کیمسٹری کا نوبل انعام: 3 سائنسدانوں کے ناموں کا اعلان
اشاعت کی تاریخ: 8th, October 2025 GMT
سال 2025 کا نوبل انعام برائے کیمسٹری جاپان، آسٹریلیا اور امریکا کے 3 سائنس دانوں کو ان کے ‘ میٹل آرگینک فریم ورکس‘ پر تحقیق کے اعتراف میں دیا گیا ہے۔
نوبل کمیٹی کے مطابق انعام یافتگان میں
پروفیسر سوسومو کیٹاگاوا کیوٹو یونیورسٹی، جاپان
پروفیسر رچرڈ رابسن یونیورسٹی آف میلبورن، آسٹریلیا
پروفیسر عمر ایم.
شامل ہیں۔ کیمیائی ڈھانچوں میں انقلاب
تینوں سائنس دانوں نے میٹل آرگینک فریم ورکس (MOFs) پر بنیادی تحقیق کی، جو دھاتوں اور نامیاتی اجزا پر مشتمل ایسے مادے ہیں جو گیسوں، توانائی اور دواؤں کے محفوظ ذخیرہ و استعمال میں مددگار ثابت ہو رہے ہیں۔
یہ دریافت جدید ماحولیاتی ٹیکنالوجی، صاف توانائی، اور کیمیائی سینسرز کی تیاری میں اہم سنگِ میل سمجھی جا رہی ہے۔
1901 سے 2024 تک کیمسٹری کے 116 نوبل انعامات دیے جا چکے ہیں، جن میں 197 سائنس دان شامل ہیں۔
ان میں 8 خواتین بھی شامل ہیں، جن میں سب سے معروف میری کیوری ہیں جنہوں نے 1911 میں یہ اعزاز حاصل کیا۔
2024 میں نوبل انعام ڈیوڈ بیکر (یونیورسٹی آف واشنگٹن) اور ڈیماس ہسابیس و جان جمپر (گوگل ڈیپ مائنڈ) کو دیا گیا تھا۔
انہوں نے مصنوعی ذہانت (AI) کے ذریعے پروٹینز کے ڈھانچے کی پیش گوئی اور نئی پروٹینز کی تخلیق کے طریقے ایجاد کیے۔
اس ہفتے طب اور طبیعات (فزکس) کے نوبل انعامات کا اعلان کیا جا چکا ہے،
جبکہ ادب، امن اور معیشت کے انعامات آئندہ دنوں میں متوقع ہیں۔
تمام نوبل انعام یافتگان کو دسمبر میں سویڈن میں منعقدہ تقریب میں ایوارڈز دیے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کیمسٹری نوبل انعام
ذریعہ
ذریعہ: WE News
کلیدی لفظ: کیمسٹری نوبل انعامات
پڑھیں:
ایڈیشنل ایڈووکیٹ جنرل کے پی انعام یوسف زئی مستعفی
پشاور (بیورو رپورٹ) خیبر پی کے کے ایڈیشنل ایڈووکیٹ جنرل انعام یوسف زئی نے استعفیٰ دے دیا۔ ذرائع کے مطابق انعام یوسف زئی نے اپنا استعفیٰ وزیراعلی خیبر پی کے کو ارسال کردیا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی