وزیراعلیٰ کی حلف برداری: پہلے پنجاب اور اب خیبرپختونخوا میں تاخیری حربے، فرق کیا ہے؟
اشاعت کی تاریخ: 14th, October 2025 GMT
پنجاب میں سنہ 2022 اور خیبرپختونخوا میں سنہ 2025 کے دوران وزیر اعلیٰ کے حلف کے حوالے سے کافی مماثلت ہے۔ دونوں میں صوبوں میں آئینی تقاضوں کی آڑ میں تاخیری حربے استعمال ہوئے اور پنجاب میں انتخاب کو ’متنازع‘ کہا گیا جبکہ کے پی میں استعفیٰ کو ’جعلی دستخط‘ کا مسئلہ بنایا گیا۔
یہ بھی پڑھیں: گورنر خیبرپختونخوا کل شام 4 بجے نومنتخب وزیراعلیٰ سے حلف لیں، پشاور ہائیکورٹ کا حکم
دونوں صوبوں میں پاکستان تحریک انصاف مختلف سیاسی جماعتوں کے ساتھ مقابلہ کرتی ہوئی نظر آئی۔ آئین کے آرٹیکل 130(3) کے تحت 48 گھنٹوں میں وزیر اعلیٰ کا حلف لینا لازمی ہے۔
گورنر پنجاب عمر سرفراز چیمہ نے مستعفی ہونے والے سردار عثمان بزدار کا استعفیٰ غیر آئینی قرار دیتے ہوئے اسے مسترد کردیا تھا۔ یہ 28 مارچ 2022 کی بات ہے جب عثمان بزدار نے اپنا استعفیٰ گورنر پنجاب کو دینے کی بجائے عمران خان دیا تھا۔
سابق گورنر عمرسرفراز چیمہ نے کہا تھا کہ وزیر اعلیٰ نے استعفیٰ نہیں دیا۔ انہوں خط لکھا لیکن بعد ازاں عثمان بزدار مستعفی ہوگئے اور حمزہ شہباز شریف 16 اپریل 2022 کو 197 ووٹ لے کر نئے وزیر اعلیٰ منتخب ہوگئے۔
مزید پڑھیے: نومنتخب وزیراعلیٰ سہیل آفریدی کے حلف کا معاملہ، پشاور ہائیکورٹ نے کل تک جواب طلب کرلیا
اس کے بعد سابق گورنر پنجاب عمر سرفراز چیمہ نے حلف لینے سے انکار کر دیا۔ 3 دفعہ لاہور ہائیکورٹ نے حلف لینے کے حوالے سے فیصلے جاری کیے لیکن سابق صدر مملکت عارف علوی اور سابق گورنر پنجاب عمر سرفراز چیمہ عدالتی حکم ماننے سے انکاری رہے جس کے بعد لاہور ہائیکورٹ نے اسپیکر قومی اسمبلی سے کہا کہ وہ نئے وزیر اعلیٰ پنجاب حمزہ شہباز سے حلف لیں۔ حلف نہ لینے کا معاملہ پنجاب میں تقریبا ایک ماہ تک چلتا رہا اور اب اس طرح کا واقعہ کے پی میں سنہ 2025 میں دوہرایا جارہا ہے۔
کے پی میں وزیر اعلی کے حلف کا معاملہ کیا ہے؟خیبرپختونخوا کے نئے وزیر اعلیٰ کا تنازعہ 8 اکتوبر 2025 کو شروع ہوا جب پی ٹی آئی چیئرمین عمران خان نے ہدایت جاری کی کہ علی امین گنڈا پور استعفی دیں اور سہیل آفریدی کو نیا وزیر اعلیٰ نامزد کر دیا پر جس کے بعد علی امین گنڈا پور نے 2 استعفے گورنر کے پی فیصل کریم کنڈی کو بھجوا دیے۔
پہلے استعفے کے بارے میں کہا جاتا رہا کہ گورنر کے پی کو کوئی استعفیٰ موصول نہیں ہوا جس کے بعد علی امین گنڈا پور نے دوسرا استعفیٰ گورنر کے پی کو ارسال کر دیا پھر معاملے میں اس وقت نیا رخ اختیار کیا جب گورنر فیصل کریم کنڈی نے دستخطوں میں فرق ہونے کی وجہ سے علی امین گنڈا پور کے 2 استعفے واپس کر دیے اور انہیں 15 اکتوبر (بدھ) کو گورنر ہاؤس میں طلب کر لیا ہے تاکہ معاملہ حل کیا جا سکے۔
یہ پیشرفت اس وقت سامنے آئی ہے جب صبح 10 بجے خیبر پختونخوا اسمبلی کا اجلاس نئے وزیراعلیٰ کے انتخاب کے ایجنڈے کے ساتھ طلب کیا گیا تھا۔
مزید پڑھیں: نومنتخب وزیراعلیٰ سہیل آفریدی سے حلف لیا جائے: اسپیکر کے پی اسمبلی کی گورنر کو سفارش
کے پی اسمبلی کا اجلاس شروع ہوتے ہی علی امین گنڈا پور نے اپنے استعفے کی وضا حت دی اور اسپیکر نے اعلان کیا کہ ہم جو کچھ کر رہے ہیں آئین کے مطابق کر رہے ہیں جس کے بعد وزیر اعلیٰ کا انتخاب ہوا اور سہیل آفریدی 90 ووٹوں سے وزیر اعلیٰ کے پی منتخب ہوگئے اور اب اپوزیشن اس انتخاب کو غیر آئینی قرار دے رہی ہے اور کہہ رہی ہے جب تک استعفیٰ منظور نہ ہو پوزیشن خالی نہیں ہوتی اور نئے انتخاب کی کوئی بنیاد نہیں بنتی دوسری جانب پشاور ہائیکورٹ نے پاکستان تحریک انصاف کی نومنتخب وزیراعلیٰ سہیل آفریدی کی حلف برداری کے لیے دائر درخواست پر محفوظ کیا گیا فیصلہ سنادیا ہے عدالت نے حکم دیا ہے کہ گورنر خیبرپختونخوا 15 اکتوبر شام 4 بجے تک نومنتخب وزیراعلیٰ سہیل آفریدی سے حلف لیں اگر گورنر نے حلف نہیں لیا تو پھر اسپیکر حلف لینے کے پابند ہوں گے۔
اس دوران گورنر خیبرپختونخوا نے واضح کیا کہ انہوں نے کبھی حلف لینے سے انکار نہیں کیا آئین کے تقاضے پورے کے جائیں گے اور میں نے ہمیشہ کہا ہے کہ قانون اور آئین پر عملدرآمد کریں گے۔
فیصل کریم کنڈی کا کہنا تھا کہ میرا جواب ہائیکورٹ میں جمع ہوچکا ہےن میں آج رات ہر صورت میں پشاور پہنچ جاؤں گا اور میرا جو آئینی فرض ہے وہ ادا کروں گا۔
انہوں نے کہا کہ گورنر کے پاس طیارہ نہیں ہوتا، وزیر اعلیٰ سندھ سے درخواست کی ہے کہ وہ اپنا طیارہ فراہم کریں۔
یہ بھی پڑھیں: عثمان بزدار آج کل کیا کر رہے ہیں؟
چیئرمین پیپلزپارٹی بلاول بھٹو زرداری نے فیصل کریم کنڈی کو یہ ہدایت کی تھی کہ وہ فوری طور پر پشاور پہنچ کر عدالتی حکم پر عملدرآمد کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب خیبرپختونخوا سہیل آفریدی علی امین گنڈاپور وزیراعلیٰ خیبرپختونخوا.
ذریعہ
ذریعہ: WE News
کلیدی لفظ: خیبرپختونخوا سہیل ا فریدی علی امین گنڈاپور وزیراعلی خیبرپختونخوا علی امین گنڈا پور نومنتخب وزیراعلی فیصل کریم کنڈی گورنر پنجاب سہیل آفریدی ہائیکورٹ نے وزیر اعلی جس کے بعد گورنر کے حلف لینے سے حلف
پڑھیں:
گل فیروزہ، سدرہ امین اور نشرہ سندھو کی شاندار کارکردگی، پاکستان نے سری لنکا کیخلاف پہلا پہلے ون ڈے جیت لیا
گل فیروزہ، سدرہ امین اور نشرہ سندھو کی عمدہ کارکردگی کی بدولت پاکستان ویمنز کرکٹ ٹیم نے سری لنکا کو پہلے ایک روزہ میچ میں 5 وکٹوں سے شکست دے کر 3 میچوں کی سیریز میں 1-0 کی برتری حاصل کر لی۔
یہ بھی پڑھیں: پاکستان ویمنز ٹیم کا سری لنکا ٹور: ٹی20 سیریز نئے مقام پر منتقل، کس کا پلڑا بھاری؟
آئی سی سی ویمنز چیمپیئن شپ 2025-29 کے تحت کھیلے گئے میچ میں سری لنکا نے ٹاس جیت کر پہلے بیٹنگ کا فیصلہ کیا تاہم پاکستانی بولرز کی نپی تلی بولنگ کے باعث مقررہ 50 اوورز میں 9 وکٹوں کے نقصان پر 210 رنز ہی بنا سکی۔
سری لنکا کی جانب سے اوپنرز وشمی گوناتنے اور کپتان چماری اتھاپتھو نے ٹیم کو اچھا آغاز فراہم کیا اور ابتدائی 5 اوورز میں بغیر کسی نقصان کے 31 رنز بنائے۔ دونوں نے پہلی وکٹ کے لیے نصف سینچری شراکت بھی قائم کی جو سری لنکا کی جانب سے ون ڈے کرکٹ میں کسی بھی اوپننگ جوڑی کی 5ویں ففٹی پارٹنرشپ تھی۔
پاکستانی اسپنرز کے اٹیک پر آنے کے بعد سری لنکن بیٹنگ کی رفتار سست پڑ گئی۔ نشرہ سندھو نے پہلے وشمی گوناتنے کو آؤٹ کیا جبکہ بعد ازاں کپتان چماری اتھاپتھو کو بھی بولڈ کر دیا۔
اتھاپتھو اور حسینی پریرا نے دوسری وکٹ کے لیے 53 رنز جوڑے تاہم اس کے بعد پاکستانی بولرز نے میچ پر گرفت مضبوط کر لی۔ نیلکشیکا سلوا اور کویشا دلہاری کے درمیان 5ویں وکٹ کے لیے 42 رنز کی شراکت کے علاوہ کوئی بڑی پارٹنرشپ نہ بن سکی جبکہ آخری 7 اوورز میں سری لنکا نے 32 رنز کے عوض 5 وکٹیں گنوا دیں۔
مزید پڑھیے: فاطمہ ثنا نے تاریخ رقم کر دی، ویمنز دی ہنڈرڈ کھیلنے والی پہلی پاکستانی کرکٹر بن گئیں
پاکستان کی جانب سے نشرہ سندھو نے شاندار بولنگ کرتے ہوئے 42 رنز دے کر 3 وکٹیں حاصل کیں۔
گل فیروزہ کی مسلسل چوتھی نصف سینچری211 رنز کے ہدف کے تعاقب میں پاکستان نے پراعتماد آغاز کیا۔ اوپنر گل فیروزہ نے ایک مرتبہ پھر عمدہ بیٹنگ کا مظاہرہ کرتے ہوئے مسلسل چوتھی ون ڈے نصف سینچری اسکور کی۔
انہوں نے ابتدائی پاور پلے میں جارحانہ انداز اپنایا اور صدف شمس کے ساتھ پہلی وکٹ کے لیے 58 رنز کی شراکت قائم کی۔
Pakistan women beat Sri Lanka women by 5 wickets in the first One-Day International of the three-match series in Hambantota today.@TheRealPCBMedia @TheRealPCB #News #RadioPakistan https://t.co/5cesGghrAK
— Radio Pakistan (@RadioPakistan) July 23, 2026
بعد ازاں گل فیروزہ اور سدرہ امین نے دوسری وکٹ کے لیے 90 رنز کا اہم اضافہ کیا جس نے پاکستان کی فتح کی بنیاد رکھ دی۔
مزید پڑھیں: ویمنز ورلڈکپ فوٹو شوٹ میں فاطمہ ثنا اور جے شاہ کا مصافحہ توجہ کا مرکز بن گیا
گل فیروزہ نے 77 گیندوں پر 78 رنز کی شاندار اننگز کھیلی جبکہ صدف امین نے ذمہ دارانہ بیٹنگ کرتے ہوئے 94 گیندوں پر 57 رنز بنائے۔
پاکستان نے مطلوبہ ہدف 45 اوورز میں 5 وکٹوں کے نقصان پر حاصل کر لیا اور یوں سیریز کا آغاز کامیابی سے کیا۔
آئی سی سی ویمنز چیمپئن شپ میں دوسری پوزیشنیہ پاکستان ویمنز ٹیم کی مسلسل 5ویں ون ڈے فتح ہے جس کے بعد قومی ٹیم آئی سی سی ویمنز چیمپیئن شپ کے پوائنٹس ٹیبل پر دوسرے نمبر پر پہنچ گئی۔
یہ بھی پڑھیے: فاطمہ ثنا کا ایک اور سنگ میل: صرف 15 گیندوں پر نصف سینچری بناکر ٹی 20 کا نیا عالمی ریکارڈ قائم کردیا
پاکستان اور سری لنکا کے درمیان سیریز کا دوسرا ایک روزہ میچ 25 جولائی کو ہمبنٹوٹا میں ہی کھیلا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ویمنز بمقابلہ سری لنکا پاکستان ویمنز ٹیم کی فتح سدرہ امین صدف شمس فاطمہ ثنا گل فیروزہ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار