کراچی: اورنگی ٹاؤن میں گھریلو جھگڑے کے دوران بیوی نے شوہر کو فائرنگ کر کے قتل کردیا
اشاعت کی تاریخ: 8th, October 2025 GMT
فائل فوٹو
کراچی کے علاقے اورنگی ٹاؤن سیکٹر ساڑھے گیارہ میں گھریلو جھگڑے کے دوران فائرنگ سے 35 سالہ محمد حسین جاں بحق ہوگیا۔
پولیس کے مطابق واقعہ میاں بیوی کے درمیان تنازع کے نتیجے میں پیش آیا اور ابتدائی تفتیش میں انکشاف ہوا ہے کہ فائرنگ مقتول کی اہلیہ نے کی اور استعمال ہونے والا پستول خود حسین کا تھا۔
اقبال مارکیٹ پولیس نے فوری کارروائی کرتے ہوئے خاتون کو گرفتار کر کے آلہ قتل برآمد کرلیا ہے۔
پولیس حکام کا کہنا ہے کہ مذکورہ جوڑے کے درمیان جھگڑوں کا سلسلہ کافی عرصے سے جاری تھا اور ایک ہفتہ قبل بھی اسی نوعیت کے جھگڑے کے دوران فائرنگ سے اہل خانہ زخمی ہوئے تھے، واقعے سے متعلق مزید تفتیش جاری ہے۔
مقتول کی لاش ضابطے کی کارروائی کے بعد ورثاء کے حوالے کردی گئی ہے۔
.ذریعہ: Jang News
پڑھیں:
اسلام آباد: ترنول میں کلاشنکوف گینگ کا سرغنہ ہلاک، 2 ملزمان زخمی حالت میں گرفتار
ترجمان اسلام آباد پولیس کے مطابق تھانہ ترنول کی حدود میں کارروائی کے دوران بین الصوبائی خطرناک کلاشنکوف گینگ کا سرغنہ پولیس پر فائرنگ کے تبادلے میں ہلاک ہوگیا۔ گینگ کے ارکان ٹیکسلا، راولپنڈی اور اسلام آباد پولیس کو 35 سے زائد سنگین وارداتوں میں مطلوب تھے۔
مزید پڑھیں: اسلام آباد پولیس کا گولڑہ میں سرچ اینڈ کومبنگ آپریشن، 47 مشکوک افراد تھانے منتقل
پولیس چیکنگ کے دوران ملزمان نے اچانک اندھا دھند فائرنگ کی جس کے نتیجے میں ایک پولیس افسر کے بلٹ پروف جیکٹ پر گولی لگی، تاہم حفاظتی اقدامات، بلٹ پروف جیکٹ اور ہیلمٹ کی وجہ سے وہ محفوظ رہے۔
ترجمان کے مطابق ملزمان کی فائرنگ سے ان کے اپنے ہی 2 ساتھی زخمی ہوئے جنہیں پولیس نے گرفتار کرلیا۔ زخمی ملزم رحمت خان بعد ازاں زخموں کی تاب نہ لاتے ہوئے دم توڑ گیا۔
مزید پڑھیں: سنی اتحاد کونسل کے چیئرمین صاحبزادہ حامد رضا کو اسلام آباد پولیس نے گرفتار کرلیا
پولیس نے کارروائی کے دوران گرفتار ملزمان سے کلاشنکوف، دیگر اسلحہ، گولیاں، موبائل فون اور نقدی برآمد کرلی جبکہ ملزمان کی فائرنگ سے سرکاری گاڑی کو بھی نقصان پہنچا۔ ساتھی ملزمان کی تلاش کے لیے علاقے میں سرچ آپریشن جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد پولیس اسلام آباد: ترنول کلاشنکوف گینگ
قابض صہیونی رژیم خطے پر تسلط قائم رکھنے کیلئے امریکہ کا آلہ ہے، حزب اللہ لبنان