بانی کی اڈیالہ سے منتقلی کا سنا ہے، بیرسٹر گوہر
اشاعت کی تاریخ: 6th, October 2025 GMT
بیرسٹر گوہر علی خان(فائل فوٹو)۔
چیئرمین پاکستان تحریک انصاف بیرسٹر گوہر علی خان نے کہا ہے کہ بانی پی ٹی آئی کی اڈیالہ سے منتقلی کے بارے میں ہم نے سنا ہے۔
پارلیمنٹ ہاؤس کے باہر میڈیا سے گفتگو کرتے ہوئے بیرسٹر گوہر نے کہا بانی پی ٹی آئی کی اڈیالہ سے منتقلی کے خلاف عدالت جائیں گے، میں سب سے درخواست کروں گا کہ ایسے اقدامات نہ کریں۔
یہ بھی پڑھیے عمران خان کیخلاف درج مقدمات کی تفصیلات طلب عمران خان کی معافی اور رہائی!انھوں نے کہا کہ بانی پی ٹی آئی کو گھٹن زدہ ماحول میں نہیں رکھا جاسکتا، وہ پاکستان کے سابق وزیراعظم اور مقبول لیڈر ہیں، پاکستان کو جمہوریت کی طرف لے کر جانا ہے تو یہ سلسلہ رک جانا چاہیے۔
بیرسٹر گوہر نے کہا کہ بانی پی ٹی آئی کا موقف پہنچانا علیمہ خان کے ذمے ہے، قیادت کوچاہیے کہ بانی کی بہنوں سے متعلق کوئی بیان نہ دیں۔ بانی پی ٹی آئی کی بہنوں کی آنکھوں میں ہمیں بھائی کی تصویر نظر آتی ہے۔
.ذریعہ: Jang News
کلیدی لفظ: بانی پی ٹی آئی بیرسٹر گوہر کہ بانی نے کہا
پڑھیں:
9 مئی جی ایچ کیو حملہ کیس: عمران خان کا جیل ٹرائل دوبارہ شروع، اڈیالہ جیل میں کڑا پہرا
بانی پی ٹی آئی عمران خان کے خلاف 9 مئی جی ایچ کیو حملہ کیس کا جیل ٹرائل بحال کر دیا گیا۔پنجاب حکومت نے جیل ٹرائل بحالی کا نوٹیفکیشن جاری کر دیا جس کے بعد جی ایچ کیو حملہ کیس کی سماعت کل اڈیالہ جیل میں ہونے کا امکان ہے۔سپرنٹنڈنٹ اڈیالہ جیل نے راولپنڈی پولیس سے اضافی سکیورٹی کے لیے مراسلہ لکھ دیا۔یاد رہے کہ پنجاب حکومت نے 15ستمبر کو جی ایچ کیو حملہ کیس ٹرائل منتقل کرنے کا نوٹیفکیشن جاری کیا تھا۔بانی پی ٹی آئی عمران خان کو اے ٹی سی راولپنڈی میں ویڈیو لنک پر پیش کیا گیا تھا۔تاہم پنجاب حکومت نے جیل ٹرائل منتقلی کا نوٹیفکیشن واپس لے لیا۔
شہباز شریف کی ٹرمپ کے غزہ منصوبے کی تائید کسی صورت قبول نہیں‘حافظ نعیم الرحمن