بشرا بی بی کے کہنے پر عمران خان نے سہیل آفریدی کو بطور وزیراعلیٰ منتخب کیا، طارق فضل چوہدری
اشاعت کی تاریخ: 10th, October 2025 GMT
وفاقی وزیر برائے پارلیمانی امور طارق فضل چوہدری نے دعویٰ کیا ہے کہ سہیل آفریدی کو وزیراعلیٰ خیبر پختونخوا نامزد کرنے کا فیصلہ بانی پی ٹی آئی نے نہیں بلکہ ان کی اہلیہ بشریٰ بی بی کی سفارش پر کیا گیا۔
یہ بھی پڑھیں: خیبرپختونخوا میں سہیل آفریدی کو دہشتگردوں کی سہولتکاری کے لیے لایا گیا، وزیراطلاعات عطا تارڑ
نجی ٹی وی سے خصوصی گفتگو میں وفاقی وزیر طارق فضل چوہدری نے کہا کہ یہ فیصلہ صوبے کی بہتری کے بجائے ذاتی بنیادوں پر کیا گیا ہے، جس پر تحریک انصاف کے اراکینِ اسمبلی بھی ناخوش ہیں۔
انہوں نے کہا کہ بانی پی ٹی آئی تشدد، ٹکراؤ اور انتشار کی سیاست کو فروغ دینا چاہتے ہیں اور ان کا ذہن ہے کہ ایک بار پھر وفاق پر یلغار کی جائے۔
یہ بھی پڑھیں: ‘ڈرامہ بازی نہ کریں’ علی امین گنڈاپور کا استعفیٰ گورنرخیبرپختونخوا کو ملا یا نہیں؟
طارق فضل چوہدری نے خبردار کیا کہ آئندہ اسلام آباد پر کسی بھی قسم کی چڑھائی کی کوشش ہوئی تو اسے سختی سے روکا جائے گا۔
ان کا مزید کہنا تھا کہ خیبر پختونخوا میں حالات اس وقت غیر مستحکم ضرور ہیں، تاہم گورنر راج کے نفاذ سے متعلق باتیں قبل از وقت ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بشرا بی بی سہیل آفریدی طارق فضل چوہدری عمران خان.ذریعہ: WE News
کلیدی لفظ: سہیل ا فریدی طارق فضل چوہدری
پڑھیں:
انتخابی عملے کو دھمکانے کے کیسم وزیراعلیٰ خیبر کی الیکشن کمیشن میں پیشی
الیکشن عملے کو دھمکانے اور ضابطہ اخلاق کی مبینہ خلاف ورزی کے کیس میں وزیراعلیٰ خیبر پختونخوا سہیل آفریدی الیکشن کمیشن آف پاکستان میں پیش ہو گئے۔
یہ بھی پڑھیں: چشمہ رائٹ بینک کینال کو پی ایس ڈی پی فنڈنگ کے ذریعے جلد شروع کرایا جائے، سہیل آفریدی کا وزیراعظم کو خط
چیف الیکشن کمشنر کی سربراہی میں 5 رکنی بینچ نے کیس کی سماعت کی۔ الیکشن کمیشن نے وزیراعلیٰ کو آئندہ سماعتوں پر حاضری سے استثنیٰ دے دیا۔
سہیل آفریدی کے وکیل علی بخاری نے سماعت کے دوران الیکشن کمیشن کے دائرہ اختیار کو چیلنج کرتے ہوئے مؤقف اختیار کیا کہ حلقے میں ڈسٹرکٹ مانیٹرنگ آفیسر (ڈی ایم او) کی جانب سے بھی نوٹس جاری کیا گیا ہے اس لیے بیک وقت دونوں فورمز کارروائی نہیں کر سکتے۔
وزیراعلیٰ پنجاب کے خلاف بھی درخواست دائرسماعت کے دوران علی بخاری نے وزیراعلیٰ پنجاب مریم نواز کے خلاف بھی درخواست دائر کر دی۔
مزید پڑھیے: سہیل آفریدی نااہل؟ الیکشن کمیشن کا بڑا سرپرائز، تحریک انصاف کا بائیکاٹ، ہری پور ضمنی الیکشن ملتوی؟
اس حوالے سے انہوں نے مؤقف اپنایا کہ مریم نواز نے این اے 18 ہری پور سے ملحقہ حسن ابدال میں ترقیاتی منصوبوں کا اعلان کر کے ضابطہ اخلاق کی خلاف ورزی کی۔ چیف الیکشن کمشنر نے درخواست کو الگ سے دیکھنے کی ہدایت کی۔
وکلا کو سیکیورٹی چیکنگ پر روکنے کا معاملہعلی بخاری نے شکوہ کیا کہ وکلا کو گیٹ پر روک کر تذلیل کی جاتی ہے۔
چیف الیکشن کمشنر نے وضاحت کی کہ یہ اقدامات سیکیورٹی وجوہات کی بنا پر کیے جاتے ہیں۔
مزید پڑھیں: الیکشن کمیشن نے سہیل آفریدی کی بات کو غلط سمجھا، علی محمد خان
مکالمے کے دوران چیف الیکشن کمشنر نے نعیم حیدر پنجوتھا سے ہلکے پھلکے انداز میں کہا کہ ’آپ کو کون روک سکتا ہے آپ کو تو میرے گھر سے بھی ووٹ ملا ہوا ہے۔
دلائل کا تبادلہسماعت کے دوران سپیشل سیکرٹری لا نے کہا کہ آئین کا آرٹیکل 218(3) الیکشن کمیشن کے اختیارات واضح کرتا ہے اور کمیشن قانون کے مطابق کارروائی آگے بڑھا سکتا ہے۔
درخواست گزار بابر نواز کے وکیل سجیل سواتی نے کہا کہ وزیراعلیٰ کے پی کے نے انتخابی عملے کو واضح دھمکی دی اس لیے کارروائی لازم ہے۔
علی بخاری کا کہنا تھا کہ اگر ایبٹ آباد جلسے پر ان کے موکل کے خلاف کارروائی کی جاتی ہے تو معاملہ یکطرفہ نظر آئے گا جبکہ وزیراعلیٰ پنجاب نے بھی حسن ابدال میں ڈھائی ارب روپے کے منصوبوں کا اعلان کیا ہے۔
یہ بھی پڑھیے: ضابطہ اخلاق کی خلاف ورزی: الیکشن کمیشن نے وزیراعلیٰ سہیل آفریدی کو کل طلب کرلیا
اس پر چیف الیکشن کمشنر نے کہا کہ قانون سب کے لیے برابر ہے اور بلا امتیاز کارروائی ہو گی۔
فیصلہ محفوظ، سماعت ملتویچیف الیکشن کمشنر نے الیکشن کمیشن کے دائرہ اختیار سے متعلق فیصلہ محفوظ کرتے ہوئے سہیل آفریدی کے وکیل کو آئندہ سماعت پر تحریری جواب جمع کرانے کی ہدایت کی۔
مزید پڑھیں: ضابطہ اخلاق کی خلاف ورزی: الیکشن کمیشن نے وزیراعلیٰ سہیل آفریدی کو کل طلب کرلیا
الیکشن کمیشن نے وزیراعلیٰ خیبر پختونخوا کو آئندہ پیشیوں سے استثنیٰ دیتے ہوئے کیس کی سماعت 4 دسمبر تک ملتوی کر دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکشن کمیشن آف پاکستان خیبر پحتونخوا کے نومنتخب وزیراعلیٰ سہیل آفریدی سہیل آفریدی کی پیشی
ڈی پی ورلڈ آئی ایل ٹی20 اسکولز کپ 2025 کے فائنلسٹ ٹیموں کا اعلان