وزیراعظم شہباز شریف کی زیر صدارت وفاقی کابینہ کا اجلاس شروع ہو گیا
اشاعت کی تاریخ: 17th, October 2025 GMT
---فائل فوٹو
وزیرِاعظم شہباز شریف کی زیر صدارت وفاقی کابینہ کا اجلاس شروع ہو گیا۔
ذرائع کے مطابق اجلاس میں 3 صوبوں کے وزرائے اعلیٰ، وزیرِ اعظم آزاد کشمیر اور گلگت بلتستان شریک ہوئے ہیں۔
اجلاس میں نو منتخب وزیراعلیٰ خیبر پختونخوا شریک نہیں ہوئے۔
ذرائع کا کہنا ہے کہ وزیرِ اعلیٰ کے پی سہیل آفریدی نے اجلاس میں شرکت سے معذرت کر لی ہے۔
وزیرِ اعظم کی زیرِ صدارت اجلاس میں سیلاب کے سبب ہونے والے نقصانات، سیلاب متاثرین کی بحالی میں ہونے والی پیش رفت پر بھی غور کیا جائے گا جبکہ اجلاس میں گندم پالیسی پر بھی بات چیت ہو گی۔
اجلاس میں افغان مہاجرین کے حوالے سے اہم فیصلے متوقع ہیں۔
ذرائع کا کہنا ہے کہ اجلاس میں افغان مہاجرین کی واپسی سے متعلق عمل اور اقدامات کا جائزہ بھی لیا جائے گا۔
.ذریعہ: Jang News
کلیدی لفظ: اجلاس میں
پڑھیں:
وزیراعظم شہباز شریف کا لندن میں طبی معائنہ، قیام میں اضافہ
وزیراعظم شہباز شریف لندن میں اپنے طبی معائنے کے سلسلے میں قیام بڑھا چکے ہیں۔ ذرائع کے مطابق وہ ایک روز قبل نجی دورے پر برطانیہ پہنچے تھے، جہاں لوٹن ایئرپورٹ پر ہائی کمشنر ڈاکٹر فیصل اور ن لیگ کی مقامی قیادت نے ان کا استقبال کیا۔
لندن میں وزیراعظم کا طبی معائنہ مکمل ہوا اور اس دوران انہوں نے اپنے قیام کو ایک روز مزید بڑھانے کا فیصلہ کیا۔ ابتدائی طور پر ان کا چار روزہ نجی دورہ مکمل کر کے اتوار کو وطن واپسی کا پروگرام تھا، تاہم اب وہ پیر کی دوپہر لندن سے اسلام آباد کے لیے روانہ ہوں گے۔
اداکارہ سجل علی ایک بار پھر دلہن بن گئیں؟