ویمنز ورلڈ کپ: آسٹریلیا نے ریکارڈ ہدف حاصل کرکے بھارت کو شکست دیدی
اشاعت کی تاریخ: 13th, October 2025 GMT
آسٹریلیا نے ویمنز ون ڈے انٹرنیشنل کرکٹ میں ریکارڈ ہدف حاصل کرتے ہوئے بھارت کو 3 وکٹوں سے شکست دے دی۔
اتوار کے روز کھیلے گئے ویمنز کرکٹ ورلڈ کپ کے گروپ میچ میں آسٹریلیا کو فتح کے لیے 331 رنز کا ہدف دیا گیا، جو اُس نے 6 گیندیں باقی رہتے حاصل کرلیا۔ کپتان الیسا ہیلی نے 142 رنز کی شاندار اننگز کھیل کر ٹیم کی جیت میں کلیدی کردار ادا کیا۔
یہ بھی پڑھیے: ویمنز ورلڈ کپ 2025، آسٹریلیا نے پاکستان کو ہرا کر پوائنٹ ٹیبل پر پہلی پوزیشن حاصل کرلی
ایلیس پیری نے 47 رنز کی ناقابلِ شکست اننگز کھیلتے ہوئے کم گارتھ کے ساتھ مل کر ٹیم کو ہدف تک پہنچایا۔ اس جیت کے ساتھ آسٹریلیا نے چار میں سے 3 میچ جیت کر پوائنٹس ٹیبل پر پہلی پوزیشن حاصل کرلی، جبکہ میزبان بھارت مسلسل دوسری شکست کے بعد تیسرے نمبر پر چلا گیا۔ ٹورنامنٹ کے سیمی فائنل کے لیے ٹاپ 4 ٹیمیں کوالیفائی کریں گی۔
الیسا ہیلی نے میچ کے بعد کہا کہ پورے گروپ پر بہت فخر ہے۔ اختتامی لمحات میں تھوڑا دباؤ ضرور تھا لیکن ہماری بیٹنگ لائن کی گہرائی نے ثابت کردیا کہ ہم 330 جیسے بڑے ہدف کا بھی تعاقب کرسکتے ہیں۔ باولرز نے بھی شاندار واپسی کی، ورنہ ہم 360 سے زائد کا ہدف دیکھ رہے ہوتے۔
یہ بھی پڑھیے: ویمنز ورلڈ کپ: جنوبی افریقی اوپننگ بیٹر نے اہم ریکارڈ اپنے نام کرلیا
بھارت کی جانب سے سمرتی مندھانا اور پراتیکا راول نے 155 رنز کی شاندار اوپننگ شراکت قائم کی مگر بعد میں ٹیم 330 رنز پر ڈھیر ہوگئی۔ آسٹریلیا کی اینابل سدھرلینڈ نے 5 وکٹیں حاصل کر کے بھارتی بیٹنگ لائن کو لڑکھڑا دیا۔
یہ کامیابی خواتین کرکٹ کی تاریخ میں سب سے بڑے ہدف کے کامیاب تعاقب کا نیا ریکارڈ ہے، جو اس سے قبل اپریل 2024 میں سری لنکا کے جنوبی افریقہ کے خلاف 302 رنز کے تعاقب سے قائم تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلیا انڈیا کرکٹ ورلڈکپ.
ذریعہ
ذریعہ: WE News
کلیدی لفظ: آسٹریلیا انڈیا کرکٹ ورلڈکپ ورلڈ کپ
پڑھیں:
دوسرا ون ڈے: پاکستان کا ٹاس جیت کر بولنگ کرنے کا فیصلہ
پاکستان نے آسٹریلیا کے خلاف دوسرے ون ڈے میچ میں ٹاس جیت کر پہلے بولنگ کرنے کا فیصلہ کیا ہے۔
لاہور میں کھیلے جارہے میچ میں پاکستان ٹیم میں کوئی تبدیلی نہیں کی گئی ہے جبکہ آسٹریلوی ٹیم میں ایک تبدیلی ہوئی ہے۔
???? TOSS & PLAYING XI ????
Pakistan win the toss and opt to field first ????
Unchanged team for the second ODI ????????
➡️ Download #PCBLIVE app now ????
Google Play Store: https://t.co/5mBlUcoG8g
Apple App Store: https://t.co/RpeYQPshnh
Watch Live: https://t.co/M8wsOD8omx#PAKvAUS |… pic.twitter.com/fj13lMs1Wv
آسٹریلیا نے بلی اسٹینلیک کی جگہ ایڈم زیمپا کو ٹیم میں شامل کیا ہے۔
پاکستان ٹیم کو تین ون ڈے میچز کی سیریز میں 0-1 کی برتری حاصل ہے۔
پہلے میچ میں پاکستان ٹیم نے 5 وکٹوں سے با آسانی فتح حاصل کی تھی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ