پاک افغان بارڈڑ پر صبح سویرے جھڑپ، طالبان کا اسپن بولدک کراسنگ پر قبضہ کرنے کا دعویٰ
اشاعت کی تاریخ: 15th, October 2025 GMT
افغان صوبہ قندھار کے مقامی ذرائع کے مطابق آج (بدھ) صبح "اسپن بولدک" کراسنگ پر واقع "وش گیٹ" سرحدی مقام پر طالبان اور پاکستانی فوجیوں کے درمیان شدید جھڑپ ہوئی۔ اسلام ٹائمز۔ اسپن بولدک بارڈر کراسنگ پر آج صبح سویرے طالبان اور پاک فوج کے درمیان شدید جھڑپوں کے بعد طالبان نے کراسنگ پر کنٹرول حاصل کرنے کا دعویٰ کیا ہے۔ افغان صوبہ قندھار کے مقامی ذرائع کے مطابق آج (بدھ) صبح "اسپن بولدک" کراسنگ پر واقع "وش گیٹ" سرحدی مقام پر طالبان اور پاکستانی فوجیوں کے درمیان شدید جھڑپ ہوئی۔ جھڑپ چار گھنٹے سے زائد جاری رہی اور کسی بھی طرف سے ابھی تک سرکاری تفصیلات جاری نہیں کی گئیں۔ طالبان نے غیر سرکاری بیانات میں دعویٰ کیا ہے کہ انہوں نے ایک سرکاری سرحدی کراسنگ اور پاکستانی فوج کی تنصیبات پر قبضہ کر لیا ہے۔ تاہم پاکستانی حکام نے ابھی تک اس دعوے کی تردید یا تصدیق نہیں کی ہے۔
دریں اثنا، مقامی عینی شاہدین نے افغان میڈیا سے بات کرتے ہوئے شہریوں کی ہلاکتوں کی اطلاع دی ہے۔ سرحد کے قریب رہائشیوں کے مطابق پاکستانی فورسز نے فائرنگ کے تبادلے کے دوران رہائشی مکانات پر فائرنگ کی جس کے نتیجے میں کم از کم تین شہری ہلاک اور خواتین اور بچوں سمیت متعدد زخمی ہوگئے۔ تنازع کی شدت کے بعد متعدد خاندانوں نے اپنے گھر بار چھوڑ دیے ہیں اور تجارتی سرگرمیاں اور کسٹم اور سرحدی بازاروں میں بھاری گاڑیوں کی آمدورفت معطل کر دی گئی ہے۔ افغان سیکیورٹی ذرائع نے کہا ہے کہ طالبان کی حکومتی فورسز سرحدی لائن پر مکمل چوکس ہیں۔
اسپن بولدک چمن کراسنگ طورخم کے بعد افغانستان اور پاکستان کے درمیان دوسری بڑی تجارتی گزرگاہ ہے جہاں سے روزانہ لاکھوں ڈالر کا سامان اور ایندھن کا تبادلہ ہوتا ہے۔ کراسنگ بار بار سرحدی کشیدگی کا مشاہدہ کرتی رہی ہے۔ 2023 میں، پاکستانی افواج نے باڑ لگا کر اور سرحدی چوکیوں کو بڑھانے کی کوشش کی تھی، اس دوران طالبان کے ساتھ جھڑپیں ہوئیں تھیں۔ اسلام آباد افغان طالبان پر تحریک طالبان پاکستان (ٹی ٹی پی) کے جنگجوؤں کو پناہ دینے کا الزام لگاتا ہے، تاہم طالبان کی حکومت نے بارہا ان الزامات کی تردید کرتے ہوئے کہا ہے کہ پاکستان میں عدم تحفظ ایک اندرونی مسئلہ ہے۔
ذریعہ
ذریعہ: Islam Times
کلیدی لفظ: اسپن بولدک کے درمیان
پڑھیں:
اسحاق ڈار کویتی وزیر خارجہ کے درمیان ٹیلیفونک رابطہ، بدلتی عالمی صورتحال پر تبادلہ خیال
نائب وزیراعظم و وزیر خارجہ سینیٹر اسحاق ڈار اور کویت کے وزیر خارجہ شیخ جراح جابر الاحمد الصباح کے درمیان ٹیلیفونک رابطہ ہوا ہے، جس میں خطے اور عالمی سطح پر تیزی سے بدلتی ہوئی صورتحال پر تبادلہ خیال کیا گیا۔
ترجمان دفتر خارجہ کے مطابق گفتگو کے دوران کویت کے وزیر خارجہ شیخ جراح جابر الاحمد الصباح نے امریکا اور ایران کے درمیان رابطوں اور بات چیت کے فروغ کے لیے پاکستان کے مسلسل ثالثی کردار اور سہولت کاری کی کوششوں کو سراہا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke today with Kuwait’s Foreign Minister Sheikh Jarrah Jaber Al-Ahmad Al-Sabah to discuss evolving regional and international developments.
FM Sheikh Jarrah appreciated Pakistan’s continued… pic.twitter.com/CBnvw1REKc
— Ministry of Foreign Affairs – Pakistan (@ForeignOfficePk) June 2, 2026
انہوں نے علاقائی امن و سلامتی کے فروغ میں پاکستان کے تعمیری کردار کی بھی تعریف کی۔
اس موقع پر نائب وزیراعظم و وزیر خارجہ اسحاق ڈار نے اس عزم کا اعادہ کیاکہ پاکستان خطے میں پائیدار امن اور استحکام کے قیام کے لیے سفارت کاری اور مسلسل مذاکرات کو ہی بہترین راستہ سمجھتا ہے اور اس کی حمایت جاری رکھے گا۔
دونوں رہنماؤں نے اس امید کا اظہار کیاکہ جاری سفارتی کوششیں مثبت نتائج دیں گی اور مستقبل قریب میں خطے میں دیرپا امن کے قیام کی راہ ہموار ہوگی۔
گفتگو کے دوران پاکستان اور کویت کے درمیان موجود مضبوط برادرانہ تعلقات کا بھی اعادہ کیا گیا، جبکہ دونوں فریقوں نے مستقبل میں قریبی رابطے برقرار رکھنے پر اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسحاق ڈار ٹیلیفونک رابطہ عالمی صورتحال کویتی وزیر خارجہ نائب وزیراعظم وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ