وزیراعظم کی بلاول کو پنجاب سے متعلق تحفظات دور کرنیکی یقین دہانی
اشاعت کی تاریخ: 17th, October 2025 GMT
data-id="863a0a8" data-element_type="widget" data-widget_type="theme-post-content.default">
251017-08-7
اسلام آباد (مانیٹرنگ ڈیسک) وزیراعظم شہباز شریف نے چیئرمین پیپلز پارٹی بلاول زرداری کو حکومت پنجاب سے متعلق تحفظات دور کرنیکی یقین دہانی کرادی۔ چیئرمین پیپلز پارٹی بلاول زرداری نے وفد کے ساتھ وزیراعظم ہاؤس میں وزیراعظم شہباز شریف سے ملاقات کی۔ وفد نے غزہ امن معاہدے کے حوالے سے پاکستان کے کردار پر وزیراعظم کو خراج تحسین پیش کیا۔وزیراعظم کا کہنا تھا کہ پیپلز پارٹی ہماری اتحادی جماعت ہے جس کے ساتھ تعلقات کو ہم احترام اور قدر کی نگاہ سے دیکھتے ہیں۔ ذرائع کے مطابق ملاقات میں بلاول زرداری نے حکومت پنجاب سے متعلق تحفظات وزیراعظم کے سامنے رکھے۔ ذرائع کے مطابق وزیر اعظم نے بلاول زرداری کو پیپلز پارٹی کے تحفظات دور کرنیکی یقین دہانی کرائی۔ دونوں رہنماؤں کے درمیان ن لیگ اور پیپلز پارٹی کے درمیان چپقلش کی وجہ بننے والے معاملات مل بیٹھ کر حل کرنے پر اتفاق ہوا۔
ذریعہ: Jasarat News
کلیدی لفظ: بلاول زرداری پیپلز پارٹی
پڑھیں:
پیپلز پارٹی پنجاب سے متعلق اپنی کوتاہی تسلیم کرے: اعتزاز احسن
لاہور(نیوزڈیسک) پاکستان پیپلز پارٹی کے سینئر رہنما چوہدری اعتزاز احسن نے کہا ہے کہ پارٹی کو پنجاب سے متعلق اپنی کوتاہی کو تسلیم کرنا چاہیے۔
لاہور میں پیپلز پارٹی کے 58 ویں یومِ تاسیس کا جلسہ بلاول پارک رائیونڈ روڈ پر منعقدہ ہوا، جس میں اعتزاز احسن اور امتیاز صفدر وڑائچ سمیت دیگر رہنماؤں نے شرکت کی۔
پی پی رہنما نے کہا کہ پیپلز پارٹی نے پنجاب کی طرف پورا دھیان نہیں دیا، اس معاملے میں کوتاہی کو تسلیم کرنا چاہیے۔
انہوں نے کہا کہ چیئرمین بلاول بھٹو مخلص جیالوں پر مشتمل خود احتسابی کمیٹی بنائیں، سندھ کے ارکانِ اسمبلی کو کہتا رہتا ہوں کہ پنجاب کی طرف بھی دھیان دیں۔
اعتزاز احسن نے یہ بھی کہا کہ 97ء میں ہم نے ن لیگ کی حکومت کو اتنا تنگ کیا تھا کہ نوازشریف قومی اسمبلی میں نہیں آتے تھے۔
تقریب سے خطاب میں امتیاز صفدر وڑائچ نے کہا کہ مزدوروں، کسانوں اور غریبوں کے لیے بھٹو صاحب نے پیپلز پارٹی کی بنیاد رکھی۔
انہوں نے کہا کہ عام آدمی کاووٹ نہیں تھا، ذوالفقار علی بھٹو نے ون مین ون ووٹ کو عملی شکل دی، انہوں نے تمام تر دھمکیوں کےباوجود ایٹم بم بنانے کی بنیاد رکھی۔
جرمانے کا نیا قانون؛ موٹر سائیکل اور گاڑی مالکان کیلئے بڑی خبر