عوام بہادر افواج کیساتھ سیسہ پلائی دیوار بن کر کھڑے ہیں: مریم نواز
اشاعت کی تاریخ: 13th, October 2025 GMT
لاہور (نوائے وقت رپورٹ) پنجاب میں پاک سعودی جوائنٹ بزنس کونسل کے وفد کی آمد کے شاندار معاشی ثمرات ملنا شروع ہوگئے۔ وزیراعلیٰ پنجاب مریم نواز شریف کی کاوشوں سے سعودی سرمایہ کاری کے لئے تاریخی ایم او یوپر دستخط کئے گئے۔ بادشاہی مسجد کے عالمگیری گیٹ کے سامنے پاک سعودی ایم او یو پر دستخط کی پروقار تقریب کا انعقاد کیا گیا۔ وزیراعلی مریم نوازشریف اور چیئرمین پاک سعودی جوائنٹ بزنس کونسل شہزادہ منصور بن محمد بن سعد آل سعود کی موجودگی میں قرارداد مفاہمت پر دستخط کئے گئے۔ پنجاب میں 7 بڑے سیکٹرز میں انویسٹمنٹ کے لئے سعودی سرمایہ کاروں نے دلچسپی کا اظہار کیا ہے۔ سعودی سرمایہ کار سپیشل اکنامک زون اور انڈسٹریل زون، رئیل اسٹیٹ ڈویلپمنٹ اور ہوٹل انڈسٹری (ہاسپٹیلٹی) میں سرمایہ کاری کے لئے تیار ہیں۔ سعودی سرمایہ کارو ں نے ہیلتھ کیئر انفراسٹرکچر میں جوائنٹ وینچر میں دلچسپی کا اظہار کیا ہے۔ سعودی سرمایہ کار مائنز اینڈ منرل، ٹرانسپورٹ اور لاجسٹک سیکٹر میں بھی سرمایہ کاری کے لئے تیار ہیں۔ سعودی سرمایہ کار ایگریکلچر، لائیوسٹاک اور ایکوا کلچر میں اشتراک کار کریں گے۔ حکومت پنجاب سعودی سرمایہ کاروں کو سہولتیں اور معاونت فراہم کرے گی۔ وزیراعلی مریم نواز شریف نے کہا کہ پنجاب سرمایہ کاری کے لئے بہترین مقام ہے۔ صوبے کو انڈسٹریل ہب بنانا چاہتے ہیں۔ پنجاب کے قدرتی اور معدنی وسائل اصل معاشی خزانہ ہے، وسائل سے بھرپور فائدہ اٹھانا چاہتے ہیں۔ پاک سعودی جوائنٹ بزنس کونسل کے وفد کے شرکاء نے وزیراعلی مریم نوازشریف کے معاشی ویژن پر اطمینان کا اظہار کیا ہے۔ حکومت پنجاب کی فوکل ایجنسی سعودی سرمایہ کاروں اور کمپنیز کے ساتھ رابطے میں معاونت کرے گی۔ پاک سعودی سرمایہ کاری کے معاہدے کو عملی شکل دینے کے لئے روایتی ٹائم لائن کی بجائے فاسٹ ٹریک اپنانے پر اتفاق کیا گیا۔ وزیراعلیٰ مریم نواز شریف نے افغانستان کی جانب سے پاکستانی علاقوں پر بلااشتعال جارحیت کی شدید مذمت کی ہے۔ وزیراعلیٰ مریم نواز شریف نے افغان جارحیت کا دلیری سے جواب دینے پر پاک فوج کو زبردست خراج تحسین پیش کیا ہے۔ وزیراعلی نے کہاکہ پاک فوج پوری قوم کی عزت، غیرت، عزم اور وقار کی علمبردار ہے۔ افغان جارحیت کا جواب پاک افواج نے ہمیشہ کی طرح جرأت، دانشمندی اور قومی اتحاد سے دیا ہے۔ پاکستان کی سرحدیں مقدس امانت ہیں ان کی حفاظت ہر پاکستانی کا فرض ہے۔ وزیراعلی مریم نوازشریف نے کہاکہ افغان جارحیت کا جواب پیغام ہے کہ پاک سرزمین امن کی ضامن ہے، کمزوری کی علامت نہیں۔ پنجاب کے بارہ کروڑ عوام اپنی بہادر افواج کے ساتھ سیسہ پلائی دیوار بن کر کھڑے ہیں۔ وزیراعلی مریم نواز شریف نے کہاکہ امن چاہتے ہیں مگر پاکستان کی سالمیت یا شہریوں کے تحفظ پر کوئی سمجھوتہ نہیں ہو گا۔
.ذریعہ: Nawaiwaqt
کلیدی لفظ: وزیراعلی مریم نواز سرمایہ کاری کے لئے مریم نواز شریف نے سعودی سرمایہ کار پاک سعودی کیا ہے
پڑھیں:
وزیراعلیٰ پنجاب مریم نواز کارائے ونڈ اجتماع کیلئے الیکٹرو بس سروس چلانے کا اعلان
وزیراعلیٰ پنجاب مریم نواز شریف نے رائے ونڈ میں ہونے والے عالمی تبلیغی اجتماع کے لیے خصوصی اقدامات کا اعلان کرتے ہوئے زائرین کے لیے تین دن الیکٹرو بس سروس چلانے کی ہدایت جاری کر دی ہے۔ یہ بسیں لاہور ریلوے اسٹیشن اور ایئرپورٹ سے براہِ راست رائے ونڈ مرکز تک چلیں گی، تاکہ ملک بھر سے آنے والے لاکھوں افراد کو آسان اور باعزت سفر کی سہولت دی جا سکے۔
اس موقع پر مریم نواز شریف نے رائے ونڈ جانے والے تمام راستوں پر فوری پیچ ورک اور سڑکوں کی مرمت کا حکم بھی دیا۔ انہوں نے صفائی کے خصوصی انتظامات، عرقِ گلاب کے چھڑکاؤ، اور رائے ونڈ کی تین اہم شاہراہوں کی تعمیر و بحالی کی ہدایات بھی جاری کیں۔ وزیراعلیٰ نے واضح طور پر کہا کہ اجتماع کے دوران صفائی اور سہولتوں میں کوئی کمی برداشت نہیں کی جائے گی۔
مرکز تبلیغی جماعت کے شوریٰ ارکان، جن میں ڈاکٹر ندیم اشرف، مولانا امجد فاروق، مولانا محمد امیر، امتیاز احمد غنی اور ارشد شامل تھے، نے وزیراعلیٰ سے ملاقات کی۔ اس دوران وفد نے عوامی خدمت کے جذبے پر مریم نواز شریف کو خراجِ تحسین پیش کیا اور ان کی کامیابی کے لیے خصوصی دعا بھی کی۔
تبلیغی جماعت کے اکابرین نے نہ صرف الیکٹرو بس منصوبے کو سراہا بلکہ چند ماہ میں 90 ہزار گھروں کی تعمیر اور دیہات میں صفائی کے بہتر انتظامات کو بھی قابلِ تعریف قرار دیا۔ ان کا کہنا تھا کہ عوام کا تاثر بدل رہا ہے، اور پاکستان میں ترقی اور خدمت کا نیا تصور ابھر کر سامنے آ رہا ہے۔ پہلے لوگ ہمیں انگلینڈ میں سنتے بھی نہیں تھے، اب عزت کرتے ہیں،” اکابرین کا کہنا تھا۔ “یہ تبدیلی خوش آئند ہے۔
وزیراعلیٰ مریم نواز شریف نے گفتگو کرتے ہوئے کہا کہ وہ مخلوقِ خدا کی خدمت کو خالقِ کائنات کی عبادت سمجھ کر انجام دیتی ہیں۔ انہوں نے کہا کہ نواز شریف کی جانب سے بھی تبلیغی جماعت کے اکابرین سے ملاقات کی فوری ہدایت کی گئی تھی۔ میرا جذبہ خدمت خالص ہے، اور میں دعا گو ہوں کہ اللہ تعالیٰ غیب سے وسائل مہیا کرے تاکہ عوام کی خدمت بہتر انداز میں جاری رکھ سکوں،” انہوں نے کہا۔
انہوں نے کہا کہ بعض اوقات مخالفین کی تنقید پر صبر کرنا مشکل ہوتا ہے، لیکن جب مقصد عوام کی بھلائی ہو تو خاموشی بھی عبادت بن جاتی ہے۔
وزیراعلیٰ نے مرکز رائے ونڈ کی دینی خدمات کو سراہتے ہوئے ملک و قوم کی سلامتی، امن و امان، اور سیلاب زدگان کے لیے خصوصی دعا کی درخواست کی۔
وزیراعظم کو انٹرنیشنل اسلامک یونیورسٹی ملائیشیا کی جانب سے پی ایچ ڈی کی اعزازی ڈگری حاصل