پھر جھڑپ ‘ کئی افغان پوسٹیں اور ٹینک تباہ
اشاعت کی تاریخ: 15th, October 2025 GMT
راولپنڈی+ اسلام آباد+ چمن ( خبرنگار خصوصی+ نوائے وقت رپورٹ) کرم میں افغان طالبان اور فتنہ الخوارج نے پھر بلا اشتعال فائرنگ کی۔ سکیورٹی ذرائع کے مطابق پاک فوج کی جانب سے بھرپور اور شدید جواب دیا گیا تھا۔ پاک فوج کی فائرنگ کی وجہ سے طالبان کی متعدد پوسٹیں اور ٹینک پوزیشن تباہ ہو گئی۔ سکیورٹی ذرائع کے مطابق افغان طالبان کی پوسٹوں پر آگ بھڑک اٹھی۔ طالبان کا ٹینک بھی تباہ اور پوسٹیں چھوڑ کر فرار ہو گئے۔ وزارت خارجہ کے مطابق سیکرٹری خارجہ آمنہ بلوچ نے وفاقی دارالحکومت میں موجود سفارتی مشنز‘ غیر ملکی سفیروں کو بریفنگ دی۔ ترجمان دفتر خارجہ کے مطابق آمنہ بلوچ نے پاکستان کے جائز سکیورٹی خدشات‘ علاقائی سالمیت اور قومی سلامتی کے تحفظ کیلئے غیر متزلزل عزم پر زور دیا۔ جبکہ غیر ملکی سفارتی مشنز کے نمائندوں کو پاک افغان سرحد پر حالیہ پیشرفت اور صورتحال سے آگاہ کیا۔ انہوں نے مزید کہا پاکستان نے ہمیشہ ہر قسم کی دہشتگردی کو مسترد کیا ہے۔ ایسے ہتھکنڈے خطے میں امن و استحکام کی راہ میں رکاوٹ ڈالیں گے۔ دریں اثناء افغان طالبان اور بھارتی حمایت یافتہ دہشتگردوں کے حملوں کے بعد پیدا ہونے والی سرحدی کشیدگی کے باعث چمن، قلعہ سیف اللّٰہ اور چاغی سے پاک افغان سرحد منگل کو بھی تیسرے روز بند رہی۔ محکمہ داخلہ کے حکام کے مطابق پاکستان اور افغانستان کے درمیان ہفتے کی شب پیدا ہونے والی سرحدی کشیدگی کے باعث چمن اور قلعہ سیف اللّٰہ میں بادینی بارڈر اور چاغی میں براہمچہ کے مقام پر پاک افغان سرحد بند ہے۔ سرحد بند ہونے سے افغان مہاجرین کی وطن واپسی عارضی طور پر معطل ہوگئی۔ حکام کے مطابق چمن اور قلعہ سیف اللّٰہ میں پانچ ہزار سے زائد افغان مہاجر سرحد پر رکے ہوئے ہیں۔ محکمہ داخلہ کے حکام کا کہنا ہے کہ سرحد کھلتے ہی ان افغان مہاجرین کو افغانستان بھیج دیا جائے گا۔ کرم میں پاک فوج نے افغان طالبان اور فتنہ الخوارج کیخلاف ایک اور کامیاب کارروائی کی ہے۔ سکیورٹی ذرائع کے مطابق ایک گھنٹے کے دوران چوتھی ٹینک پوزیشن شمشاد پوسٹ تباہ کردی گئی۔ فتنہ الخوارج اور افغان طالبان کے کارندے گھبراہٹ میں پوسٹیں اور متعدد لاشیں چھوڑ کر فرار ہوگئے۔ پاک فوج کی کرم سیکٹر میں ایک اور انتہائی مہارت اور پیشہ ورانہ کارروائی کے دوران چلتے ٹینک کو نشانہ بنا کر تباہ کردیا گیا۔ ذرائع کا کہنا ہے کہ پاک فوج کی اہم کارروائی میں فتنہ الخوارج کے اہم کمانڈر کی ہلاکت کی اطلاعات موصول ہوئی ہیں۔ پاک فوج نے کرم سیکٹر میں ایک اور کارروائی کے دوران طالبان کے چلتے ٹینک کو نشانہ بنا کر تباہ کر دیا۔ سکیورٹی ذرائع کے مطابق تباہ کئے گئے ٹینک کی فوٹیج دیکھی جا سکتی ہے۔ افغان طالبان کی ایک اور پوسٹ اور ٹینک پوزیشن تباہ کر دی۔ افغان طالبان متعدد نعشیں چھوڑ کر فرار ہو گئے۔ افغان فورسز نے سفید جھنڈا لہرا دیا۔ سکیورٹی ذرائع کے مطابق گزشتہ شب کرم سیکٹر میں افغان طالبان اور فتنہ الخوارج کی جانب سے بلا اشتعال فائرنگ کا سلسلہ شروع ہوا۔ جوابی کارروائیوں میں پاک فوج نے غیر معمولی مہارت کا مظاہرہ کرتے ہوئے طالبان کے ایک چلتے ٹینک کو بھی نشانہ بنا کر تباہ کیا۔ پاک فوج نے طالبان اور فتنہ الخوارج کی ٹینک پوزیشن "شمشاد پوسٹ" کو بھی مکمل طور پر تباہ کر دیا۔ سکیورٹی ذرائع کا کہنا ہے کہ پاک فوج کی اس اہم کارروائی میں فتنہ الخوارج کے ایک اہم کمانڈر کی ہلاکت کی بھی اطلاعات موصول ہوئی ہیں۔ خوست میں پانچویں ٹینک پوزیشن نارگسر پوسٹ پر ٹینکوں کو تباہ کر دیا۔ متعدد کارندے ہلاک ہو گئے۔ پوسٹ خالی ہو گئی۔ ادھر روس نے پاک افغان کشیدگی پر اظہار تشویش کیا ہے اور کابل‘ اسلام آباد سے تحمل و برداشت کا مظاہر کرنے کی اپیل کی ہے۔ روس نے کہا معاملات کو سیاسی و سفارتی ذرائع سے حل کرنے کی اپیل کرتے ہیں۔ امید ہے انسداد دہشت گردی سے متعلق معاملات پر تعمیری مکالمہ جلد بحال ہو گا۔ پاک فوج کی افغان طالبان اور فتنہ الخوارج کے خلاف پے در پے کارروائیاں جاری ہیں۔ خوست میں پانچویں ٹینک پوزیشن نارگسر پوسٹ پر کھڑے ٹینک اور اس کے کریو کو بھی تباہ کر دیا گیا۔ پوسٹ خالی کرا لی گئی۔ کرم سیکٹر پر افغان طالبان اور فتنہ الخوارج کی جارحیت پر پاک فوج نے شدید رد عمل دیا ہے۔ افغان طالبان اور فتنہ الخوارج کی اہم پوسٹوں کو مسلسل نشانہ بنایا جا رہا ہے۔ پاک فوج نے پولسین پوسٹ کے مد مقابل خارجی ملک نعیم کے ٹریننگ کیمپ کو بھی نشانہ بنایا ۔ کارروائی کے دوران فتنہ الخوارج کا ٹریننگ کیمپ مکمل طور پر تباہ ہو گیا۔پاکستانی فورسز کی جوابی کارروائی پر طالبان نے اپنی ایک پوسٹ پر سفید جھنڈا لہرا دیا۔ سفید جھنڈا لہرانے کے بعد طالبان پوسٹ چھوڑ کر فرار ہو گئے۔ سکیورٹی ذرائع کے مطابق ترکمان زئی ٹاپ پر پاک فوج نے چھٹا ٹینک عملہ سمیت تباہ کر دیا ۔ اینڈ وی ڈی سے تباہ شدہ ٹینک سے آگ کے شعلے بلند ہوتے نظر آئے ۔طالبان کارندے پوسٹیں چھوڑ کر فرار ہو گئے۔ 6 سے زائد ٹینک اڑا دیے۔
.
ذریعہ
ذریعہ: Nawaiwaqt
کلیدی لفظ: افغان طالبان اور فتنہ الخوارج کی سکیورٹی ذرائع کے مطابق چھوڑ کر فرار ہو گئے ٹینک پوزیشن تباہ کر دیا پاک فوج نے پاک فوج کی کرم سیکٹر پاک افغان کے دوران ایک اور کو بھی
پڑھیں:
افغانستان: نورستان میں تباہ کن سیلاب، ہلاکتیں 40 سے تجاوز کر گئیں، متاثرین خوراک اور صاف پانی سے محروم
افغانستان کے صوبہ نورستان میں آنے والے تباہ کن سیلاب کے نتیجے میں ہلاکتوں کی تعداد 40 سے تجاوز کر گئی ہے، جبکہ متعدد افراد اب بھی لاپتا ہیں۔ اقوام متحدہ نے بتایا ہے کہ امدادی اور ریسکیو کارروائیاں بدستور جاری ہیں، تاہم متاثرہ علاقوں میں خوراک، صاف پانی، رہائش اور طبی سہولیات کی شدید قلت پیدا ہو گئی ہے۔
اقوام متحدہ کے سیکریٹری جنرل کے ترجمان اسٹیفن دوجارک نے نیوز بریفنگ میں بتایا کہ حالیہ سیلاب نے نورستان میں گھروں، سرکاری عمارتوں اور تجارتی مراکز کو بڑے پیمانے پر نقصان پہنچایا ہے۔ انہوں نے کہا کہ ریسکیو ٹیمیں لاپتا افراد کی تلاش میں مصروف ہیں، جبکہ ہلاکتوں اور نقصانات کی تعداد میں مزید اضافے کا خدشہ ہے۔
Las devastadoras inundaciones que
azotan la provincia oriental de Nuristan han dejado un saldo
preliminar de al menos 20 muertos, 80 heridos y más de 100
personas desaparecidas, incluido el alcalde de la capital
provincial de Parun. pic.twitter.com/f2pXZ5kCgA
— Guillermo Gomez (@G_GomezJ) July 22, 2026
اقوام متحدہ کے مطابق متاثرہ علاقوں میں موبائل ہیلتھ ٹیمیں تعینات کر دی گئی ہیں، طبی مراکز کو ہائی الرٹ کر دیا گیا ہے اور خوراک، ادویات اور دیگر ہنگامی امدادی سامان کی فراہمی کا سلسلہ شروع کر دیا گیا ہے۔ عالمی ادارے کا کہنا ہے کہ متاثرین کو فوری طور پر عارضی رہائش، خوراک، طبی سہولیات، بنیادی استعمال کی اشیا اور نفسیاتی معاونت کی ضرورت ہے۔
دوسری جانب عالمی ادارہ برائے مہاجرت (آئی او ایم) نے کہا ہے کہ اچانک آنے والے سیلاب سے گھروں اور بنیادی ڈھانچے کو شدید نقصان پہنچا ہے، جس کے باعث متعدد خاندان کھلے آسمان تلے زندگی گزارنے پر مجبور ہیں۔ ادارے کے مطابق کئی متاثرہ علاقوں میں لوگوں کو پینے کے صاف پانی اور خوراک تک رسائی حاصل نہیں، جبکہ امدادی ٹیمیں نقصانات کا جائزہ لے کر فوری امداد کی فراہمی کی تیاری کر رہی ہیں۔
یہ بھی پڑھیں:افغانستان میں قیامت خیز سیلاب، 23 افراد جاں بحق، 100 لاپتا
طالبان حکام نے ابتدائی طور پر ہلاکتوں کی تعداد 23 بتائی تھی اور کہا تھا کہ 100 سے زائد افراد لاپتا جبکہ 80 زخمی ہیں، تاہم اقوام متحدہ اور دیگر ذرائع کے مطابق اب ہلاکتیں 40 سے بڑھ چکی ہیں۔ حکام کا کہنا ہے کہ ریسکیو اور نقصانات کے تخمینے کا عمل جاری ہے، اس لیے اعداد و شمار میں مزید تبدیلی آ سکتی ہے۔
آئی او ایم نے خبردار کیا ہے کہ افغانستان حالیہ برسوں میں موسمیاتی تبدیلیوں کے باعث قدرتی آفات کا زیادہ شکار ہو رہا ہے۔ ماہرین کے مطابق موسمیاتی تبدیلی اور ’ایل نینو‘ جیسے موسمی عوامل شدید بارشوں اور اچانک سیلاب کے خطرات میں اضافہ کر رہے ہیں، جبکہ افغانستان کی جغرافیائی اور معاشی کمزوری اسے ایسی آفات کے لیے مزید حساس بناتی ہے۔ عالمی ادارے نے اس عزم کا اعادہ کیا کہ وہ متاثرہ آبادی کو ہنگامی امداد کی فراہمی میں افغان حکام کی معاونت جاری رکھے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان سیلاب نورستان
ٹی20 ورلڈ کپ 2026: پاکستان نے سپر 8 کے لیے جگہ پکی کر لی