بھارتی حکومت جموں و کشمیر اور لداخ کے لوگوں کے ساتھ دھوکہ دہی کر رہی ہے، عمر عبداللہ
اشاعت کی تاریخ: 20th, October 2025 GMT
سرینگر میں ایک پریس کانفرنس سے خطاب کرتے ہوئے وزیراعلی کا کہنا تھا کہ لداخ میں جاری بحران کو انتہائی افسوسناک قرار دیا۔ انہوں نے کہا ہے کہ بھارتی حکومت نے اپنے وعدوں کو پورا کرنے کے بجائے لداخ خطے کے لوگوں کو دیوار کے ساتھ لگا دیا ہے۔ اسلام ٹائمز۔ غیر قانونی طور پر بھارت کے زیر قبضہ جموں و کشمیر میں کٹھ پتلی وزیراعلی عمر عبداللہ نے کہا ہے کہ بھارتی حکومت جموں و کشمیر اور لداخ کے لوگوں کے ساتھ دھوکہ دہی کر رہی ہے۔ ذرائع کے مطابق عمر عبداللہ نے سرینگر میں ایک پریس کانفرنس سے خطاب کرتے ہوئے لداخ میں جاری بحران کو انتہائی افسوسناک قرار دیا۔ انہوں نے کہا ہے کہ بھارتی حکومت نے اپنے وعدوں کو پورا کرنے کے بجائے لداخ خطے کے لوگوں کو دیوار کے ساتھ لگا دیا ہے۔ انہوں نے کہا کہ نئی دہلی میں مودی کی زیرقیادت حکومت نے لداخ کو چھٹے شیڈول کا درجہ دینے کا وعدہ کیا تھا لیکن وہ اس وعدے کو پورا کرنے میں ناکام رہی، لداخ کے لوگوں کو دیوار کے ساتھ لگا دیا گیا ہے۔ ان سے وعدے کیے گئے لیکن پورے نہیں کئے گئے۔ انہوں نے کہا بدقسمتی سے یہ ایک معمول بن چکا ہے، خاص طور پر جموں و کشمیر کے ساتھ وعدے کیے جاتے ہیں اور پھر توڑ دیے جاتے ہیں۔ عمر عبداللہ نے کہا کہ کشمیر کے ساتھ بھی دھوکہ دہی کا یہ سلسلہ جاری ہے۔ ہم سے ریاست کا وعدہ کیا گیا تھا لیکن اسے پورا نہیں کیا جا رہا۔ کیا جموں و کشمیر کو بھی دیوار سے لگانے کا ارادہ ہے؟ کیا یہ اس لیے ہے کہ ہمارے مطالبات پرامن اور جمہوری طریقے سے اٹھائے جا رہے ہیں؟ عمر عبداللہ نے کہا کہ اگست 2019ء میں دفعہ370 کی منسوخی کے بعد کشمیر اور لداخ دونوں کو آئینی ضمانتوں کی یقین دہانی کرائی گئی تھی، لیکن یہ یقین دہانیاں پوری نہیں ہوئیں۔ ہم صرف یہ چاہتے ہیں کہ ان وعدوں کو پورا کیا جائے۔
.ذریعہ: Islam Times
کلیدی لفظ: عمر عبداللہ نے بھارتی حکومت انہوں نے کہا کے لوگوں کو پورا کے ساتھ
پڑھیں:
ہم لوگوں کے آئینی حقوق کیلئے جدوجہد جاری رکھیں گے، طارق حمید قرہ
پردیش کانگریس کمیٹی کے صدر نے کہا کہ بی جے پی کے تقسیم کرنے والے نظریات کے برعکس کانگریس ملک کو متحد رکھنے پر یقین رکھتی ہے۔ اسلام ٹائمز۔ جموں و کشمیر پردیش کانگریس کمیٹی کے صدر طارق حمید قرہ نے آئینی حقوق کے لئے اپنی جدوجہد جاری رکھنے کا اعلان کیا ہے۔ انہوں نے کہا کہ "ہماری ریاست ہمارا حق" پروگرام دوبارہ شروع کیا جا رہا ہے۔ انہوں نے نامہ نگاروں سے بات کرتے ہوئے کہا کہ یہ مہم ہر ضلع میں پہنچے گی، آپ کی آواز بنے گی۔ انہوں نے کہا کہ یہ پروگرام پہلے جموں کے دس اضلاع میں کامیابی سے مکمل ہوا تھا، بدقسمتی سے پہلگام حملے، جنگی صورتحال، کشتواڑ واقعے اور سیلاب کی وجہ سے اسے روکنا پڑا۔ انہوں نے کہا کہ اب ہم نے اسے دوبارہ شروع کیا ہے اور یہ تب تک جاری رہے گا جب تک ہر ضلع تک نہ پہنچ جائے۔ انہوں نے کہا کہ بی جے پی کے تقسیم کرنے والے نظریات کے برعکس کانگریس ملک کو متحد رکھنے پر یقین رکھتی ہے۔
طارق حمید قرہ نے واضح کیا کہ ہم جموں و کشمیر کے حقوق کے حصول کے لئے اپنی جدوجہد جاری رکھیں گے، ضمنی انتخابات کے حوالے سے تمام آپشنز کھلی ہیں۔ طارق قرہ نے کہا کہ کانگریس آپ کے حقوق کی محافظ ہے، ہم آپ کو یقین دلاتے ہیں کہ آپ کی ریاست کے آئینی حقوق کے لئے کوئی کسر نہیں چھوڑی جائے گی۔ اس جدوجہد میں ہمارا ساتھ دیں، اپنے حقوق کے لئے آواز اٹھائیں، "ہماری ریاست ہمارا حق" مہم کا حصہ بنیں۔ انہوں نے کہا کہ اپنے ضلع میں ہونے والے پروگراموں میں شرکت کریں اور کانگریس کے ساتھ مل کر ایک مضبوط اور متحد جموں و کشمیر کی تعمیر کریں۔
ٹول پلازوں پر پرچی سسٹم ختم ڈیجیٹلائزکرنے کافیصلہ