امن و امان میں خلل ڈالنے والوں کیخلاف سخت کارروائی کی جائے گی، ایس ایس پی آپریشنز اسلام آباد
اشاعت کی تاریخ: 27th, November 2025 GMT
ایس ایس پی آپریشنز اسلام آباد قاضی علی رضا نے شہر کے مختلف ناکہ جات کا دورہ کیا ہے، اس موقع پر انہوں نے ڈیوٹی پر موجود افسران سے ملاقات کی اور انہیں الرٹ رہنے کی ہدایت کی۔
یہ بھی پڑھیں: اسلام آباد پولیس کی کارروائی، دہرے قتل کا مجرم گرفتار
ترجمان اسلام آباد پولیس کے مطابق ایس ایس پی آپریشنز نے ناکہ جات پر سکیورٹی انتظامات مزید سخت کرنے، مشکوک افراد اور گاڑیوں کی جامع چیکنگ یقینی بنانے اور غیر رجسٹرڈ گاڑیوں و موٹر سائیکلوں کے خلاف فوری قانونی کارروائی کرنے کے احکامات جاری کیے۔
ان کا کہنا تھا کہ شہریوں کے جان و مال کا تحفظ اولین ترجیح ہے اور مؤثر چیکنگ کا عمل ہر صورت جاری رکھا جائے گا۔
یہ بھی پڑھیں:اسلام آباد پولیس کی کارروائی، شہری کے قتل اور اغوا میں ملوث اشتہاری ملزم گرفتار
قاضی علی رضا نے بتایا کہ ناکہ جات پر اضافی نفری اور موبائل یونٹس تعینات کر دیے گئے ہیں تاکہ سیکیورٹی اقدامات کو مزید بہتر بنایا جاسکے۔ انہوں نے شہریوں سے اپیل کی کہ دوران چیکنگ پولیس کے ساتھ تعاون کریں اور افسران کو ہدایت کی کہ شہریوں سے خوش اخلاقی سے پیش آئیں۔
ایس ایس پی آپریشنز کا کہنا تھا کہ شہر کے امن و امان میں خلل ڈالنے والے عناصر کے خلاف سخت کارروائی کی جائے گی اور امن و امان کے تسلسل کو ہر ممکن یقینی بنایا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news علی رضا.
ذریعہ
ذریعہ: WE News
کلیدی لفظ: علی رضا ایس ایس پی
پڑھیں:
بحرین میں محرم الحرام کی آمد کیساتھ ہی شیعیان علیؑ کیخلاف کریک ڈاون میں تیزی
گرفتاریاں بحرین کی وزارت داخلہ کی طرف سے چلائی جانے والی ایک بڑھتی ہوئی مہم کے تناظر میں کی جا رہی ہیں، جو خطے میں جاری واقعات، بشمول شیعوں کو براہ راست نشانہ بنانے، کے بعد سامنے آئی ہے۔ اسلام ٹائمز۔ شیعہ نشین عرب ملک بحرین پر قابض ال خلیفہ حکام اپنے جرائم کا سلسلہ جاری رکھے ہوئے ہیں اور متعدد شہریوں کی گرفتاریوں کا ایک سلسلہ شروع کیا ہے۔ محرم الحرام کی آمد کیساتھ ہی بحرین میں شیعہ شہریوں کے خلاف سیکیورٹی اداروں کی طرف سے شروع کیے گئے کریک ڈاؤن کے تحت، انہیں تفتیش کے لیے طلب کرنے کے بعد متعدد شہریوں کو گرفتار کیا جا چکا ہے۔ گرفتار کیے گئے افراد کے نام حسب ذیل ہیں: - ناصر الکشری (اهل بیت علیہم السلام کے ذاکر) - حاج عبدالجبّار میرزا - حاج حسین درویش - إیهاب الحمدی - احمد حسن - السید عبدالله ماجد - حسین الخیاط - محمود مسلم - حاج مهدی صالح - دو بھائی علی و حسن الغانم - رضا ابراهیم محمد حمادة - السید حسین جعفر - محمد سرحان
غاصب بحرینی حکام یہیں نہیں رکے بلکہ انہوں نے دو بچوں مصطفی یوسف اور زین محمد ابراهیم کو بھی گرفتار کر لیا ہے۔ شیعہ آبادی والے دیہاتوں میں سیکیورٹی الرٹ کی حالت ہے، جہاں حکام نے زیادہ تر دیہاتوں کے اطراف اپنی افواج تعینات کر رکھی ہیں، تاکہ وہ متعدد شہریوں کو طلب کر کے گرفتار کریں۔ یہ گرفتاریاں بحرین کی وزارت داخلہ کی طرف سے چلائی جانے والی ایک بڑھتی ہوئی مہم کے تناظر میں کی جا رہی ہیں، جو خطے میں جاری واقعات، بشمول شیعوں کو براہ راست نشانہ بنانے، کے بعد سامنے آئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ