والدہ کی خدمت میں کمی نہ رہ جائے، اسی لیے شادی نہیں کی،برکت علی کا جذباتی انکشاف
اشاعت کی تاریخ: 22nd, October 2025 GMT
معروف کامیڈین برکت علی نے حال ہی میں ایک نجی ٹی وی شو میں شرکت کے دوران اپنی ذاتی زندگی سے جڑا ایک حساس اور جذباتی پہلو شیئر کیا۔ اُن کا کہنا تھا کہ انہوں نے اب تک اس لیے شادی نہیں کی کیونکہ وہ اپنی بیمار والدہ کی خدمت میں کوئی کوتاہی نہیں چاہتے۔
برکت علی نے بتایا کہ جب ان کے والد کا انتقال ہوا، اُس وقت وہ صرف 14 برس کے تھے۔ والد کینسر کے مریض تھے، لیکن کم عمری کے باعث وہ ان کی خدمت نہ کر سکے — اور یہی کمی آج تک اُن کے دل میں ایک ملال کی صورت میں موجود ہے۔
انہوں نے مزید کہا، “میری والدہ گزشتہ 20 سال سے بستر پر ہیں، انہیں شوگر، گردوں کے مسائل اور وزن کا بھی سامنا ہے۔ ان کا باقاعدگی سے ڈائیلاسز ہوتا رہا ہے۔ والدہ کی خدمت کے لیے میں نے دو ملازم بھی رکھے ہیں، لیکن میں خود بھی ہر ممکن کوشش کرتا ہوں کہ ان کی دیکھ بھال میں کوئی کمی نہ رہ جائے۔”
برکت علی نے کہا کہ ان کی والدہ شروع میں اُن سے شادی کرنے پر زور دیتی رہیں، لیکن انہوں نے صاف کہہ دیا، “اگر میں شادی کے بعد بیوی میں مصروف ہوگیا تو آپ کا مکمل خیال نہیں رکھ سکوں گا۔” اس بات پر والدہ نے بھی ان کے فیصلے سے اتفاق کر لیا۔
یہ انکشاف برکت علی کے چاہنے والوں کے لیے نہ صرف چونکا دینے والا تھا، بلکہ اُن کی شخصیت کے اُس پہلو کو بھی سامنے لایا جس میں مزاح کے پیچھے ایک حساس، خیال رکھنے والا بیٹا چھپا ہوا ہے۔
ذریعہ: Daily Mumtaz
پڑھیں:
عمران خان کے بغیر بات کرنی ہے تو پارلیمنٹ میں ضرور کریں،عطا تارڑ
data-id="863a0a8" data-element_type="widget" data-widget_type="theme-post-content.default">
اسلام آباد (مانیٹرنگ ڈیسک) وفاقی وزیر اطلاعات عطا اللہ تارڑ نے کہا ہے کہپی ٹی آئی کے ساتھ بات چیت کا دروازہ اب بند ہو چکا ہے، کیونکہ انہوں نے اور ان کی جماعت نے موقع گنوا دیا، انتشار، دہشت گرد یا انتہاپسندانہ سوچ رکھنے والوں کے ساتھ حکومت کوئی
مذاکرات نہیں کرے گی، اب عمران خان کے بغیر بات کرنی ہے تو پارلیمنٹ میں ضرور کریں۔ نجی ٹی وی کے پروگرام میں گفتگو کرتے ہوئے وفاقی وزیر اطلاعات عطا تارڑ نے واضح کہا کہ بانی پی ٹی آئی کی جیل ملاقاتیں مکمل طور پر بند کردی گئی ہیں اب ملاقات کی اجازت ہوگی اور نہ ہی جیل کے باہر کسی قسم کا ہجوم اکٹھا کرنے کی اجازت دی جائے گی۔ انہوں نے کہا کہ جیل سے سیاسی مہم چلانے کی کوشش کسی صورت برداشت نہیں کی جائے گی۔ اب قانون کے مطابق سخت کارروائی ہوگی۔ بانی پی ٹی آئی اور ان کی جماعت نے ملک کو ڈیفالٹ کے قریب پہنچانے کی کوشش کی اور آئی ایم ایف کو خطوط لکھ کر ملکی معیشت کو نقصان پہنچایا۔ عطا تارڑ نے گفتگو کرتے ہوئے مزید کہا کہ بانی پی ٹی آئی ملک کیلیے خطرہ ہیں۔ ان کی جماعت نے وہ کام کیے جو دشمن بھی نہیں کرتا۔ انہوں نے کہا کہ بانی پی ٹی آئی کو اپنا سیاسی مستقبل نظر نہیں آرہا، اسی لیے ایسے بیانیے تشکیل دیے جا رہے ہیں جن کا مقصد انتشار ہے۔ ریاست کی رٹ ہر صورت بحال کی جائے گی۔
پاک بحریہ کے جہاز پی این ایس سیف کی سری لنکا میں دوسرے روز بھی امدادی سرگرمیاں