جی ایچ کیو حملہ کیس: عمران خان کاعدالت میں پیش ہونے سے انکار
اشاعت کی تاریخ: 8th, October 2025 GMT
data-id="863a0a8" data-element_type="widget" data-widget_type="theme-post-content.default">
251008-01-14
راولپنڈی (نمائندہ جسارت) راولپنڈی کی انسداد دہشت گردی عدالت میں 9 مئی کے جی ایچ کیو حملہ کیس کی سماعت کے دوران تحریکِ انصاف کے بانی عمران خان نے عدالت میں پیش ہونے سے انکار کر دیا۔ جج امجد علی شاہ نے اڈیالہ جیل میں سماعت کی، جہاں فریقین کے وکلا موجود تھے، مگر عمران خان کی عدم پیشی نے کارروائی کو متاثر کیا۔ عدالت نے عمران خان کو پیشی کے لیے 3مرتبہ پیغام بھجوایا تاہم جیل حکام نے آگاہ کیا کہ عمران خان کی طبیعت ناساز ہے اور وہ پیش نہیں ہوسکتے۔ عمران خان کی قانونی ٹیم کی جانب سے وکیل فیصل ملک جبکہ پراسیکیوشن کی طرف سے اسپیشل پراسیکیوٹر ظہیر شاہ عدالت میں موجود رہے۔عدالت نے وکلا صفائی کو بتایا کہ کیس کا جیل ٹرائل دوبارہ بحال کر دیا گیا ہے اور آج کی سماعت کا مقصد عمران خان کی حاضری لگانا تھا۔ مگر ان کی غیر حاضری کے باعث پراسیکیوشن ٹیم اور دفاعی وکلا تقریباً ایک گھنٹہ 40 منٹ تک انتظار کرتے رہے۔عمران خان کی عدم حاضری پر دلائل سننے کے بعد انسداد دہشت گردی عدالت کے جج نے سماعت بغیر کسی کارروائی کے 20 اکتوبر تک ملتوی کر دی۔ واضح رہے کہ 9 مئی کے پرتشدد واقعات کے بعد عمران خان پر مختلف مقدمات درج ہیں جن میں جی ایچ کیو حملہ کیس بھی شامل ہے۔
ذریعہ: Jasarat News
کلیدی لفظ: عمران خان کی عدالت میں
پڑھیں:
جی ایچ کیو حملہ کیس میں آج کسی گواہ کی شہادت ریکارڈ نہ ہو سکی
راولپنڈی کی انسداد دہشتگردی عدالت نے 9 مئی جی ایچ کیو حملہ کیس کی سماعت 20 اکتوبر تک ملتوی کر دی، اڈیالہ جیل سماعت کے دوران استغاثہ کے کسی بھی گواہ کی شہادت ریکارڈ نہ ہو سکی۔
جیل ٹرائل بحال ہونے کے بعد آج 9 مئی جی ایچ کیو حملہ کیس کی پہلی سماعت اڈیالہ جیل میں ہوئی، انسداد دہشتگردی عدالت کے جج امجد علی شاہ نے سماعت کی۔
سماعت کے دوران استغاثہ کے کسی گواہ کی شہادت ریکارڈ نہ ہو سکی، اس موقع پر پراسیکیوشن ٹیم، گواہان، وکلاء صفائی بھی عدالت میں موجود تھے۔
وکلاء صفائی نے عدالت سے استدعا کی کہ ہمیں اپنے موکل سے مشاورت اور ہدایات کے لئے ملاقات کی اجازت دی جائے جس پر عدالت نے وکلاء صفائی کی استدعا منظور کرلی، عدالت نے سماعت 20 اکتوبر تک ملتوی کردی۔
بانی پی ٹی آئی کے وکیل فیصل ملک نے میڈیا کو بتایا کہ عدالتی احکامات کے باوجود وکلاء کی بانی پی ٹی آئی سے ملاقات نہیں کرائی گئی، عمران خان سے ملاقات کرکے مختلف مقدمات پر مشاورت کرنی تھی اور ہدایات لینی تھیں۔
کراچی، اورنگی ٹاؤن میں پولیس مقابلہ، دو ڈاکو زخمی، تین گرفتار، اسلحہ و سامان برآمد