کراچی میں نادرا کا سب سے بڑا میگا سینٹر قائم کرنے کے لیے ای او یو پر دستخط
اشاعت کی تاریخ: 22nd, October 2025 GMT
کراچی:
کراچی میں نادرا کا سب سے بڑا میگا سینٹر قائم کرنے کے لیے مفاہمتی یادداشت پر دستخط کردیے گئے۔
ایکسپریس نیوز کے مطابق ٹی ایم سی کے ساتھ معاہدے کے تحت نادرا گلبرگ ٹاؤن میں میگا سینٹر قائم کرے گا، ایم او یو پر ڈی جی نادرا سندھ عامر علی خان نے دستخط کیے۔
میگا سینٹر ہفتے میں چھ دن، 24 گھنٹے خدمات فراہم کرے گا، پاسپورٹ ، تھیلیسیمیا ٹیسٹ، اسلحہ لائسنس اور بزرگ شہریوں کے لئے الگ کاؤنٹرز مختص ہوں گے۔
سینٹرل ڈسٹرکٹ کا نادرا زونل دفتر بھی اسی عمارت میں بنایا جائے گا، عائشہ منزل، سخی حسن، نارتھ ناظم آباد، نیو کراچی، ایف بی ایریا، لیاقت آباد کے شہری فائدہ اٹھا سکیں گے۔
.ذریعہ: Express News
کلیدی لفظ: میگا سینٹر
پڑھیں:
کنگ سلمان ریلیف کے زیراہتمام کھجوریں تقسیم کرنے کے پروگرام کا باضابطہ آغاز
کنگ سلمان ہیومینیٹیرین ایڈ اینڈ ریلیف سینٹر نے اسلام آباد میں ایک پروقار تقریب کے دوران تقسیمِ کھجور پروگرام پاکستان 2025 کا باضابطہ آغاز کردیا۔
یہ منصوبہ پاکستان میں سعودی عرب کے سفیر نواف سعید بن المالکی کی جانب سے باضابطہ طور پر شروع کیا گیا، جس میں مہمانِ خصوصی سینیٹر شاہین خالد بٹ منیجنگ ڈائریکٹر پاکستان بیت المال سمیت مختلف سرکاری اداروں، بین الاقوامی تنظیموں اور انسانی ہمدردی کے شراکت داروں کے نمائندگان نے شرکت کی۔
اس منصوبے کے تحت کنگ سلمان ریلیف سینٹر پاکستان بیت المال کے تعاون سے پاکستان کے تمام صوبوں جن میں پنجاب، سندھ، خیبرپختونخوا، بلوچستان، گلگت بلتستان اور آزاد جموں و کشمیر شامل ہیں میں اعلیٰ معیار کی سعودی کھجوریں تقسیم کرے گا۔
اس منصوبے کا مقصد ہزاروں مستحق اور کمزور خاندانوں، بالخصوص حالیہ سیلاب اور معاشی مشکلات سے متاثرہ خاندانوں کی غذائی ضروریات کو پورا کرنے میں مدد فراہم کرنا ہے۔
تقریب سے خطاب کرتے ہوئے پاکستان میں سعودی عرب کے سفیر نواف سعید بن المالکی نے کہاکہ یہ منصوبہ سعودی عرب اور پاکستان کے درمیان گہری دوستی، بھائی چارے اور انسانی ہمدردی کے تعلقات کی عکاسی کرتا ہے۔
ان کا کہنا تھا کہ تقسیمِ کھجور پروگرام 2025 پاکستان میں کنگ سلمان ریلیف سینٹر کی جاری انسانی فلاحی سرگرمیوں کا ایک اہم حصہ ہے۔
انہوں نے کہاکہ یہ غذائی تحفظ، صحت، تعلیم، پانی و صفائی اور روزگار کے مواقع سے متعلق متعدد منصوبے جاری رکھے ہوئے ہے، جو انسانیت کی خدمت اور پائیدار ترقی کے فروغ کے لیے مملکت کی وابستگی کی علامت ہے۔
اپنے اختتامی کلمات میں سینیٹر کیپٹن شاہین خالد بٹ منیجنگ ڈائریکٹر پاکستان بیت المال نے مملکتِ سعودی عرب اور کنگ سلمان ریلیف سینٹر کا شکریہ ادا کیا کہ انہوں نے ہمیشہ پاکستانی عوام کے ساتھ تعاون اور ہمدردی کا مظاہرہ کیا۔
انہوں نے کہا کہ پاکستان بیت المال، کنگ سلمان ریلیف سینٹر کے ساتھ مل کر اس امدادی منصوبے کو ملک بھر کے مستحق خاندانوں تک پہنچانے کے لیے بھرپور کردار ادا کرتا رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پروگرام کا آغاز کنگ سلمان ریلیف کھجوریں تقسیم وی نیوز
ملی یکجہتی کونسل سندھ کے صدر اسد اللہ بھٹوکی مفتی منیب الرحمن سے ملاقات