مستقبل کی سواری: اڑنے والی ٹیکسی اب خواب نہیں، حقیقت بننے جا رہی ہے
اشاعت کی تاریخ: 19th, October 2025 GMT
جلد ہی شہروں کے اندر سفر کے لیے رکشہ یا ٹیکسی کی ضرورت باقی نہیں رہے گی، کیونکہ اب بات ہو رہی ہے اڑنے والی ٹیکسی کی — جو زمین نہیں، فضا میں سفر کرے گی۔
چین کی معروف کمپنی ای ہانگ ہولڈنگ وہیکلز (EHang) نے ایک ایسی جدید ترین فلائنگ ٹیکسی تیار کر لی ہے جو بغیر پائلٹ کے خودکار طریقے سے پرواز کر سکتی ہے، اور صرف ایک چارج پر100 میل (تقریباً 160 کلومیٹر) سے زیادہ کا فاصلہ طے کرنے کی صلاحیت رکھتی ہے۔
کمپنی کے مطابق، یہ اڑنے والی گاڑی — جس کا نامVT-35 رکھا گیا ہے — شہری ٹرانسپورٹ کا نقشہ بدل دے گی۔ یہ سواری نہ صرف تیز ہے بلکہ محفوظ، ماحول دوست اور جدید شہروں کے لیے موزوں بھی ہے۔
VT-35 کو حال ہی میں چین کے صوبہ آنوی (Anhui) کے شہرہیفی (Hefei) میں متعارف کرایا گیا، جہاں اسے پہلی بار عوام کے سامنے پیش کیا گیا۔
یہ دو افراد کے بیٹھنے کی گنجائش رکھتی ہے اور جدیدخودکار فلائٹ سسٹمز، الیکٹرک پرپولشن اور محفوظ ائیر فریم سے لیس ہے۔ مزید یہ کہ یہ ہیلی کاپٹر کی طرح عمودی پرواز اور لینڈنگ کی صلاحیت رکھتی ہے، یعنی آپ اسے عمارتوں کی چھت، پارکنگ لاٹس یا محدود جگہوں پر بھی آسانی سے اتار سکتے ہیں۔
دلچسپ بات یہ ہے کہ اس فلائنگ ٹیکسی کی حالیہ آزمائش کے دوران یہ ایک حرکت کرتے ہوئے بحری جہاز پر بھی کامیابی سے لینڈ کر گئی — جو اس کی تکنیکی صلاحیت کا ثبوت ہے۔
VT-35 کا کل وزن 950 کلوگرام ہے، اور اس کی ابتدائی قیمت 913,600 امریکی ڈالرز (یعنی تقریباً 26 کروڑ پاکستانی روپے) مقرر کی گئی ہے۔
فی الحال کمپنی اس کی آزمائشی پروازیں کر رہی ہے، جس کے بعد اسے باضابطہ طور پر مارکیٹ میں فروخت کے لیے پیش کیا جائے گا۔
ایسا لگتا ہے کہ وہ وقت دور نہیں جب ہم سڑکوں کے بجائے آسمان میں “رکشہ” لیتے دکھائی دیں گے!
ذریعہ: Daily Mumtaz
پڑھیں:
صدر ایران اصفہان سڑکوں پر سائیکل چلاتے نظر آئے
data-id="863a0a8" data-element_type="widget" data-widget_type="theme-post-content.default">
ایران کے صدر مسعود پزشکیان کی سائیکل چلانے کی ویڈیو سوشل میڈیا پر وائرل ہوگئی، جس میں وہ سرکاری حکام کے ہمراہ سائیکل سواری کرتے دکھائی دے رہے ہیں۔
ایرانی میڈیا کے مطابق یہ مناظر گزشتہ روز صوبہ اصفہان کے ہیں، جہاں صدر پزشکیان نے کئی سرکاری عہدیداروں کے ساتھ سائیکل کی سواری کی۔
وائرل ویڈیو میں دیکھا جاسکتا ہے کہ صدر خوشگوار موڈ میں سائیکل چلا رہے ہیں جب کہ ان کے ارد گرد سیکیورٹی اہلکار اور دیگر حکام بھی سائیکل پر سوار ہیں۔
چند سوشل میڈیا صارفین کے مطابق صدر پزشکیان نے یہ قدم صحت مند طرزِ زندگی اور ماحولیاتی بہتری کے فروغ کے لیے اٹھایا، جب کہ عوام نے ان کے سادہ اور مثبت طرزِ عمل کو سراہا۔
بیوی کو قتل کرکے 75 لاکھ روپے انشورنس حاصل کرتے ہوئے قاتل پکڑا گیا