آئی ایم ایف سے 1.2 ارب ڈالر کی قسط دسمبر تک ملنے کی توقع، وزیر خزانہ کا اعلان
اشاعت کی تاریخ: 19th, October 2025 GMT
data-id="863a0a8" data-element_type="widget" data-widget_type="theme-post-content.default">
واشنگٹن: وزیر خزانہ محمد اورنگزیب کاکہنا ہے کہ پاکستان کو آئی ایم ایف کی 1.2 ارب ڈالر مالیت کی اگلی قسط 31 دسمبر تک موصول ہونے کی توقع ہے، آئی ایم ایف پاکستان پر قومی مفاد کے خلاف کوئی شرط عائد نہیں کر سکتا اور موجودہ اصلاحات مکمل طور پر پاکستان کی اپنی معاشی ترجیحات کے مطابق ہیں۔
میڈیا رپورٹس کےمطابق وزیر خزانہ اس وقت امریکا کے دورے پر ہیں، جہاں انہوں نے 20 وزارتی اجلاس میں شرکت کی، اس موقع پر انہوں نے لاس اینڈ ڈیمیج فنڈ کو فوری طور پر فعال کرنے پر زور دیا تاکہ موسمیاتی تبدیلیوں سے متاثرہ ممالک کو بروقت مالی مدد فراہم کی جا سکے۔
محمد اورنگزیب نے کہا کہ آئی ایم ایف ایگزیکٹو بورڈ جلد اجلاس میں پاکستان کے ساتھ ہونے والے معاہدے کی منظوری دے گا، جس کے بعد آئندہ قسط کی ادائیگی دسمبر کے آخر تک متوقع ہے ، آئی ایم ایف کے موجودہ پروگرام کے تحت کی گئی اصلاحات نے ملکی معیشت کو استحکام دیا ہے اور پاکستان اب اپنی اقتصادی ترجیحات اور پالیسیوں کو مزید مؤثر انداز میں آگے بڑھا رہا ہے۔
وزیر خزانہ نے اپنے دورہ امریکا کے دوران مختلف عالمی مالیاتی اداروں کے نمائندوں سے اہم ملاقاتیں کیں، ان کی انٹرنیشنل فنانس کارپوریشن (IFC) کے مینیجنگ ڈائریکٹر مختار ڈیوپ سے ملاقات ہوئی، جس میں انہوں نے امید ظاہر کی کہ ایگزِم بینک جلد ریکوڈک منصوبے میں شمولیت اختیار کرے گا، جو پاکستان کی معدنی ترقی کے لیے ایک اہم پیش رفت ہوگی۔
اسی طرح محمد اورنگزیب نے جے پی مورگن کے سینئر انتظامی وفد سے بھی ملاقات کی، جس کے دوران دوطرفہ شراکت داری کو فروغ دینے، سرمایہ کاری بڑھانے اور پاکستانی مالیاتی مارکیٹ میں استحکام کے امکانات پر گفتگو کی گئی۔
انہوں نے مزید کہا کہ پاکستان اور امریکا کے درمیان تجارتی و ٹیرف معاہدہ ایک سے دو ہفتوں میں متوقع ہے، جو دونوں ممالک کے درمیان معاشی تعلقات کو مزید مضبوط کرے گا۔
وزیر خزانہ نے یہ بھی بتایا کہ حکومت نیویارک کے روزویلٹ ہوٹل کی نجکاری سے متعلق فیصلے کے قریب ہے، جس سے پاکستان کے مالیاتی خسارے میں کمی اور غیر ملکی سرمایہ کاری کے نئے مواقع پیدا ہونے کی توقع ہے۔
ذریعہ
ذریعہ: Jasarat News
کلیدی لفظ: آئی ایم ایف انہوں نے
پڑھیں:
ازبکستان میں پاکستان کے سفیر مدثر ٹیپو نے سفارتی اسناد ازبک وزیر خارجہ کو پیش کردیں
تصویر بشکریہ غیر ملکی میڈیاازبکستان میں پاکستان کے سفیر مدثر ٹیپو نے سفارتی اسناد ازبک وزیر خارجہ بخیتار سیدوف کو پیش کردیں۔
مدثر ٹیپو کا کہنا تھا کہ یہ ان کے لیے اعزاز ہے کہ انہوں نے وزیرخارجہ سے ملاقات میں یہ اسناد پیش کیں۔
ازبک وزیر خارجہ بختیار سیدوف کا کہنا تھا کہ ملاقات میں مختلف امور پر تفصیلی بات چیت کی گئی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی