہا ہے کہ جلاؤ گھیراؤ کی سیاست ملکی مفاد میں نہیں، ن لیگ نے عوام کی بلاتفریق خدمت کی ہے۔
لاہور میں تقریب سے خطاب میں خواجہ سعد رفیق نے کہا کہ پاکستان، سعودی عرب کا دفاعی معاہدہ خوش آئند ہے، حکومت سفارتی اور معاشی محاذ پر بڑی کامیابیاں حاصل کر رہی ہے۔
وفاقی وزیر ریلوے حنیف عباسی نے کہا ہے کہ معرکہ حق میں 7 جہاز گرانے کے ساتھ پاکستانی فوج نے 22 بھارتی چوکیوں پر قبضہ کیا۔
انہوں نے کہا کہ سیلاب کے نقصانات کا تخمینہ لگانے کے لیے متاثرہ علاقوں میں سروے جاری ہے، جہاں بھی فنڈز کی ضرورت ہے وزیرِ اعلیٰ پنجاب مریم نواز کھل کر فنڈز دے رہی ہیں، مسلم لیگ ن عوام کی بلاتفریق خدمت پر یقین رکھتی ہے۔
ن لیگی رہنما نے کہا کہ سیلاب متاثرہ کسانوں کو دوبارہ اپنے پاؤں پر کھڑا کریں گے، پاکستان سب کا ہے، ہمیں مل کر آگے بڑھنا چاہیے۔
اُن کا کہنا ہے کہ ملک میں ہم آہنگی پیدا ہونی چاہیے، امن و امان کی صورتِ حال بہتر ہونی چاہیے، جلاؤ گھیراؤ کی سیاست ملکی مفاد میں نہیں، تبدیلی والوں نے ایسی تبدیلی دکھائی کہ سب کچھ الٹ پلٹ ہو گیا۔
میئر کراچی مرتضیٰ وہاب نے کہا ہے کہ پنجاب حکومت سے مناظرے کے لیے تیار ہوں۔
خواجہ سعد رفیق نے کہا کہ وزیرِ اعظم شہباز شریف کی بصیرت سے آزاد کشمیر کا معاملہ خوش اسلوبی سے حل ہوا، پاکستان اور کشمیر ایک دوسرے کے لیے لازم و ملزوم ہیں۔
انہوں نے کہا کہ ترقیاتی کاموں سے عوام کو ریلیف ملے گا، 4 ارب کی لاگت سے پروجیکٹ سے سیوریج کا مسئلہ حل ہوجائے گا، لاہور کے 7 حلقوں کی آبادی اس میگا پروجیکٹ سے مستفید ہو گی۔
ن لیگی رہنما نے کہا کہ لاہور ڈیولپمنٹ پروگرام انقلابی پروجیکٹ ہے، جس کا کریڈٹ سی ایم پنجاب کو جاتا ہے، لاہور میں ترقیاتی کاموں کا کریڈٹ مسلم لیگ ن کو جاتا ہے۔
.ذریعہ: Jang News
کلیدی لفظ: خواجہ سعد رفیق نے کہا کہ
پڑھیں:
ایم کیو ایم کا نئے صوبوں کا مطالبہ سندھ کی وحدت پر حملہ ہے، اسماعیل راہو
وزیر جامعات و تعلیمی بورڈ سندھ نے کہا کہ مصطفی کمال کو چاہیئے کہ وہ ذمہ دارانہ گفتگو کریں، کیونکہ اٹھارویں ترمیم نے نہ صرف صوبوں کو مضبوط کیا ہے بلکہ وفاقی ڈھانچے کوبھی مستحکم کیا ہے، ایم کیو ایم کی نفرت، تقسیم اور تصادم پر مبنی سیاست اسے مزید محدود کر دے گی۔ اسلام ٹائمز۔ وزیر جامعات و تعلیمی بورڈ سندھ محمد اسماعیل راہو نے کہا ہے کہ ایم کیو ایم کا نئے صوبوں کا مطالبہ سندھ کی وحدت پر حملہ ہے، جو کسی صورت قبول نہیں ہوگا، صوبوں کو رکاوٹ قرار دینا حقائق کے منافی ہے اور عوام کو گمراہ کرنے کی کوشش ہے۔ وفاقی وزیر مصطفی کمال کے بیان پر ردِعمل دیتے ہوئے اسماعیل راہو نے کہا کہ سندھ کی تقسیم کے بیانات غیر سنجیدہ، اشتعال انگیز اور صوبے کے عوام کی خواہشات کے خلاف ہیں، اٹھارویں ترمیم وفاق کو مضبوط اور صوبوں کو بااختیار بنانے کا تاریخی فیصلہ ہے، 18ویں ترمیم عوام کے بنیادی حقوق کا آئینی تحفظ ہے، اسے رول بیک کرنے کی باتیں عوام دشمنی کے سوا کچھ نہیں۔
انہوں نے کہا کہ مصطفی کمال کو چاہیئے کہ وہ ذمہ دارانہ گفتگو کریں، کیونکہ اٹھارویں ترمیم نے نہ صرف صوبوں کو مضبوط کیا ہے بلکہ وفاقی ڈھانچے کوبھی مستحکم کیا ہے، ایم کیو ایم کی نفرت، تقسیم اور تصادم پر مبنی سیاست اسے مزید محدود کر دے گی، عوام اب ایسی سیاست کو رد کر چکے ہیں، لوگوں نے کارکردگی اور خدمت کو ترجیح دینا شروع کر دی ہے، نہ کہ لسانی اور تقسیم کی سیاست کو۔ اسماعیل راہو نے کہا کہ مصطفی کمال، جو اس وقت وفاقی وزیرِ ہیں، ان کی جماعت مرکزی حکومت میں حصہ دار ہیں، پہلے بتائیں کہ سندھ کی عوام کے لیے کون سے نئے منصوبے لائے ہیں، یہاں کراچی کا رونا رونے والے، وفاقی حکومت کے کئی دہایون سے التوا کا شکار کراچی کے منصوبے کیوں مکمل نہیں کرا سکے؟
وکلا نے 27 ویں آئینی ترمیم سندھ ہائی کورٹ میں چیلنج کردی، لاہور ہائیکورٹ بار ایسوسی ایشن کا سپریم کورٹ جانے کا اعلان