دبئی‘ ٹریفک قوانین میں اہم تبدیلیوں کا اعلان
اشاعت کی تاریخ: 21st, October 2025 GMT
دبئی: دبئی حکومت نے ٹریفک قوانین میں اہم تبدیلیوں کا اعلان کیا ہے، جو آئندہ ماہ یکم نومبر سے نافذ العمل ہوں گی۔
عالمی میڈیا کے مطابق دبئی کی روڈ اینڈ ٹرانسپورٹ اتھارٹی (آر ٹی اے) اور اعلیٰ حکام نے ڈلیوری بائیکس کے لیے تیز رفتار سڑکوں پر نئی ٹریفک پابندیاں عاید کرنے کا اعلان کیا ہے۔ حکام کے مطابق نئے ضوابط کے تحت 5 یا اس سے زیادہ لین والی سڑکوں پر ڈلیوری رائیڈرز کو بائیں جانب کی 2 لین استعمال کرنے کی اجازت نہیں ہوگی، 3 یا4 لین والی سڑکوں پر وہ سب سے بائیں لین استعمال نہیں کرسکیں گے، تاہم 2 یا کم لین والی سڑکوں پر ان پر کوئی پابندی نہیں ہوگی۔ آر ٹی اے اور دبئی پولیس کے مطابق جن کمپنیوں کے رائیڈرز مقررہ لینز کی پابندی کریں گے، انہیں “ڈیلیوری سیکٹر ایکسی لینس ایوارڈ” کے تحت اعزاز دیا جائے گا، مذکورہ اقدام ٹریفک سلامتی اور قانون کی پاسداری کو مزید بہتر بنائے گا۔
ضوابط کی خلاف ورزی کرنے والے رائیڈرز پر پہلی بار 500 درہم، دوسری بار 700 درہم جرمانہ اور تیسری خلاف ورزی پر پرمٹ معطل کر دیا جائے گا، اسی طرح 100 کلومیٹر فی گھنٹہ سے زائد رفتار کی صورت میں پہلی بار 200، دوسری بار 300 اور تیسری بار 400 درہم جرمانہ عاید کیا جائے گا۔
.
ذریعہ: Al Qamar Online
کلیدی لفظ: سڑکوں پر
پڑھیں:
ٹریفک قوانین میں سختی، ڈرائیونگ لائسنس بنوانے والوں کیلئے پریشان کن خبر
ویب ڈیسک: پنجاب میں آن لائن ڈرائیونگ لائسنس سسٹم اچانک کریش کرگیا جس کے باعث شہریوں کو شدید مشکلات کا سامنا کرنا پڑا ہے۔
سسٹم میں خرابی کے بعد نہ تو نئے لائسنس کے لئے درخواست دی جا سکی اور نہ ہی موجودہ لائسنس کی تجدید ممکن رہی، جس سے ہزاروں صارفین متاثر ہوئے۔
ڈیجیٹل لائسنس مینجمنٹ سسٹم (DLIMS) اچانک بند ہونے سے پورا پورٹل غیر فعال ہوگیا۔ صارفین کی جانب سے شکایات سامنے آئیں کہ نہ تو ای-لائسنس ڈاؤن لوڈ ہو رہا ہے اور نہ ہی آن لائن اپلیکیشن ٹریکنگ کی سہولت دستیاب ہے۔
سوشل میڈیا کیلئے رِیل بنانے والا نوجوان 50 فٹ بلندی سے گر کر ہلاک
پورٹل کی جانب سے سسٹم کریش کی کوئی واضح وجہ یا سرکاری وضاحت بھی فراہم نہیں کی گئی، جس سے بے یقینی کی صورتحال پیدا ہوگئی۔
اس تعطل نے خاص طور پر ان صارفین کو سب سے زیادہ متاثر کیا جنہیں فوری بنیادوں پر لائسنس درکار تھا، نئے ڈرائیور جو ٹیسٹ کی تیاری کر رہے تھے اور وہ شہری جن کے لائسنس کی میعاد ختم ہونے والی تھی۔
شہریوں نے شکایت کی کہ ڈیجیٹل سہولت کو آسانی اور شفافیت کیلئے متعارف کرایا گیا تھا لیکن اچانک بندش نے الٹا مزید مشکلات پیدا کر دیں۔
دنیا کے محفوظ ترین ممالک کی فہرست جاری
واضح رہے کہ DLIMS کو جدید طرزِ حکمرانی کا حصہ قرار دیا گیا تھا جس کا مقصد کاغذی کارروائی کم کرنا، لائنوں میں کمی لانا اور تیز رفتار منظوری کو یقینی بنانا تھا، تاہم حالیہ خرابی نے نظام کی کارکردگی پر سوالات کھڑے کر دیے ہیں۔
تاہم چند گھنٹوں کی بندش کے بعد سسٹم دوبارہ بحال کردیا گیا اور صارفین کو تمام خدمات تک رسائی پھر سے مل گئی، جس سے شہریوں نے اطمینان کا اظہار کیا۔
شہر قائد ،پانی کی فراہمی تین دن معطل کرنے کا اعلان