اسلام آباد: ترنول میں کلاشنکوف گینگ کا سرغنہ ہلاک، 2 ملزمان زخمی حالت میں گرفتار
اشاعت کی تاریخ: 20th, November 2025 GMT
ترجمان اسلام آباد پولیس کے مطابق تھانہ ترنول کی حدود میں کارروائی کے دوران بین الصوبائی خطرناک کلاشنکوف گینگ کا سرغنہ پولیس پر فائرنگ کے تبادلے میں ہلاک ہوگیا۔ گینگ کے ارکان ٹیکسلا، راولپنڈی اور اسلام آباد پولیس کو 35 سے زائد سنگین وارداتوں میں مطلوب تھے۔
مزید پڑھیں: اسلام آباد پولیس کا گولڑہ میں سرچ اینڈ کومبنگ آپریشن، 47 مشکوک افراد تھانے منتقل
پولیس چیکنگ کے دوران ملزمان نے اچانک اندھا دھند فائرنگ کی جس کے نتیجے میں ایک پولیس افسر کے بلٹ پروف جیکٹ پر گولی لگی، تاہم حفاظتی اقدامات، بلٹ پروف جیکٹ اور ہیلمٹ کی وجہ سے وہ محفوظ رہے۔
ترجمان کے مطابق ملزمان کی فائرنگ سے ان کے اپنے ہی 2 ساتھی زخمی ہوئے جنہیں پولیس نے گرفتار کرلیا۔ زخمی ملزم رحمت خان بعد ازاں زخموں کی تاب نہ لاتے ہوئے دم توڑ گیا۔
مزید پڑھیں: سنی اتحاد کونسل کے چیئرمین صاحبزادہ حامد رضا کو اسلام آباد پولیس نے گرفتار کرلیا
پولیس نے کارروائی کے دوران گرفتار ملزمان سے کلاشنکوف، دیگر اسلحہ، گولیاں، موبائل فون اور نقدی برآمد کرلی جبکہ ملزمان کی فائرنگ سے سرکاری گاڑی کو بھی نقصان پہنچا۔ ساتھی ملزمان کی تلاش کے لیے علاقے میں سرچ آپریشن جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد پولیس اسلام آباد: ترنول کلاشنکوف گینگ.ذریعہ: WE News
کلیدی لفظ: اسلام ا باد پولیس اسلام ا باد ترنول اسلام آباد پولیس
پڑھیں:
سہ فریقی ٹی20 سیریز کے لیے اسلام آباد پولیس کی ٹریفک ایڈوائزری جاری
اسلام آباد پولیس نے ٹرائی نیشنز کرکٹ سیریز کے دوران کرکٹ ٹیموں کی اسلام آباد سے راولپنڈی کرکٹ اسٹیڈیم تک موومنٹ کے حوالے سے ٹریفک ایڈوائزری جاری کر دی ہے۔
ترجمان کے مطابق ٹیموں کی آمد و رفت کے دوران شہر کی مصروف شاہراہوں پر عارضی ڈائیورشنز لگائی جائیں گی، جس کے باعث ٹریفک کی روانی متاثر ہونے کا امکان ہے۔
یہ بھی پڑھیں: سہ فریقی سیریز: افغانستان کی طرف سے عدم شرکت کے اعلان کے بعد پی سی بی کا بڑا فیصلہ آگیا
ترجمان نے بتایا کہ رش کے اوقات میں سری نگر ہائی وے، کلب روڈ اور نائنتھ ایونیو پر ڈائیورشنز نافذ ہوں گی، لہٰذا شہری 15 سے 20 منٹ اضافی وقت کا مارجن رکھتے ہوئے سفر کا منصوبہ بنائیں۔
ٹریفک ایڈوائزری / ٹرائی نیشنز کرکٹ سیریز راولپنڈی کرکٹ اسٹیڈیم
راولپنڈی کرکٹ اسٹیڈیم میں ٹرائی نیشنز سیریز کا انعقاد 29 نومبر تک جاری رہے گا۔ اس دوران کرکٹ ٹیموں کی موومنٹ اسلام آباد سے راولپنڈی کرکٹ سٹیڈیم تک ہوگی۔
کرکٹ میچز کے دوران اسلام آباد ٹریفک پولیس کے 300 سے زائد… pic.twitter.com/csdpZmxoXh
— Islamabad Police (@ICT_Police) November 17, 2025
ان کا کہنا تھا کہ اسلام آباد ٹریفک پولیس شہریوں کی سہولت کے لیے ہر ممکن کوشش کرے گی تاکہ ٹریفک کے بہاؤ میں کم سے کم رکاوٹ آئے۔
شہریوں کو ٹریفک کی صورت حال سے باخبر رکھنے کے لیے اسلام آباد پولیس کے سوشل میڈیا پیجز اور ایف ایم 92.4 پر مسلسل اپڈیٹس فراہم کی جائیں گی۔
مزید پڑھیں: پی سی بی نے سہ فریقی ٹی20 سیریز کے لیے کمنٹری پینل اور براڈکاسٹرز کے ناموں کا اعلان کردیا
ترجمان نے شہریوں سے اپیل کی کہ وہ ڈیوٹی پر موجود ٹریفک اہلکاروں کے ساتھ تعاون کریں اور تحمل کا مظاہرہ کریں۔
کسی بھی ایمرجنسی کی صورت میں شہری پکار 15 جبکہ ٹریفک سے متعلق رہنمائی کے لیے ہیلپ لائن 1915 پر رابطہ کر سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد ٹریفک ٹریفک پولیس ٹی20 سیریز ڈیوٹی سہ فریقی سوشل میڈیا
بی بی سی نے ڈونلڈ ٹرمپ کا ایڈٹ شدہ بیان نشر کرنے پر معافی مانگ لی