کراچی؛ پلاٹ پر تعمیرات، ٹرانسپورٹر کو پستول کی گولی بھیج کر 10 لاکھ روپے بھتہ طلب
اشاعت کی تاریخ: 17th, October 2025 GMT
کراچی:
ملیر میں پلاٹ پر تعمیرات کے دوران مقامی ٹرانسپورٹر کو پستول کی گولی بھیج کر 10 لاکھ روپے بھتہ طلب کرلیا گیا، پولیس نے واقعے کا مقدمہ ٹرانسپورٹر کی مدعیت میں شاہ لطیف تھانہ میں درج کرلیا۔
تفصیلات کے مطابق شاہ لطیف تھانہ میں مدعی سرفراز علی نے 16 اکتوبر کو ایف آئی آر نمبر 1541/25 زیر دفعات 427 ت پ، 384 ت پ، 385 ت پ، 337 H(ii) ت پ، 34 ت پ کے تحت درج کروائی ہے۔
ایف آئی آر کے متن کے مطابق مدعی سرفرار علی نے بتایا کہ میں شاہ لطیف کا رہائشی ہوں اور ٹرانسپورٹر ہوں۔ 21 ستمبر کو شاہ لطیف ٹاون میں اپنے پلاٹ 57/58 SC پر کام شروع کیا تو دو موٹر سائیکلوں پر 4 اشخاص آئے اور پستول دکھا کر مجھے کہا کہ اگر پلاٹ پر کام جاری رکھنا ہے تو 10 لاکھ روپے دو اور میرے چوکیدار کو 10 لاکھ روپے بھتے کی پرچی کے ساتھ پستول کی گولی دے کر چلے گئے جن کو سامنے آنے پر پہچان سکتا ہوں۔
مقدمے کے متن کے مطاب 16 اکتوبر کو کو گھر پر سو رہا تھا کہ چوکیدار عبدالصمد نے مجھے اطلاع دی کہ 20 سے 22 افراد آئے، پلاٹ کی دیواریں توڑ دیں اور ہوائی فائرنگ کی۔ چوکیدار نے بتایا کہ دھر محمد، یاسین، غالب ڈومکی اور اکبر ہی بھتہ کی پرچی اور پستول کی گولی دے کر گئے تھے، یہی ملزمان بھتہ طلب کرنے اور پلاٹ کی دیواریں توڑنے میں ملوث ہیں۔
پولیس نے نامزد ملزمان کے خلاف مقدمہ درج کرلیا ہے۔ ایس ایچ او شاہ لطیف ضمیر احمد نے بتایا کہ مقدمے کی تفتیش ایس آئی یو کرے گی، پولیس ملزمان کے خلاف کارروائی کر رہی ہے۔
.ذریعہ: Express News
کلیدی لفظ: پستول کی گولی لاکھ روپے شاہ لطیف
پڑھیں:
عالمی اور مقامی مارکیٹ میں سونے کی قیمت تاریخ کی نئی بلند ترین سطح پر
data-id="863a0a8" data-element_type="widget" data-widget_type="theme-post-content.default">
کراچی(بزنس رپورٹر)مقامی اور بین الاقوامی مارکیٹ میں سونے اور چاندی کی قیمت تاریخ کی نئی بلند ترین سطح پر پہنچ گئی۔عالمی بلین مارکیٹ میں سونا 58 ڈالر کے نمایاں اضافے سے 4198 ڈالر فی اونس کا ہوگیا۔بین الاقوامی مارکیٹ میں سونے کے نرخ میں نمایاں اضافے کے باعث مقامی سطح پر بھی فی تولہ سونا 5800 روپے کے بڑے اضافے سے ملکی تاریخ میں پہلی بار 4 لاکھ 40 ہزار 900 روپے پر جاپہنچا۔اسی طرح دس گرام سونے کی قیمت بھی 4972 روپے بڑھ کر 3 لاکھ 78 ہزار روپے ہوگئی۔یاد رہے کہ منگل کو سونے کی فی تولہ قیمت 6900 روپے کے نمایاں اضافے سے 4 لاکھ 35 ہزار 100 روپے پر پہنچ گئی تھی۔دریں اثنا چاندی کی فی تولہ قیمت 90 روپے کے اضافے سے ملکی تاریخ میں پہلی بار 5337 روپے پر جاپہنچیں۔
کرم میں کوئلے کی کان بیٹھ گئی، 5 مزدور جاں بحق