ماحولیاتی بہتری کے لیے سعودی عرب کی قیادت میں تکنیکی انقلاب کا آغاز
اشاعت کی تاریخ: 7th, October 2025 GMT
سعودی عرب میں 11ویں موسمیاتی کنٹرول (Climate Control) کانفرنس بھرپور انداز میں جاری ہے، جس میں پاکستان سمیت دنیا بھر سے ماہرینِ ماحولیات، پالیسی ساز، صنعت کار اور جدید ٹیکنالوجی فراہم کرنے والی کمپنیوں نے شرکت کی۔
یہ کانفرنس ایسے وقت میں منعقد ہو رہی ہے جب سعودی عرب اپنے ویژن 2030 کے تحت پائیدار ترقی، توانائی کے مؤثر استعمال اور جدید ماحولیاتی و تعمیراتی ٹیکنالوجیز کے فروغ کے لیے نمایاں اقدامات کر رہا ہے۔
تقریب میں توانائی، ماحولیات اور قابلِ تجدید توانائی کے شعبوں سے تعلق رکھنے والے عالمی ماہرین نے اپنی تحقیقی رپورٹس، عملی تجربات اور اختراعی منصوبے پیش کیے۔ اس موقع پر پالیسی و ضابطہ جاتی سیشنز، ٹیکنو کمرشل پریزنٹیشنز، کیس اسٹڈیز، پینل ڈسکشنز اور نیٹ ورکنگ سیشنز بھی منعقد ہوئے، جن میں معروف انجینئرز، کنسلٹنٹس، مینوفیکچررز اور ڈسٹرکٹ کولنگ سروس فراہم کرنے والے شریک ہوئے۔
یہ بھی پڑھیے سعودی عرب کے ویژن 2030 سے پاکستانی کیسے فائدہ اٹھا سکتے ہیں؟
شرکاء نے اس بات پر زور دیا کہ سعودی عرب جس تیزی سے ٹیکنالوجی، پائیداری اور موسمیاتی بہتری کے میدان میں ترقی کر رہا ہے، وہ قابلِ تعریف ہے۔ انہوں نے ولی عہد شہزادہ محمد بن سلمان کے ویژن 2030 کو خراجِ تحسین پیش کرتے ہوئے کہا کہ یہ وژن خطے کو ترقی، اختراع اور ماحول دوست مستقبل کی نئی سمت دے رہا ہے۔
اس موقع پر پاکستانی کمپنیوں کی شرکت بھی خصوصی طور پر نمایاں رہی۔ پاکستانی کمپنی کے شریک بانی شکیل احمد کیانی نے بتایا کہ ان کی ٹیم نے بغیر کمپریسر کے ایئر کنڈیشننگ سسٹم متعارف کرایا ہے، جو روایتی نظاموں کے مقابلے میں تقریباً 80 فیصد بجلی کی بچت فراہم کرتا ہے۔ بین الاقوامی ماہرین نے اس ٹیکنالوجی کو توانائی کے مؤثر استعمال اور موسمیاتی تبدیلی سے نمٹنے کے حوالے سے ایک اہم پیش رفت قرار دیا۔
کانفرنس کے دوران مختلف ممالک کے ماہرین کے درمیان ملاقاتیں اور تجربات کا تبادلہ بھی ہوا، جس سے پاکستان، سعودی عرب اور دیگر ممالک کے درمیان تکنیکی تعاون کے نئے مواقع پیدا ہونے کی توقع ہے۔
یہ بھی پڑھیے سعودی عرب میں نابینا افراد کے لیے جدید نیویگیشن سسٹم تیار
اس موقع پر فریڈرک پیلے (شریک بانی و کمرشل ڈائریکٹر)، انجینئر جویریہ اسد اور امیر حمزہ (بیسٹ ایچ ایل چیئرز) نے بھی اظہارِ خیال کرتے ہوئے کہا کہ اس کانفرنس نے ماحولیاتی بہتری اور پائیدار ٹیکنالوجی کے حوالے سے عالمی تعاون کو مزید مضبوط بنایا ہے۔
ماہرین کے مطابق، موسمیاتی کنٹرول کانفرنس کا یہ ایڈیشن نہ صرف ٹیکنالوجی اور پالیسی کے امتزاج کی بہترین مثال ہے بلکہ یہ اس امر کا ثبوت بھی ہے کہ خطے کے ممالک پائیدار اور ماحول دوست مستقبل کے لیے ایک مشترکہ وژن کے ساتھ آگے بڑھ رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹیکنالوجی سعودی وژن 2030.
ذریعہ
ذریعہ: WE News
کلیدی لفظ: ٹیکنالوجی سعودی وژن 2030 کے لیے
پڑھیں:
آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق
آزاد کشمیر قانون ساز اسمبلی کے انتخابات سے قبل اہم سیاسی پیشرفت سامنے آئی ہے جہاں استحکام پاکستان پارٹی (آئی پی پی) اور آل جموں و کشمیر مسلم کانفرنس نے انتخابی اتحاد اور مختلف حلقوں میں سیٹ ایڈجسٹمنٹ کے اصولی فارمولے پر اتفاق کر لیا ہے۔
یہ بھی پڑھیں: آزاد کشمیر میں انتخابی عمل سبوتاژ کرنے کی کوششیں ناکام بنائیں گے، چیف الیکشن کمشنر کا واضح پیغام
یہ اتفاق رائے استحکام پاکستان پارٹی آزاد کشمیر کے صدر اور سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان ملاقات کے دوران ہوا۔
ملاقات میں آزاد کشمیر کی مجموعی سیاسی صورتحال، آئندہ قانون ساز اسمبلی کے انتخابات اور دونوں جماعتوں کے درمیان انتخابی تعاون پر تفصیلی تبادلہ خیال کیا گیا۔
دونوں رہنماؤں نے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی جبکہ انتخابات کے بعد بھی مشترکہ حکمت عملی کے تحت آگے بڑھنے پر اتفاق کیا گیا۔
مزید پڑھیے: تنویر الیاس کے قافلے پر حملہ، وزیراعظم آزاد کشمیر فیصل ممتاز راٹھور کی شدید مذمت
ملاقات میں فیصلہ کیا گیا کہ دونوں جماعتوں کی مشترکہ رابطہ کمیٹی جلد مختلف حلقوں میں امیدواروں کی حمایت اور سیٹ ایڈجسٹمنٹ سے متعلق حتمی اعلان کرے گی۔
سیاسی مبصرین کے مطابق اس اتحاد کو آزاد کشمیر کے انتخابات میں ایک اہم پیشرفت قرار دیا جا رہا ہے کیونکہ دونوں جماعتیں مشترکہ حکمت عملی کے ذریعے انتخابی میدان میں اپنا اثر و رسوخ بڑھانے کی کوشش کر رہی ہیں۔
مزید پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ
ملاقات کے موقع پر سابق معاون خصوصی سردار امتیاز شاہین، مسلم کانفرنس یوتھ ونگ کے چیئرمین سردار عثمان عتیق، کھائیگلہ پونچھ سے مسلم کانفرنس کے نامزد امیدوار ڈاکٹر عرفان اشرف، سابق امیدوار اسمبلی سردار منظور ایڈووکیٹ، سابق ڈی جی ہیلتھ سردار محمود خان، پولیٹیکل ایڈوائزر سردار افتخار رشید، ممبر میونسپل کارپوریشن باغ سردار شجاع منگول ایڈووکیٹ، سابق پولیٹیکل سیکرٹری سردار شبریز صابر، پیر عبدالقادر، سردار عفان عتیق، راجہ عبدالجبار اور اسٹاف آفیسر سردار حفیظ خان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل جموں و کشمیر مسلم کانفرنس کے صدر و سابق وزیراعظم سردار عتیق احمد خان استحکام پاکستان پارٹی آزاد کشمیر تنویر الیاس اور سرادر عتیق احمد کی ملاقات سابق وزیراعظم سردار تنویر الیاس خان
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار