موٹروے کے دو سیکشنز شدید دھند کے باعث ٹریفک کے لیے بند
اشاعت کی تاریخ: 9th, December 2025 GMT
data-id="863a0a8" data-element_type="widget" data-widget_type="theme-post-content.default">
لاہور:شدید دھند کے باعث ملتان شیرشاہ انٹرچینج سے ظاہر پیر تک موٹروے ایم 5 اور ایم ون پشاور سے رشکئی تک ہر قسم کی ٹریفک کے لیے بند کر دی گئی ہے۔
ترجمان موٹروے پولیس کے مطابق گھنے دھند کے باعث ایم ون پشاور سے رشکئی تک بند ہے، جبکہ رشکئی سے برہان تک ٹریفک بحال کر دی گئی ہے۔ حدِ نگاہ بہتر ہونے پر ایم ون پشاور سے اسلام آباد تک ٹریفک بھی کھول دی گئی ہے۔
موٹروے پولیس کے ترجمان سید عمران احمد کا کہنا ہے کہ موٹروے کی بندش شہریوں کی جان و مال کے تحفظ کے پیش نظر کی گئی ہے۔ قومی شاہراہ پر بستی ملوک، لودھراں اور بہاولپور کے علاقوں میں بھی دھند چھائی ہوئی ہے جس سے حدِ نگاہ شدید متاثر ہے۔
پولیس نے خبردار کیا ہے کہ دھند میں لین کی خلاف ورزی سنگین حادثات کا باعث بن سکتی ہے، اس لیے ڈرائیوروں کو لین ڈسپلن کی سختی سے پابندی کرنے کی ہدایت کی گئی ہے۔
سفر کرنے والے شہریوں کو مشورہ دیا گیا ہے کہ وہ ممکن ہو تو دن کے وقت سفر کریں، کیونکہ دھند میں محفوظ سفری اوقات صبح 10 بجے سے شام 6 بجے تک ہیں۔
مزید ہدایت کی گئی ہے کہ ڈرائیور فوگ لائٹس کا استعمال یقینی بنائیں، تیز رفتاری سے پرہیز کریں اور آگے والی گاڑی سے مناسب فاصلہ برقرار رکھیں۔
موٹروے پولیس نے غیر ضروری سفر سے گریز کی اپیل کرتے ہوئے بتایا کہ رہنمائی یا امداد کے لیے ہیلپ لائن 130 پر رابطہ کیا جا سکتا ہے۔
ذریعہ
ذریعہ: Jasarat News
کلیدی لفظ: گئی ہے
پڑھیں:
کراچی میں موٹر سائيکل چوری میں ملوث خاتون گرفتار
اسکرین گریب/ ایکسکراچی میں موٹر سائيکل چوری میں ملوث خاتون کو گرفتار کرلیا گیا۔
سولجر بازار کے علاقے میں پولیس نے کارروائی کرکے موٹر سائیکل لفٹنگ میں ملوث خاتون ملزمہ کو گرفتار کیا ہے، پولیس کے مطابق خفیہ اطلاع پر کارروائی کرکے ملزمہ کو گرفتار کیا گیا ہے۔
پولیس کا کہنا ہے کہ ملزمہ کی گرفتاری سی سی ٹی وی فوٹیج کی مدد سے عمل میں آئی ہے، ملزمہ اپنے شوہر کے ہمراہ موٹر سائیکل لفٹنگ کی درجنوں وارداتوں میں ملوث رہی ہے۔
سی سی ٹی وی فوٹیج میں دونوں میاں بیوی کو موٹر سائیکل لے جاتے ہوئے دیکھا جا سکتا ہے، ملزمہ کے قبضے سے ایک موٹر سائیکل بھی برآمد کی گئی ہے۔
پولیس کا کہنا ہے کہ گرفتار ملزمہ اور فرار شوہر کے خلاف ضابطے کے تحت مقدمہ درج کیا گیا مزید تفتیش جاری ہے۔
پاکستان نے ورلڈ کپ 2028 کیلیے براہ راست کوالیفائی کر لیا