مرکزی گواہ انعام اللہ شاہ قابل اعتماد نہیں،وہ جہانگیر ترین کا آلہ کار تھا؛عمران خان کا توشہ خانہ ٹو کیس میں عدالت میں جمع کرایا بیان سامنے آ گیا
اشاعت کی تاریخ: 10th, October 2025 GMT
راولپنڈی(ڈیلی پاکستان آن لائن)توشہ خانہ ٹو کیس میں بانی پی ٹی آئی اور بشری بی بی کا 342 کا اہم بیان سامنے آگیا۔
نجی ٹی وی سما نیوز کے مطابق بانی پی ٹی آئی نےکی جانب سےجمع کرائے گئے عدالتی جواب میں کہا گیا کہ بلغاری جیولری سیٹ قواعد کےمطابق ادائیگی کرکے اپنے پاس رکھا،انعام اللہ شاہ کو کبھی نہیں کہا کہ صہیب عباسی سے کم قیمت لگوائے، انعام اللہ شاہ پی ٹی آئی سیکریٹریٹ اور وزیراعظم ہاؤس میں بھی ملازم تھا،اسے 2 جگہوں سے تنخواہیں لینے کی وجہ سے برطرف کیا۔
عمران خان نےکہا فرض کریں کہ انعام اللہ نےمجھے کم قیمت لگوا کر 3 ارب 20 کروڑ کا فائدہ دیا،تو 2 ماہ بعد اسے صرف 70 ہزار زائد تنخواہ لینے پر برطرف کیوں کروں گا؟اس بنا پر پراسیکوشن کا کیس ختم ہوتا ہے جس کے حقائق ہی درست نہیں،مرکزی گواہ انعام اللہ شاہ قابل اعتماد نہیں،وہ جہانگیر ترین کا آلہ کار تھا۔
جنوبی افریقا کیخلاف پہلے ٹیسٹ کیلئے ممکنہ پلیئنگ الیون کے نام سامنے آگئے
عدالت نےسوال کیا کہ ہار اور انگوٹھی کی قیمت اٹلی سے 7 کروڑ سے زائد لگی،آپ کیا کہیں گے؟ جس پر عمران خان نےکہا نیب کا دائرہ اختیار نہیں،اس لیےاٹلی سےلگائی قیمت بطورشہادت پیش نہیں ہو سکتی،چیئرمین نیب نےبغیراختیارمئی 2024 کو وعدہ معاف گواہ صہیب عباسی کو معافی دی،ایف آئی اے نےکبھی تحقیقات نہیں کیں،رولز کےخلاف من گھڑت رپورٹ جمع کرائی،توشہ خانہ ون کیس میں گواہ انعام اللہ اورصہیب عباس نے بلغاری سیٹ کا ذکرنہیں کیا،ممنوعہ فنڈنگ کیس اور سائفرسےکچھ نہیں ملا تو اب یہ کیس بنا دیا۔
بانی پی ٹی آئی نےجواب میں کہا 2018 کی توشہ خانہ پالیسی کےمطابق تحفہ صرف رپورٹ نہ کرنے پر ایکشن ہوسکتا تھا،توشہ خانہ تحائف 7 سے 10 مئی 2021 کے درمیان وصول کیےجس پر نیب کیس بنا۔
ایف آئی اے کےدائر اختیار کےحوالے سے توشہ خانہ رولزمکمل خاموش ہیں،اسی بنیاد چوتھےجعلی توشہ خانہ کیس میں مجھےاورمیری بیوی کو بری کرنا چاہیے،نومبر 2022 سے میرے خلاف ایسے من گھڑت کیسز بنائے جا رہے ہیں۔
گوگل نے پاکستان میں 18 سال یا اس سے زائد عمر طلبہ کے لیے ایک سالہ مفت ’گوگل اے آئی پرو پلان‘ کا اعلان کردیا
اسی پربشری بی بی نےاپنے بیان میں کہا پردہ نشین خاتون ہوں،کبھی کسی سیاسی سرگرمی میں حصہ نہیں لیا،میں نےبھی انعام اللہ شاہ کوقیمت کم لگانے کا کبھی نہیں کہا،ایک جرم پر بار بار سزا نہیں ہو سکتی،توشہ خانہ میں ایسا ہی کیا جا رہا ہے۔
ملزمان نے گزشتہ روز اسپیشل جج سینٹرل کی عدالت میں جواب جمع کرایا تھا۔
ذریعہ: Daily Pakistan
کلیدی لفظ: انعام اللہ شاہ توشہ خانہ کیس میں
پڑھیں:
پشاور : فیڈرل کانسٹیبلری ہیڈکوارٹر پر خودکش دہشتگردوں کے حملے کی سی سی ٹی وی فوٹیج سامنے آ گئی۔
پشاور میں فیڈرل کانسٹیبلری ہیڈکوارٹر پر خودکش دہشتگردوں کے حملے کی سی سی ٹی وی فوٹیج سامنے آ گئی۔ فیڈرل کانسٹیبلری ہیڈکوارٹر کے مرکزی دروازے پر لگے کیمرے سے ریکارڈ ہونے والی فوٹیج میں دیکھا جا سکتا ہے کہ خوفناک دھماکا مرکزی دروازے پر صبح 8 بج کر 11 منٹ پر ہوا، جس کے فوراً بعد جائے وقوع پر بھگدڑ مچ گئی۔ سکیورٹی ذرائع کے مطابق گیٹ پر ہونےو الے پہلے خودکش حملے کے بعد دو حملہ آوروں نے اندر داخل ہونے کی کوشش کی، جس پر فورسز نے بروقت کارروائی کرتے ہوئے حملہ ناکام بنا دیا۔ واقعے میں تینوں دہشت گرد جہنم واصل ہو گئے۔
پختونخوا کےساتھ سوتیلی ماں جیساسلوک کیاجاتاہے،سہیل آفریدی