پی ٹی آئی دہشت گردوں کو اپنی سیکنڈ ڈیفنس لائن سمجھتی ہے، خواجہ آصف
اشاعت کی تاریخ: 9th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد:۔ وزیر دفاع خواجہ آصف نے کہا ہے کہ پی ٹی آئی کا دہشت گردوں کے لیے ہمدردی کا ایک نرم رویہ ہے وہ دہشت گردوں کو اپنی سیکنڈ ڈیفنس لائن سمجھتی ہے، اس پارٹی کی لیڈرشپ نے کبھی دہشت گردی کے خلاف بات نہیں کی، ان خیالات کااظہار وزیر دفاع خواجہ آصف نے پارلیمنٹ ہاﺅس میں میڈیا سے گفتگو کرتے ہوئے کیا۔
وزیراعلیٰ خیبرپختونخوا کی تبدیلی کے معاملے پر انہوں نے کہاکہ پی ٹی آئی کے اندر ایک انتشار کا سلسلہ ہے، قیادت کا فقدان ہے پارٹی کے اندر مختلف انٹرسٹ گروپس کھینچا تانی کر رہے ہیں، ایک دوسرے پر الزامات بھی لگا رہے ہیں کہ فلاں اسٹیبلشمنٹ کے ساتھ رابطے میں ہے میں نے کہیں پڑھا ہے کہ گورنر صاحب نے کہا ہے کہ مجھے ابھی تک استعفیٰ نہیں ملا۔
خواجہ آصف نے کہاکہ خیبر پختونخوا میں دہشت گردی کے خلاف جنگ جاری ہے، آج اور کل بھی شہادتیں ہوئی ہیں اس صوبے میں قطعی طور پہ اس جنگ کے اوپر پی ٹی آئی کی حکومت نے غور نہیں کیا، وہاں پی ٹی آئی کی حکومت انسٹال ہوئے تیرہ چودہ سال ہوگئے ہیں۔
انہوں نے کہاکہ صوبے میں جب اتنے ابتر حالات ہوں، کبھی بانی پی ٹی آئی کا دہشت گردی پر کوئی بیان نہیں آیا ہے، ہر چیز پر وہ بیان دیتے ہیں، اندر سے کس طرح بیان باہر آتے ہیں، محب وطن قوتوں یا انسان کو اس پر بیان دینا چاہیے، کوئی بیان نہیں آتا۔ پی ٹی آئی جنازے میں شرکت نہیں کرتی تمام شواہد یہ ظاہر کرتے ہیں کہ پی ٹی آئی کا دہشت گردوں کے لیے ہمدردی کا ایک سافٹ رویہ ہے وہ دہشت گردوں کو اپنی سیکنڈ ڈیفنس لائن سمجھتے ہیںاس پارٹی کی لیڈرشپ نے کبھی دہشت گردی کے خلاف بات نہیں کی۔
ذریعہ
ذریعہ: Jasarat News
کلیدی لفظ: خواجہ آصف پی ٹی آئی
پڑھیں:
کراچی: نجی ایئر لائن کی حج پرواز جدہ سے 15 گھنٹے کی تاخیر سے پہنچ گئی
—فائل فوٹونجی ایئر لائن کی حج آپریشن کی پرواز پی کے 940 جدہ سے15 گھنٹے کی تاخیر سے کراچی پہنچ گئی۔
ایئر لائن ذرائع کے مطابق بوئنگ 777 طیارے میں 300 سے زائد حجاج پہنچے ہیں۔
قومی ایئر لائن پی آئی اے کے بعد از حج آپریشن کا آغاز آج سے ہو گیا۔
ذرائع نے بتایا ہے کہ طیارے کی عدم دستیابی کے باعث پرواز تاخیر کا شکار ہوئی ہے۔
ایئرلائن ذرائع کا یہ بھی کہنا ہے کہ نجی ایئر لائن کا یہ حج آپریشن 30 جون کو اختتام پزیر ہو گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ