لاہور ٹیسٹ: دونوں اننگز میں 5 وکٹیں، متھوسامی دوسرے غیر ملکی بولر بن گئے
اشاعت کی تاریخ: 15th, October 2025 GMT
جنوبی افریقی اسپنر متھو سامی پاکستان میں ٹیسٹ میچ کی دونوں اننگز میں پانچ وکٹیں لینے والے دوسرے غیر ملکی بولر بن گئے۔
اسپنر نے پہلی اننگز میں 117 رنز دے کر 6 کھلاڑیوں کو آؤٹ کیا جبکہ دوسری اننگز میں وہ 57 رنز کے عوض 5 وکٹیں لینے میں کامیاب رہے۔
اس سے قبل 1984 میں انگلینڈ کے نک کک نے کراچی ٹیسٹ میں 65 رنز کے عوض 6 اور 18 رنز دے کر 5 وکٹیں اڑائی تھیں۔
متھو سامی نے میچ میں 174 رنز کے عوض 11 شکار کیے۔
2021 میں پاکستانی فاسٹ بولر حسن علی نے 114 رنز دے کر 10 وکٹیں حاصل کی تھیں، یوں پروٹیز اسپنر ان سے آگے نکل گئے۔
.ذریعہ: Express News
پڑھیں:
بلوچستان، اسپنر اور ہمپ بیک ڈولفن پراسرارحالت میں مردہ پائی گئیں
پسنی:بلوچستان کے ساحلی مقام پسنی کے 2 مختلف مقامات پر اسپنر ڈولفن اور ہمپ بیک ڈولفن پراسرارحالت میں مردہ پائی گئیں.
ذرائع کے مطابق دونوں اقسام کی ان ڈولفنزکی موت کی وجہ نقصان دہ ماہی گیری کے جال ہوسکتے ہیں.
اسپنر ڈولفن سمندرمیں چھلانگ لگانے کی عادت کی وجہ سے مشہورہے، ایک اونچی چھلانگ کے دوران فضا میں7مرتبہ دلکش اندازمیں گھوم سکتی ہے.
تیکنیکی مشیر ڈبلیوڈبیلوایف(پاکستان)محمد معظم خان کے مطابق نادرونایاب نسل کے تحفظ کیلیے ڈبیلوڈبیلوایف پاکستان طویل عرصے سے کام کررہاہے.
ان کا کہنا ہے کہ اسپنرڈولفن بحرہند،بحرالکاہل،بحیرہ عرب اورمکران کے ساحلی مقامات پرپائی جاتی ہے۔
دنیا کے گرم ساحلی پانیوں کے مقامات اسپنرڈولفن کے قدرتی مسکن ہیں۔
معظم خان کا کہنا ہے کہ ہمپ بیک ڈولفن ماضی میں کراچی کے ساحلی علاقوں میں بکثرت ملا کرتی تھی۔
کیماڑی اورمنوڑہ کے ذریعے لانچوں سے سفرکرنیوالے افراد اکثروبیشترسمندرمیں اس نسل کی ڈولفن کا نظارہ کرتے تھے۔
ہمپ بیک ڈولفن کوکچھی کمیونٹی کے لوگ گدا مچھلی کہتے تھے،گدا گجراتی زبان میں بیل کوکہتے ہیں۔
ضرورت اس بات کی ہے کہ پے درپے ڈولفن کی مختلف نسلوں کی ان اموات کی وجوہات کا پتہ لگایا جائے۔
چین :جوہری دھماکے برداشت کرنے کے قابل جزیرے کی تیاری