کراچی کسٹمز نے بھارت سے درآمد شدہ ممنوعہ سامان کی اسمگلنگ ناکام بنا دی
اشاعت کی تاریخ: 22nd, October 2025 GMT
کراچی میں کسٹمز حکام نے بھارت سے درآمد شدہ سامان کو دیگر ممالک کی مصنوعات ظاہر کر کے پاکستان میں داخل کرنے کی متعدد کوششیں ناکام بنا دیں۔
بدھ کو جاری ایک بیان میں ایف بی آر نے بتایا کہ پہلی کارروائی کے دوران ایک درآمدکنندہ نے ٹیکسٹائل مشینری کی ایک کھیپ کو چین ساختہ ظاہر کیا، تاہم تفتیش کے بعد معلوم ہوا کہ وہ دراصل بھارتی نژاد تھی۔
کسٹمز حکام کی بروقت کارروائی سے 24.
یہ بھی پڑھیں: ایف بی آر نے ٹرمینل آپریٹرز کی نگرانی سخت کر دی، نئی ہدایات جاری
بیان میں کہا گیا کہ پہلی کارروائی کے بعد کسٹمز نے کراچی انٹرنیشنل کنٹینر ٹرمینل اور آف ڈاک ٹرمینلز پر نگرانی مزید سخت کر دی، جس کے نتیجے میں 3 مزید مشتبہ کھیپیں پکڑی گئیں۔
دوسری کھیپ، جسے جبل علی سے بھیجا گیا اور چینی ساختہ ظاہر کیا گیا تھا، کی جانچ کے دوران معلوم ہوا کہ مشین پر سے مینوفیکچرر کی پلیٹیں اور لیبل جان بوجھ کر ہٹا دیے گئے تھے۔
تاہم، الیکٹریکل کمپوننٹس پر میڈ ان انڈیا کی واضح نشانیاں پائی گئیں، جبکہ مشین کے فریم پر ایک معروف بھارتی برانڈ کا نام درج تھا۔ اس کھیپ کی مالیت 16.60 ملین روپے بتائی گئی۔
مزید پڑھیں: وزیر اعظم نے کسٹمز کلیئرنس کے خود کار نظام ’فیس لیس کسٹمز اسسمنٹ سسٹم‘ کا افتتاح کردیا
اسی طرح تیسری کھیپ، جسے جبل علی سے بھیجا گیا اور چینی نژاد ظاہر کیا گیا، کے لیبل تبدیل پائے گئے۔
تفصیلی معائنے کے دوران پاور ڈسٹری بیوشن یونٹ کے مین پینل دروازے پرمیڈ ان انڈیا کی مہر نمایاں تھی، اس کی مالیت 3.76 ملین روپے بتائی گئی۔
مزید برآں، ایک اور کھیپ جو امبرلی، ترکیہ سے بھیجی گئی اور ترک ساختہ ظاہر کی گئی تھی، کی پیکنگ پر بھی واضح طور پر میڈ ان انڈیا کے نشانات موجود تھے۔ اس سامان کی مالیت 0.154 ملین روپے مقرر کی گئی۔
مزید پڑھیں: اسمگلنگ کے خاتمے کے لیے جامع کوششیں جارہی ہیں، چیئرمین ایف بی آر
ایف بی آر کے مطابق، کلکٹریٹ نے واضح کیا ہے کہ غلط بیانی، جعلسازی، اور بھارت سے ممنوعہ سامان کی غیر قانونی درآمد میں ملوث درآمدکنندگان کے خلاف سخت کارروائی جاری رکھی جائے گی۔
ادارے کا کہنا ہے کہ اس طرح کی غیر قانونی سرگرمیاں قومی قوانین کی خلاف ورزی اور ملکی معیشت کو نقصان پہنچانے کے مترادف ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایف بی آر پاور ڈسٹری بیوشن یونٹ کراچی کسٹمز حکام میڈ ان انڈیا
ذریعہ
ذریعہ: WE News
کلیدی لفظ: ایف بی ا ر پاور ڈسٹری بیوشن یونٹ کراچی کسٹمز حکام میڈ ان انڈیا ملین روپے ایف بی آر ان انڈیا ظاہر کی
پڑھیں:
عالمی مارکیٹ میں تیل کی قیمت 100 ڈالر سے تجاوز، مزید اضافے کا خدشہ
اسلام آباد: مشرق وسطیٰ میں بڑھتی ہوئی کشیدگی کے باعث عالمی مارکیٹ میں تیل کی قیمت میں نمایاں اضافہ ریکارڈ کیا گیا ہے، جہاں برینٹ کروڈ پہلی بار 100 ڈالر فی بیرل کی سطح عبور کر گیا، جبکہ امریکی خام تیل بھی 90 ڈالر فی بیرل سے اوپر پہنچ گیا۔
تازہ عالمی مارکیٹ رپورٹس کے مطابق خطے میں جاری غیر یقینی صورتحال اور سپلائی میں ممکنہ رکاوٹوں کے خدشات نے خام تیل کی قیمتوں کو نئی بلند ترین سطح پر پہنچا دیا ہے۔
ماہرین توانائی کا کہنا ہے کہ اگر مشرق وسطیٰ کی صورتحال مزید کشیدہ ہوئی اور تیل کی ترسیل متاثر ہوئی تو برینٹ کروڈ کی قیمت 120 ڈالر فی بیرل تک پہنچ سکتی ہے۔
تیل کی قیمتیں کیوں بڑھ رہی ہیں؟
تجزیہ کاروں کے مطابق ایران سے تیل کی سپلائی متاثر ہونے کے خدشات، بحیرہ احمر میں حوثیوں کی جانب سے بحری سرگرمیوں میں رکاوٹ اور اہم تجارتی راستوں پر بڑھتے ہوئے خطرات نے عالمی توانائی مارکیٹ کو شدید دباؤ میں ڈال دیا ہے۔
ماہرین کا کہنا ہے کہ ایران کے اہم آئل ٹرمینل جزیرہ خارگ کو کسی بھی ممکنہ نقصان یا تیل کی صنعت میں ہڑتال کی صورت میں عالمی سطح پر سپلائی مزید متاثر ہو سکتی ہے، جس سے قیمتوں میں مزید تیزی آنے کا امکان ہے۔
پاکستان پر کیا اثر پڑ سکتا ہے؟
توانائی ماہرین کے مطابق اگر عالمی مارکیٹ میں تیل کی قیمت اسی رفتار سے بڑھتی رہی تو پاکستان میں بھی پیٹرول، ڈیزل اور دیگر پیٹرولیم مصنوعات مزید مہنگی ہونے کا امکان ہے۔ اس کے علاوہ ٹرانسپورٹ، بجلی کی پیداوار، صنعتی لاگت اور مہنگائی پر بھی اس کے اثرات مرتب ہو سکتے ہیں۔
ماہرین نے خبردار کیا ہے کہ عالمی تیل منڈی میں جاری غیر یقینی صورتحال برقرار رہی تو نہ صرف توانائی کی قیمتیں مزید بڑھ سکتی ہیں بلکہ عالمی معیشت اور سپلائی چین بھی شدید دباؤ کا شکار ہو سکتی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار