نریندر مودی جو بات چھپاتے ہیں ٹرمپ اسے اجاگر کر دیتے ہیں، کانگریس
اشاعت کی تاریخ: 22nd, October 2025 GMT
جے رام رمیش نے کہا کہ اپنی طرف سے امریکی صدر نے دیوالی کی مبارکباد کے علاوہ روس سے بھارت کی تیل کی درآمدات پر بھی بات کی اور انہیں یقین دلایا گیا ہے کہ ان درآمدات کو روک دیا جائیگا۔ اسلام ٹائمز۔ انڈین نیشنل کانگریس نے امریکی صدر ڈونلڈ ٹرمپ کے اس دعوے کو دہرانے پر مودی حکومت پر نشانہ لگایا کہ بھارت روس سے زیادہ تیل نہیں خریدے گا۔ کانگریس نے کہا کہ چھ دنوں میں یہ چوتھا موقع ہے جب امریکی صدر نے بھارت کی پالیسی کا اعلان کیا۔ اپوزیشن پارٹی نے وزیراعظم نریندر مودی پر حملہ کرتے ہوئے کہا کہ وہ جو بات چھپاتے ہیں، ٹرمپ اسے اجاگر کر دیتے ہیں۔ کانگریس کا یہ ردعمل مودی کے ٹرمپ سے ٹیلیفونک بات چیت کے بعد سامنے آیا ہے۔ کانگریس کے جنرل سکریٹری (کمیونیکیشن انچارج) جے رام رمیش نے کہا کہ وزیراعظم نے آخر کار عوامی طور پر تسلیم کر لیا ہے کہ صدر ٹرمپ نے انہیں فون کیا اور دونوں نے ایک دوسرے سے بات چیت کی لیکن مودی نے صرف اتنا کہا کہ امریکی صدر نے انہیں دیوالی کی مبارکباد دی لیکن جہاں مودی چھپاتے ہیں، وہاں ٹرمپ اجاگر کرتے ہیں۔
جے رام رمیش نے ایکس پر کہا کہ اپنی طرف سے امریکی صدر نے دیوالی کی مبارکباد کے علاوہ، روس سے بھارت کی تیل کی درآمدات پر بھی بات کی اور انہیں یقین دلایا گیا ہے کہ ان درآمدات کو روک دیا جائے گا۔ چھ دنوں میں یہ چوتھا موقع ہے جب بھارت کی پالیسی کا اعلان امریکی صدر نے کیا۔ انہوں نے مزید کہا کہ صدر ٹرمپ نے اس سے پہلے مودی سے پہلے 10 مئی کی شام آپریشن سندور کو روکنے کا اعلان کیا تھا۔ واضح رہے کہ بدھ کی صبح نریندر مودی نے ایکس پر ایک پوسٹ میں لکھا کہ صدر ٹرمپ آپ کی فون کال اور دیوالی کے پرتپاک مبارکباد کے لئے آپ کا شکریہ۔ مودی نے لکھا کہ روشنیوں کے اس تہوار پر ہماری دونوں عظیم جمہوریتیں دنیا کے لئے امید کی کرن بنی رہیں اور ہر طرح کی دہشت گردی کے خلاف متحد رہیں دونوں لیڈروں کے درمیان یہ فون کال ایک ایسے وقت میں ہوئی ہے جب امریکہ بھارت تعلقات تجارتی محصولات اور دیگر مسائل پر کشیدہ ہیں۔
ذریعہ: Islam Times
کلیدی لفظ: امریکی صدر نے بھارت کی کہا کہ
پڑھیں:
مودی کے دور حکومت میں عوام کے بنیادی مسائل پر توجہ نہیں دی جارہی ہے، کانگریس
سیاسی تجزیہ کاروں کے مطابق یہ بیان اس بات کی عکاسی کرتا ہے کہ عوام میں حکومتی وعدوں کے بارے میں بڑھتی ہوئی ناراضگی دیکھی جا رہی ہے۔ اسلام ٹائمز۔ بھارت کی ریاست بہار میں اسمبلی انتخابات کے دوران سیاسی حرارت میں اضافہ ہوگیا ہے اور مختلف سیاسی جماعتوں کے رہنما ایک دوسرے پر سخت تنقید کر رہے ہیں۔ اس دوران کانگریس نے ایک ویڈیو شیئر کی ہے جس میں ایک مقامی شخص نے وزیراعظم نریندر مودی پر شدید تنقید کی ہے۔ ویڈیو میں یہ شخص کہتا ہے کہ مودی جیسا دھوکہ باز وزیراعظم ہم نے دیکھا ہی نہیں، وہ صرف جملہ بازی کر کے عوام کو گمراہ کرتے ہیں اور نوجوانوں سے جھوٹے وعدے کرتے ہیں لیکن اس بار بہار میں ان کی دال گلنے والی نہیں ہے۔
کانگریس نے اس ویڈیو کے ساتھ ٹوئٹر پر لکھا کہ بہار میں یہ مقامی شخص مودی کی حقیقت بیان کر رہا ہے۔ سیاسی تجزیہ کاروں کے مطابق یہ بیان اس بات کی عکاسی کرتا ہے کہ عوام میں حکومتی وعدوں کے بارے میں بڑھتی ہوئی ناراضگی دیکھی جا رہی ہے۔ اس سے قبل بھی اپوزیشن جماعتیں وزیراعظم مودی پر جملہ بازی کے الزامات عائد کرتی رہی ہیں۔ حال ہی میں آر جے ڈی کے رہنما تیجسوی یادو نے کہا تھا کہ وزیراعظم صرف جملوں کی بارش کرنے کے لئے بہار آ رہے ہیں۔ انہوں نے مزید کہا کہ کوئی حقیقی ترقیاتی کام نہیں ہو رہا اور وہ صرف گھس پیٹھیا یا مہاجرین کی بات کریں گے، جبکہ بہار کے عوام کے بنیادی مسائل، جیسے تعلیم، روزگار اور غریبوں کی فلاح پر توجہ نہیں دی جائے گی۔
خبروں کے مطابق بھارتی وزیراعظم نریندر مودی اس بار بہار کے مختلف اضلاع میں ریلیوں کو خطاب کریں گے جن میں پٹنہ، مظفرپور، گیا، بھاگلپور، سمستی پور، مشرقی اور مغربی چمپارن، سہرسا اور اریہ شامل ہیں۔ اطلاعات کے مطابق وہ ایک دن میں دو سے تین ریلیاں بھی کر سکتے ہیں، جس سے انتخابی ماحول میں جوش و خروش مزید بڑھ جائے گا۔ سیاسی مبصرین کا کہنا ہے کہ یہ سلسلہ بہار میں عوامی رائے پر اثر ڈالنے کے لئے کیا جا رہا ہے اور دونوں جانب سے زبانی جنگ تیز ہو گئی ہے۔ اس دوران سوشل میڈیا پر بھی مختلف پارٹیوں اور لیڈروں کے بیانات و ویڈیوز وائرل ہو رہی ہیں، جو انتخابی ماحول کو مزید گرم کر رہی ہیں۔
عمران خان نے جلاد اور فرعون کا کردار ایک ساتھ ادا کیا، عظمیٰ بخاری