راشد خان نے وسیم اکرم اور ثقلین مشتاق کا ون ڈے ریکارڈ برابر کردیا
اشاعت کی تاریخ: 13th, October 2025 GMT
کراچی:
افغان اسٹار اسپنر راشد خان نے ہفتے کو بنگلہ دیش کے خلاف دوسرے ون ڈے میں 5 وکٹیں اڑاکر سابق پاکستانی کپتان وسیم اکرم اور اسپنر ثقلین مشتاق کا ریکارڈ برابر کرلیا۔
راشد نے کیریئر میں چھٹی بار ون ڈے انٹرنیشنل میں 5 یا زائد شکار کیے، اُن سے قبل سوئنگ کے سلطان وسیم اکرم اور آف اسپنر ثقلین مشتاق بھی پاکستان کی جانب سے ون ڈے کرکٹ میں 6،6 بار یہ کارنامہ انجام دے چکے ہیں۔
راشد خان کے علاوہ اس فہرست میں محمد شامی (بھارت)، ٹرینٹ بولٹ (نیوزی لینڈ) اورلانس کلوسنر (جنوبی افریقہ) بھی 6،6 بار کارنامہ انجام دینے والوں میں شامل ہیں۔
ون ڈے کرکٹ میں سب سے زیادہ پانچ وکٹیں لینے کا عالمی ریکارڈ پاکستان کے وقار یونس کے پاس ہے جنہوں نے 13 باریہ کارنامہ انجام دے رکھا ہے۔
دوسرے نمبر پر سری لنکن اسپنر مرلی دھرن نے 10 بار جبکہ مچل اسٹارک، بریٹ لی اور شاہد آفریدی 9، 9 بار پانچ وکٹیں لے کر تیسرے نمبر پر ہیں۔
.ذریعہ: Express News
پڑھیں:
سعودی یوم الوطنی کرکٹ ہنگامہ،علیم ڈارنےامپائرنگ کےفرائض انجام دیئے
data-id="863a0a8" data-element_type="widget" data-widget_type="theme-post-content.default">
جدہ ۔ (سید مسرت خلیل) سعودی عرب کے 95 ویں قومی دن کی خوشی میں سعودی عرب کے ممتازسعودی بزنس مین اورکرکٹرندیم سعد الندوی نے کامیابی کے ساتھ 6 اوورز پر مشتمل دلچسپ کرکٹ ٹورنامنٹ کا انعقاد کیا جس نے کھیلوں کے شائقین اور کمیونٹی کے افراد کو ایک سنسنی خیزمیچوںاورقومی تہوارکے دن کے لیے اکٹھا کیا۔ ٹورنامنٹ میں دلچسپ اورمعیاری کھیل پیش کیے گئے جنہوں نے تماشائیوں کو شروع سے آخر تک مصروف رکھا۔ ٹیموں نے شاندار کھیل کا مظاہرہ کیا اور کھلاڑیوں متاثرکن انفرادی کارکردگی کا مظاہرہ کیا۔ جس نے ٹورنامنٹ کو یاد گار بنا دیا۔ ندیم سعد الندوی کی شب و روزمحنت، عمدہ منصوبہ بندی اورٹیم ورک نے اس بات کو یقینی بنایا تھا کہ ٹورنامنٹ ہرپہلو سے کامیاب ہو۔ ندیم سعد الندوی نے کہا، یہ ٹورنامنٹ ہمارے ملک کے خصوصی دن کے اعزاز میں لوگوں کو اکٹھا کرنے کا ایک بہترین طریقہ تھا۔کمیونٹی کی طرف سے مثبت ردعمل واقعی فائدہ مند ہے اور میں ہر اس شخص کا شکر گزار ہوں جنہوں نے ٹورنامنٹ میں حصہ لیا اور اس کی حمایت کی۔ کامیاب ایونٹ نے یہ ظاہر کیا کہ کھیل کس طرح کمیونٹیز کو متحد کر سکتے ہیں۔ ٹورنامنٹ کا فائنل اے کے ڈیلیواسپورٹس دوبئ اورسعودی قلندرز دمام کے درمیان کھیلا گیا جس میں دمام کی ٹیم نے سنسنی خیز اور سخت مقابلے کے بعد کامیابی حاصل کرلی۔ تقریب تقسیمِ انعامات اور لکی دراز کے موقع پرعبدالرزاق، شرجیل خان، علیم ڈار، سعودی قومی ٹیم کے سابق آل راؤنڈرکیپٹن جنید اسکندر، سہیل شاہ، ڈاکٹر ضیاءالدین، معروف ماہرتعلیم ضیاء عبداللہ ندی اورعامرعبید بھی موجود تھے۔ ٹورمنٹ کے میڈیا پارٹنرز پاک اوورسیز میڈیا فورم (پی او ایم ایف) کے صدرشعیب الطاف راجہ اور یونائٹیڈ میڈیا فورم (یو ایم ایف) کے چئیرمین جہانگرخان نے خوش اسلوبی سے انجام دیا۔ آخر میں ندیم سعد الندوی نے مہمانوں، اپنی ٹیم کے اراکین، میڈیا اورتمام تماشائیوں کا شکریہ ادا کیا۔
وزیراعظم کو انٹرنیشنل اسلامک یونیورسٹی ملائیشیا کی جانب سے پی ایچ ڈی کی اعزازی ڈگری حاصل