اب وقت آگیا ہےہم اب مزید انتظار نہیں کرسکتے, آگ اور پانی کا کھیل مزید نہیں چل سکتا: وزیراعظم
اشاعت کی تاریخ: 9th, October 2025 GMT
وزیراعظم شہباز شریف نے کہا ہے کہ شہدا نے اپنے خون سے لکیر کھینچ دی ہے، اب فیصلے کا وقت آچکا ہے. اب دہشت گردی سے متعلق ٹھوس فیصلے کرنے ہیں۔وفاقی کابینہ کے اجلاس میں گفتگو کرتے ہوئے انہوں نے کہا کہ راولپنڈی میں سپہ سالار کے ساتھ شہید کی نمازہ جنازہ میں شریک ہوا. لیفٹیننٹ کرنل جنیدشہید نے بہادری اور شجاعت کی تاریخ رقم کی، لیفٹیننٹ کرنل جنید شہید نے فتنۃالخوارج کے 19 دہشت گردوں کو ہلاک کیا۔انہوں نے کہا کہ آج صبح شہید میجر سبطین حیدر کی نماز جنازہ میں شرکت کی، شہداء کے اہلخانہ سے ملاقات میں ان کا جذبہ لائق تحسین تھا، شہداء کے اہل خانہ نے کہا ملک کی خاطر ہر قربانی دیں گے۔انہوں کہا کہ یہ دوست نما دشمن خوارج افغانستان سے آکر دہشت گردی کرتے ہیں، جس ملک نے ان کو عزت دی اس کے خلاف دشمنی کررہے ہیں۔وزیراعظم نے کہا کہ شہدا نے اپنے خون سے لکیر کھینچ دی ہے، اب فیصلے کا وقت آچکا ہے، اب دہشت گردی سے متعلق ٹھوس فیصلے کرنے ہیں۔انہوں نے کہا کہ اگر دہشت گردی کا سر نہ کُچلا تو سب کی محنت رائیگاں چلی جائے گی.
ذریعہ: Nawaiwaqt
کلیدی لفظ: انہوں نے کہا کہ
پڑھیں:
پاکستان ایک دہائی کی شدید ترین طالبان بغاوت سے نمٹ رہا ہے، امریکی اخبار
کراچی ( نیوز ڈیسک) امریکی اخبار کا کہنا ہے کہ پاکستان ایک دہائی کی شدید ترین طالبان بغاوت سے نمٹ رہا ہے،پاکستان کو گزشتہ بارہ برسوں میں دہشت گردی کے سب سے بڑے خطرے کا سامنا2021 میں افغانستان میں طالبان کے اقتدار کے بعد ٹی ٹی پی ایک منظم گروہ بن گیا۔ ترجمان پاک فوج کا کہنا ہے کہہم صرف یہ چاہتے ہیں کہ افغانستان اپنی سرزمین کو پاکستان کے خلاف استعمال نہ ہونے دے۔ ماہرین کا کہنا ہےکہ ٹی ٹی پی کو افغان طالبان سے مالی اور تربیتی امداد مل رہی ہے، ٹی ٹی پی اب شہریوں کی بجائے پاک فوج اور پولیس کو نشانہ بناتی ہےافغانستان کی سرحد پر داعش جنگجوؤں کی موجودگی نے حالات کو مزید پیچیدہ کیاگزشتہ سال دہشت گردی کے حملوں میں 2015 کے بعد سب سے زیادہ اضافہ ہوا ۔ عالمی دہشت گردی انڈیکس کے مطابق حملوں نے پاکستان کو دہشت گردی سے متاثر ہونے والا دوسرا سب سے زیادہ متاثرہ ملک بنا دیا،افغان وزارت خارجہ نے کہا ہے کہ افغانستان کسی کو ہمسایہ ممالک کے خلاف دہشت گردی کے لیے اپنی سرزمین استعمال نہیں کرنے دے گا۔ پاکستان کو گزشتہ بارہ برسوں میں دہشت گردی کے سب سے بڑے خطرے کا سامنا ہے، جہاں تحریک طالبان پاکستان سکیورٹی فورسز کے خلاف گوریلا جنگ لڑ رہے ہیں۔ پاک فوج نے اپنی بہادری اور پیشہ ورانہ مہارت سے اس خطرے کا مقابلہ کرنے کے لیے ڈرون حملوں اور درست ہدفی کارروائیوں کا سلسلہ شروع کیا ہے،پاکستانی حکام کا کہنا ہے کہ افغان طالبان ٹی ٹی پی کو سرحدی حملوں کے لیے سہولت دیتے ہیں۔پاک فوج کے ترجمان لیفٹیننٹ جنرل احمد شریف چوہدری نے نیویارک ٹائمز کے ساتھ ایک انٹرویو میں افغانستان کے بارے میں کہا، “ہم صرف ایک چیز مانگتے ہیں: اپنی سرزمین کو پاکستان کے اندر عدم استحکام کے لیے استعمال نہ ہونے دیں۔”پاک فوج اس چیلنج سے نمٹنے کے لیے سرحد پر چوکس ہے اور اپنی حکمت عملی کو مضبوط کر رہی ہے۔اخبار کے مطابقخیبر پختونخوا کا باجوڑ ضلع اس تنازع کا مرکز ہے۔
لاہور، ڈی جی آئی ایس پی آر کا کنیئرڈ کالج یونیورسٹی کا دورہ، طالبات سے خطاب