پنجاب میں ٹریفک پولیس کیلئے ماسک پہننا لازمی قرار
اشاعت کی تاریخ: 21st, October 2025 GMT
لاہور:
پنجاب حکومت نے ٹریفک پولیس اور ستھرا پنجاب کی ٹیموں کو ماسک پہننا لازمی قرار دے دیا۔
پنجاب حکومت کی جانب سے جاری کردہ حکم نامے کے مطابق ٹریفک کے دھوئیں میں کھڑے ٹریفک پولیس اہلکاروں کے لئے ماسک پہننا لازمی ہوگا، سینئر افسران فیصلے پر عملدرآمد کو یقینی بنائیں۔
ستھرا پنجاب کی تمام ٹیموں کو بھی لازمی ماسک پہننے کی ہدایت کی گئی ہے، سینیئر افسران کو نگرانی اور ماسک کی پابندی لازمی بنانے کا حکم دیا گیا ہے۔
.ذریعہ: Express News
پڑھیں:
موٹروے کے دو سیکشنز شدید دھند کے باعث ٹریفک کے لیے بند
data-id="863a0a8" data-element_type="widget" data-widget_type="theme-post-content.default">
لاہور:شدید دھند کے باعث ملتان شیرشاہ انٹرچینج سے ظاہر پیر تک موٹروے ایم 5 اور ایم ون پشاور سے رشکئی تک ہر قسم کی ٹریفک کے لیے بند کر دی گئی ہے۔
ترجمان موٹروے پولیس کے مطابق گھنے دھند کے باعث ایم ون پشاور سے رشکئی تک بند ہے، جبکہ رشکئی سے برہان تک ٹریفک بحال کر دی گئی ہے۔ حدِ نگاہ بہتر ہونے پر ایم ون پشاور سے اسلام آباد تک ٹریفک بھی کھول دی گئی ہے۔
موٹروے پولیس کے ترجمان سید عمران احمد کا کہنا ہے کہ موٹروے کی بندش شہریوں کی جان و مال کے تحفظ کے پیش نظر کی گئی ہے۔ قومی شاہراہ پر بستی ملوک، لودھراں اور بہاولپور کے علاقوں میں بھی دھند چھائی ہوئی ہے جس سے حدِ نگاہ شدید متاثر ہے۔
پولیس نے خبردار کیا ہے کہ دھند میں لین کی خلاف ورزی سنگین حادثات کا باعث بن سکتی ہے، اس لیے ڈرائیوروں کو لین ڈسپلن کی سختی سے پابندی کرنے کی ہدایت کی گئی ہے۔
سفر کرنے والے شہریوں کو مشورہ دیا گیا ہے کہ وہ ممکن ہو تو دن کے وقت سفر کریں، کیونکہ دھند میں محفوظ سفری اوقات صبح 10 بجے سے شام 6 بجے تک ہیں۔
مزید ہدایت کی گئی ہے کہ ڈرائیور فوگ لائٹس کا استعمال یقینی بنائیں، تیز رفتاری سے پرہیز کریں اور آگے والی گاڑی سے مناسب فاصلہ برقرار رکھیں۔
موٹروے پولیس نے غیر ضروری سفر سے گریز کی اپیل کرتے ہوئے بتایا کہ رہنمائی یا امداد کے لیے ہیلپ لائن 130 پر رابطہ کیا جا سکتا ہے۔
لانڈھی میں کپڑوں کی فیکٹری میں آتشزدگی، فائر بریگیڈ آگ بجھانے میں مصروف