مزید یرغمالیوں کی لاشیں واپس ملنے کے بعد اسرائیل غزہ میں امداد کی اجازت دے گا
اشاعت کی تاریخ: 15th, October 2025 GMT
مزید یرغمالیوں کی لاشیں واپس ملنے کے بعد اسرائیل غزہ میں امداد کی اجازت دے گا رفح کراسنگ کے ذریعے 600 امدادی ٹرک غزہ میں داخل ہوں گے، رپورٹ ’’حماس نے ہتھیار نہ ڈالے تو قیامت برپا کر دی جائے‘‘، اسرائیلی وزیر اعظم
رفح کراسنگ کے ذریعے 600 امدادی ٹرک غزہ میں داخل ہوں گے، رپورٹ
اسرائیلی نشریاتی ادارے ’کان‘ نے بدھ کی صبح رپورٹ کیا کہ اسرائیل بدھ کے روز رفح بارڈر کراسنگ کے ذریعے غزہ پٹی میں امداد جانے کی اجازت دے دے گا حالانکہ اس نے پہلے دھمکی دی تھی کہ اگر حماس ہلاک شدہ اسرائیلی یرغمالیوں کی جسمانی باقیات کی واپسی میں تیزی نہیں لاتی تو یہ راستہ بند رکھا جائے گا۔
رپورٹ کے مطابق یہ فیصلہ ایسے وقت پر سامنے آیا ہے، جب منگل کی رات حماس نے مزید چار یرغمالیوں کی جسمانی باقیات اسرائیل کے حوالے کر دیں، جس کے بعد اب تک 28 میں سے 8 لاشیں واپس کی جا چکی ہیں۔
(جاری ہے)
’کان‘ نے رپورٹ کیا، ’’بدھ کے روز اقوام متحدہ، منظور شدہ بین الاقوامی تنظیموں، نجی شعبے اور عطیہ دہندگان کی جانب سے 600 امدادی ٹرک غزہ پٹی کی طرف روانہ کیے جائیں گے۔
‘‘ تاہم اس اسرائیلی نشریاتی ادارے نے زیادہ تفصیل نہیں بتائی۔امدادی تنظیموں نے غزہ پٹی میں قحط یا قحط جیسی صورتحال کی نشاندہی کی ہے، جہاں اسرائیل اور حماس کے درمیان جاری تنازعے کے باعث حالیہ مہینوں میں بہت کم یا کوئی امداد نہیں پہنچ سکی۔
ہماری کوریج میں خوش آمدیداسرائیل اور حماس کے درمیان جنگ بندی اب تک قائم ہے تاہم ہلاک شدہ یرغمالیوں کی جسمانی باقیات کی واپسی کے معاملے پر کشیدگی برقرار ہے۔
اسرائیل نے کہا تھا کہ اگر لاشیں جلد واپس نہ کی گئیں، تو وہ غزہ پٹی تک پہنچائی جانے والی امداد محدود کر دے گا۔
غزہ امن معاہدے کی شرائط کے تحت عسکریت پسند فلسطینی گروپ حماس کو ہلاک ہونے والے اٹھائیس یرغمالیوں کی جسمانی باقیات اسرائیل کے حوالے کرنا ہیں، جن میں سے اب تک آٹھ کی واپسی ہو چکی ہے۔
حماس کا موقف ہے کہ غزہ پٹی میں بڑے پیمانے پر تباہی کے باعث تمام لاشوں کو نکالنے کے لیے وقت درکار ہے، جسے اسرائیل نے تسلیم نہیں کیا۔
پیر کے روز حماس نے تمام 20 زندہ یرغمالیوں کو رہا کر دیا تھا جبکہ اسرائیل نے بھی اپنی جیلوں میں قید تقریباً 2,000 فلسطینیوں کو رہا کر دیا تھا۔ اسرائیل اور فلسطینی علاقوں میں ہونے والی پیش رفت سے متعلق ڈی ڈبلیو کی مزید کوریج کے لیے ہمارے ساتھ رہیے۔.
ذریعہ: UrduPoint
کلیدی لفظ: تلاش کیجئے غزہ پٹی
پڑھیں:
سندھ بھر میں ڈینگی کے وار جاری، مزید 232 کیسز رپورٹ
سب سے زیادہ کیسز کراچی کی لیبارٹریز میں 123 اور حیدرآباد میں 109 رپورٹس مثبت آئی ہیں۔ اسلام ٹائمز۔ صوبہ سندھ میں ڈینگی کے مزید 232 کیسز سامنے آگئے ہیں اور کراچی میں سب سے زیادہ 127 کیسز رپورٹ ہوئے ہیں۔ محکمہ صحت سندھ کے مطابق صوبے بھر میں ڈینگی کے کیسز میں اضافہ دیکھا جا رہا ہے، سرکاری اسپتالوں میں ڈینگی کے 34 اور نجی اسپتالوں میں 17 نئے مریض داخل ہوئے ہیں، جس کے بعد صوبہ بھر میں داخل مریضوں کی مجموعی تعداد 44 ہو چکی ہے۔ کراچی ڈویژن کے سرکاری اسپتالوں میں 17، حیدرآباد کے سرکاری اسپتالوں میں 9 نئے مریض داخل ہوئے ہیں۔
محکمہ صحت نے بتایا کہ گزشتہ 24 گھنٹوں میں سرکاری اسپتالوں سے 38 اور نجی اسپتالوں سے 34 مریض صحت یاب ہوکر گھروں کو روانہ ہوگئے ہیں۔ ڈی جی ہیلتھ سندھ کے مطابق گزشتہ 24 گھنٹوں کے دوران صوبے بھر میں ڈینگی سے کوئی ہلاکت رپورٹ نہیں ہوئی۔ انہوں نے بتایا کہ سندھ میں 2432 افراد کے ڈینگی ٹیسٹ کیے گئے، جن میں سے 232 افراد کے ٹیسٹ مثبت آئے ہیں، سب سے زیادہ کیسز کراچی کی لیبارٹریز میں 123 اور حیدرآباد میں 109 رپورٹس مثبت آئی ہیں۔
پشاور؛ ایف سی ہیڈکوارٹر پر خودکش حملہ، آپریشن جاری