کیسکو نے گوادر میں پاور سسٹم اپ گریدیشن کا عمل مکمل کرلیا
اشاعت کی تاریخ: 9th, October 2025 GMT
data-id="863a0a8" data-element_type="widget" data-widget_type="theme-post-content.default">
کوئٹہ(نمائندہ جسارت) وفاقی حکومت کی ہدایت پر کیسکو نے گوادر میں پاور سسٹم اپ گریڈیشن کا عمل مکمل کر لیا۔ منصوبے کے تحت گوادر اور مکران ڈویژن کے مختلف علاقوں میں بجلی کی بلا رکاوٹ فراہمی کیلیے جدید انفراسٹرکچر نصب کیا گیا۔ترجمان کیسکو کے مطابق اپ گریڈ سسٹم کے بعد گوادر کے متعدد فیڈرز کی بحالی مکمل ہو چکی ہے اور 40 سے 50 میگاواٹ بجلی کی مسلسل فراہمی ممکن ہو گئی ہے۔ٹرانسمیشن لائنوں اور گرڈ اسٹیشنوں پر شنٹ ری ایکٹرز، آٹو وولٹیج ریگولیٹرز اور پولی میران انسولیٹرز نصب کر دیے گئے ہیں۔ گوادر شہر میں 11 کے وی کوسٹ گارڈ اور جی ڈی اے فیڈرز کی مرمت اور بحالی بھی مکمل کر لی گئی ہے جبکہ پسنی میں 11 کے وی لال بخش اور سٹی فیڈرز کو بھی فعال کر دیا گیا ہے۔ مزید دو 11 کے وی فیڈرز پر کام تیزی سے جاری ہے۔ترجمان کیسکو کے مطابق 132 کے وی اورماڑہ-جیوانی ٹرانسمیشن لائن کے پرانے انسولیٹرز کی تبدیلی بھی جاری ہے جو آئندہ ایک ماہ میں مکمل کر لی جائے گی۔ منصوبے کی تکمیل سے 132 کے وی ٹرانسمیشن لائن سے منسلک علاقوں میں بجلی کی فراہمی مستحکم اور بلا تعطل ہو جائے گی۔حکام کے مطابق پاور سسٹم اپ گریڈیشن سے گوادر اور مکران کے صنعتی، تجارتی اور گھریلو صارفین کو بہتر وولٹیج کے ساتھ بلاتعطل بجلی فراہم ہو گی، جس سے خطے میں ترقیاتی سرگرمیوں کو بھی نئی رفتار ملنے کی توقع ہے۔
ذریعہ: Jasarat News
پڑھیں:
متحدہ عرب امارات میں شدید دھند؛ ریڈ اور یلو الرٹ جاری
data-id="863a0a8" data-element_type="widget" data-widget_type="theme-post-content.default">
دبئی: متحدہ عرب امارات میں شدید ترین دھند کے باعث اماراتی محکمۂ موسمیات کی جانب سے ریڈ اور یلو الرٹ جاری کردیا گیا۔
اماراتی حکام کے مطابق دبئی کے مختلف علاقوں میں حدِ نگاہ انتہائی کم ہے، دھند مزید گہری ہو سکتی ہے، شہری احتیاط کریں۔جبکہ ڈرائیورز کو محتاط ڈرائیونگ کی ہدایت بھی کی گئی ہے۔
ذرائع کے مطابق ابوظبی بھی شدید دھند کی لپیٹ میں ہے، متعدد سڑکوں پر گاڑیوں کی حد رفتار کم کر دی گئی ہے جبکہ شاہراہوں پر شدید دھند میں حدِ رفتار سسٹم فعال کردیا گیا ہے۔
دبئی میں شدید موسمی حالات میں سڑکوں پر نصب حدِ رفتار سسٹم فعال کر دیا جاتا ہے، سسٹم فعال ہونے پر گاڑیوں کی رفتار کو کم کرنا لازمی ہوتا ہے۔
صوبے میں دہشت گردی خود ساختہ ہے‘ وزیراعلیٰ خیبرپختونخوا