اسپنر نعمان علی کا نیا ریکارڈ، ’یہ کسی اور ملک میں ہوتے تو سر آنکھوں پر بٹھایا جاتا‘
اشاعت کی تاریخ: 15th, October 2025 GMT
پاکستان کرکٹ ٹیم کے تجربہ کار اسپنر نعمان علی نے دنیائے کرکٹ کے عظیم لیگ اسپنر عبدالقادر کا 37 سال پرانا ریکارڈ اپنے نام کرلیا ہے۔ نعمان علی نے گزشتہ پانچ ٹیسٹ میچوں کے دوران سب سے زیادہ وکٹیں لینے والے پاکستانی باؤلر بننے کا اعزاز حاصل کیا ہے۔
نعمان علی کی اس غیرمعمولی کارکردگی کے بعد سوشل میڈیا پر شائقین کرکٹ اور ماہرین کی جانب سے انہیں بھرپور سراہا جا رہا ہے۔ صارفین کا کہنا ہے کہ اگر نعمان جیسے باصلاحیت اسپنر کو جلد موقع دیا جاتا تو وہ پاکستان کو کئی مواقع پر فتح دلا سکتے تھے۔
یہ بھی پڑھیں: لاہور ٹیسٹ: اسپنر نعمان علی کا نیا کارنامہ، عبدالقادر کا 37 سالہ ریکارڈ توڑ دیا
سلیم خالق نے اس حوالے سے تبصرہ کرتے ہوئے کہا کہ نعمان علی جیسا اسپنر اگر کسی اور ملک میں ہوتا تو اسے سر آنکھوں پر بٹھایا جاتا۔ یہ بیچارہ سال میں صرف 2 یا 3 ٹیسٹ کھیلتا ہے اور پھر ٹیم سے باہر کر دیا جاتا ہے۔ ہم ٹی ٹو20 میں چند چھکے لگانے والوں کو تو سپر اسٹار بنا دیتے ہیں، مگر اصل اسٹار تو نعمان جیسے کھلاڑی ہیں جو ہمیں ٹیسٹ میچز جتواتے ہیں۔ انہیں ان کا جائز حق دیا جائے۔
نعمان علی جیسا اسپنر کسی اور ملک میں ہوتا تو اسے سر آنکھوں پر بٹھایا جاتا،یہ بیچارہ سال میں 2،3ٹیسٹ کھیل کر پھر سائیڈ پر ہو جاتا ہے،ٹی ٹوئنٹی میں کوئی چند چھکے لگا لے تو ہم اسے سپراسٹار بنا دیتے ہیں اصل اسٹارز نعمان جیسے کھلاڑی ہی ہیں جو ہمیں میچ جتوا سکیں،ان کو جائز حق دیں
— Saleem Khaliq (@saleemkhaliq) October 15, 2025
ایک صارف نے کہا کہ شان پولاک کے مطابق نعمان نے 34 سال کی عمر میں اپنا ڈیبیو کیا۔ وہ 23 سال کی عمر میں بھی ڈیبیو کر سکتا تھا، جب اُس کے پاس تجربہ، پختگی یا تسلسل نہیں تھا۔ اگر ایسا ہوتا، تو ممکن ہے وہ صرف دو یا تین میچ کھیلتا اور پھر کبھی منتخب نہ ہوتا۔
Shaun Pollock said, "Noman made his debut at 34.
— Sheri. (@CallMeSheri1_) October 15, 2025
عدنان ملک نے لکھا کہ میرے خیال میں یہ صدی کی سب سے بہترین بال ہے جو نعمان علی نے کروائی ہے اور بیٹسمین کو بالکل اندازہ ہی نہیں ہوا چکر کھا گئے۔
میرے خیال میں یہ صدی کی سب سے بہترین بال ہے جو نعمان علی نے کروائی ہے اور بیٹسمین کو بالکل اندازہ ہی نہیں ہوا چکر کھا گئے۔۔#PakistanCricket #BabarAzam???? pic.twitter.com/U9QT0Xx2uK
— Adnan Malik ✨ (@A_ViewsPk) October 15, 2025
علی شیر نے کہا کہ کیا ہم کرکٹ بورڈ سے پوچھ سکتے ہیں کہ ہمارا بیسٹ ٹیسٹ پرفارمر نعمان علی سنٹرل کنٹریکٹ کی اے کیٹگری میں کیوں نہیں ہے؟
کیا ہم کرکٹ بورڈ سے پوچھ سکتے ہیں کہ ہمارا بیسٹ ٹیسٹ پرفارمر نعمان علی سنٹرل کنٹریکٹ کی اے کیٹگری میں کیوں نہی ہے؟
صرف اسی ایک پوائنٹ کی غیرجانبدرانہ انکوائری ہو جائے تو آپکو پتہ چل جائے گا کہ PCB کے معاملات کسطرح چلائے جا رہے ہیں۔
میری تمام کرکٹ فین سے گزارش ہے یہ سوال اٹھائیں
— ???? علی شیر پنڈت (@cric_pundit) October 15, 2025
واضح رہے کہ 39 سالہ نعمان علی نے جنوبی افریقہ کی پہلی اننگز میں 6 وکٹیں حاصل کر کے اپنے ٹیسٹ کیریئر میں 9یں مرتبہ 5 یا اس سے زیادہ وکٹیں حاصل کرنے کا اعزاز حاصل کیا، یوں وہ پاکستان کے کامیاب ترین لیفٹ آرم اسپنر بن گئے ہیں جنہوں نے سب سے زیادہ مرتبہ ایک اننگز میں 5 یا زائد وکٹیں حاصل کیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی کرکٹر نعمان علی نعمان علی اعزازذریعہ: WE News
کلیدی لفظ: پاکستانی کرکٹر نعمان علی نعمان علی اعزاز
پڑھیں:
سابق ٹیسٹ کرکٹر وزیر محمد 95 برس کی عمر میں انتقال کر گئے
پاکستان کے سابق ٹیسٹ کرکٹر وزیر محمد 95 برس کی عمر میں سولیہل، برمنگھم میں آج صبح انتقال کر گئے۔
مرحوم، پاکستان کے عظیم بلے باز حنیف محمد کے بڑے بھائی تھے، جنہیں ’لٹل ماسٹر‘ کے نام سے جانا جاتا ہے۔
Former Pakistan Test cricketer Wazir Mohammad has passed away at the age of 95 in Birmingham, his family confirmed.
A member of Pakistan’s first-ever Test squad on the 1952 tour to India, Wazir represented the country in 20 Tests.
The brother of Hanif and Mushtaq Mohammad, he… pic.twitter.com/Uiqr5AWCXw
— Faizan Lakhani (@faizanlakhani) October 13, 2025
وزیر محمد نے پاکستان کی جانب سے 20 ٹیسٹ میچز کھیلے اور 801 رنز اسکور کیے، جن میں 2 سینچریاں اور 3 نصف سینچریاں شامل تھیں۔
یہ بھی پڑھیں: سابق قومی ٹیسٹ کرکٹر محمد نذیر جونیئر انتقال کرگئے
وزیر محمد مشہور محمد برادران میں سب سے بڑے تھے، ایک عظیم کرکٹ خاندان جس میں حنیف محمد، رئیس محمد، مشتاق محمد اور صادق محمد شامل تھے۔، یہ تمام بھائی پاکستان کی نمائندگی ٹیسٹ کرکٹ میں کر چکے ہیں۔
22 دسمبر 1929 کو پیدا ہونیوالے وزیر محمد اپنی وفات تک آسٹریلیا کے نیل ہاروی اور نیوزی لینڈ کے ٹریور میک میہان کے بعد دنیا کے تیسرے معمر ترین سابق مرد ٹیسٹ کرکٹر تھے۔
چئیرمین پاکستان کرکٹ بورڈ محسن نقوی کا سابق ٹیسٹ کرکٹر وزیر محمد کے انتقال پر اظہار افسوس
چئیرمین پی سی بی محسن نقوی کا سوگوار خاندان سے دلی ہمدردی و اظہار تعزیت
چئیرمین پی سی بی محسن نقوی کا وزیر محمد کی کرکٹ کے شعبے میں خدمات کو خراج عقیدت
وزیر محمد ایک اچھے بیٹسمین…
— PCB Media (@TheRealPCBMedia) October 13, 2025
1950 اور 1960 کی دہائی میں وزیر محمد پاکستان کرکٹ کے ابتدائی دور کے ایک اہم رکن رہے اور ٹیم کی بنیاد مضبوط کرنے میں نمایاں کردار ادا کیا۔
مزید پڑھیں: معمر ترین بھارتی ٹیسٹ کرکٹر دتاجی راؤ گائیکواڈ چل بسے
چیئرمین پاکستان کرکٹ بورڈ محسن نقوی نے وزیر محمد کے انتقال پر گہرے دکھ اور افسوس کا اظہار کرتے ہوئے کہا کہ وہ ایک بہترین بیٹسمین اور انتہائی نفیس انسان تھے۔
’ان کی خدمات کو ہمیشہ یاد رکھا جائے گا۔ اللہ تعالیٰ مرحوم کی روح کو جوارِ رحمت میں جگہ دے اور سوگوار خاندان کو صبرِ جمیل عطا فرمائے، آمین!‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹیسٹ کرکٹر حنیف محمد سابق محمد برادران وزیر محمد
رونالڈو تاریخ کے پہلے کھرب پتی فٹبالر بن گئے