فیڈرل پبلک سروس کمیشن کے نتائج کا اعلان، 15 ہزار امیدواروں سے فقط 229 امیدوار کامیاب
اشاعت کی تاریخ: 16th, October 2025 GMT
فیڈرل پبلک سروس کمیشن (FPSC) نے سی ایس ایس امتحان 2024 کے حتمی نتائج کا اعلان کر دیا ہے جس کے مطابق اس سال محض 229 امیدوار کامیابی حاصل کرنے میں کامیاب ہو سکے۔
امتحان میں شریک امیدواروں کی تعداد
ایف پی ایس سی کے مطابق مجموعی طور پر 15 ہزار 602 امیدواروں نے امتحان میں شرکت کی، تاہم صرف 229 امیدوار ہی کامیابی حاصل کر پائے۔
کامیاب امیدواروں میں مرد و خواتین کی تعداد
کامیاب امیدواروں میں 119 مرد اور 110 خواتین شامل ہیں۔ تحریری امتحان میں صرف 397 امیدوار کامیاب ہوئے تھے، جن میں سے 387 امیدوار زبانی امتحان (وائیوا) کے بعد حتمی مرحلے تک پہنچے۔
یہ بھی پڑھیں:سپریم کورٹ: آرمڈ فورسز افسران کی سول سروس میں شمولیت، وفاقی حکومت سے جواب طلب
اعلیٰ پوزیشنز حاصل کرنے والے امیدوار
میرٹ لسٹ کے مطابق محمد شفاق اعجاز نے پہلی پوزیشن حاصل کی، ثناء رسول نے دوسری جبکہ مومنہ اظہر نے تیسری پوزیشن اپنے نام کی۔
سی ایس ایس امتحان کی اہمیت
سی ایس ایس پاکستان کا سب سے معتبر اور مشکل ترین امتحان تصور کیا جاتا ہے، جو امیدواروں کو ملک کے مختلف کلیدی سول سروس عہدوں پر خدمات سرانجام دینے کے مواقع فراہم کرتا ہے۔
امیدواروں کے لیے ہدایت
ایف پی ایس سی نے تمام 229 کامیاب امیدواروں کو ہدایت کی ہے کہ وہ حکومتِ پاکستان کے اسٹیبلشمنٹ ڈویژن اسلام آباد کے سیکشن آفیسر (T-V) سے رابطہ کریں۔
سی ایس ایس 2026 کے امتحانی شیڈول کا اعلان
اس سے قبل ایف پی ایس سی نے سی ایس ایس 2026 کے امتحان کا شیڈول بھی جاری کیا تھا۔ امتحان 2 مراحل میں منعقد کیا جائے گا:
پہلے مرحلے میں ایم سی کیو پر مبنی پریلیمنری ٹیسٹ (MPT) اور دوسرے مرحلے میں تحریری امتحان لیا جائے گا۔
شیڈول کی تفصیل
ایم پی ٹی کے لیے آن لائن درخواستیں 11 سے 25 اگست 2025 تک وصول کی جائیں گی جبکہ امتحان 9 نومبر 2025 کو منعقد ہوگا۔
ایم پی ٹی میں کامیاب امیدوار تحریری امتحان کے اہل ہوں گے جو 4 فروری 2026 سے شروع ہوگا۔
عمر کی حد میں اضافہ اور اضافی موقع
قومی اسمبلی نے سی ایس ایس امتحان کے لیے عمر کی حد 30 سے بڑھا کر 35 سال کر دی ہے۔ اس کے علاوہ امیدواروں کو ایک اضافی موقع بھی دیا جائے گا۔
امتحانی پالیسی میں تبدیلی کا امکان
ایف پی ایس سی کے مطابق 2026 کے امتحانی شیڈول میں حالات کے مطابق تبدیلی بھی ممکن ہے، اس لیے امیدواروں کو مشورہ دیا گیا ہے کہ وہ باقاعدگی سے ایف پی ایس سی کی ویب سائٹ ملاحظہ کرتے رہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایم پی ٹی پبلک سرس کمیشن سی ایس ایس امتحان.
ذریعہ
ذریعہ: WE News
کلیدی لفظ: ایم پی ٹی پبلک سرس کمیشن سی ایس ایس امتحان سی ایس ایس امتحان کامیاب امیدوار امیدواروں کو ایف پی ایس سی کے مطابق کے لیے
پڑھیں:
پاکستان میں گزشتہ ماہ 3161 نئی کمپنیاں رجسٹرڈ، مجموعی تعداد 2 لاکھ 97 ہزار سے متجاوز
صوبائی سطح پر پنجاب میں سب سے زیادہ ایک ہزار 643 کمپنیاں رجسٹر ہوئیں، جبکہ اسلام آباد میں 596 اور سندھ میں 479 نئی کمپنیوں کی رجسٹریشن کی گئی۔ اسی طرح خیبر پختونخوا میں 260، گلگت بلتستان میں 112 اور بلوچستان میں 71 کمپنیاں رجسٹر ہوئیں۔ اسلام ٹائمز۔ پاکستان میں گزشتہ ماہ 3161 نئی کمپنیاں رجسٹرڈ ہوئیں، جس کے بعد مجموعی رجسٹرڈ کمپنیوں کی تعداد 2 لاکھ 97 ہزار سے زیادہ ہوگئی ہے۔سیکیورٹیز اینڈ ایکسچینج کمیشن آف پاکستان (ایس ای سی پی) کے مطابق مئی کے دوران ملک بھر میں 3 ہزار 161 نئی کمپنیاں رجسٹر کی گئیں، جس کے بعد رجسٹرڈ کمپنیوں کی مجموعی تعداد بڑھ کر 2 لاکھ 97 ہزار 239 ہو گئی ہے۔ ایس ای سی پی کے اعداد و شمار کے مطابق نئی رجسٹر ہونے والی کمپنیوں میں سے 99.9 فیصد کی رجسٹریشن آن لائن طریقہ کار کے ذریعے مکمل کی گئی، جو کاروباری سرگرمیوں میں ڈیجیٹل سہولتوں کے بڑھتے ہوئے استعمال کی عکاسی کرتی ہے۔ صوبائی سطح پر پنجاب میں سب سے زیادہ ایک ہزار 643 کمپنیاں رجسٹر ہوئیں، جبکہ اسلام آباد میں 596 اور سندھ میں 479 نئی کمپنیوں کی رجسٹریشن کی گئی۔ اسی طرح خیبر پختونخوا میں 260، گلگت بلتستان میں 112 اور بلوچستان میں 71 کمپنیاں رجسٹر ہوئیں۔
شعبہ وار جائزے کے مطابق سب سے زیادہ کمپنیاں انفارمیشن ٹیکنالوجی اور ای کامرس کے شعبے میں رجسٹر کی گئیں۔ انفارمیشن ٹیکنالوجی کے شعبے میں 598 نئی کمپنیاں رجسٹر ہوئیں، جبکہ ٹریڈنگ سیکٹر میں 503، سروسز کے شعبے میں 404 اور رئیل اسٹیٹ و کنسٹرکشن کے شعبے میں 303 نئی کمپنیاں قائم کی گئیں۔ایس ای سی پی کے مطابق سیاحت اور ٹرانسپورٹ کے شعبے میں بھی نمایاں سرگرمی دیکھنے میں آئی، جہاں 206 نئی کمپنیوں کی رجسٹریشن عمل میں لائی گئی۔ ادارے نے بتایا کہ مئی کے دوران 17 مختلف ممالک کے سرمایہ کاروں نے پاکستان میں کمپنیاں رجسٹر کروائیں۔ اعداد و شمار کے مطابق چین سے تعلق رکھنے والے 89 شیئر ہولڈرز نے مختلف کمپنیوں میں ڈائریکٹر شپ حاصل کی جبکہ غیر ملکی سرمایہ کاروں کی کمپنیوں کا ادا شدہ سرمایہ 139.4 ملین روپے ریکارڈ کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ