وزیرِ اعلیٰ کے پی سے پارٹی قیادت کی ملاقات، بانی سے ملاقات کے بعد کابینہ تشکیل دینے پر اتفاق
اشاعت کی تاریخ: 24th, October 2025 GMT
بیرسٹر گوہر اور سہیل آفریدی—فائل فوٹو
پشاور میں وزیرِ اعلیٰ خیبر پختون خوا سہیل آفریدی سے پی ٹی آئی کی قیادت نے ملاقات کی، جس میں بانیٔ پی ٹی آئی سے ملاقات کے بعد کابینہ تشکیل دینے پر اتفاق کیا گیا۔
ملاقات میں بیرسٹر گوہر، اسد قیصر، جنید اکبر، شہرام ترکئی اور عاطف خان موجود تھے۔
ملاقات میں ہنگو میں شہید پولیس اہلکاروں کے لیے فاتحہ خوانی کی گئی جبکہ صوبے میں دہشت گردی اور امن و امان کی صورتِ حال بھی زیرِ غور آئی۔
وزیر مملکت برائے داخلہ سینیٹر طلال چوہدری نے کہا ہے کہ سہیل آفریدی کام کرنے سے پہلے ہی فارغ ہوجائیں گے۔
ذرائع کا کہنا ہے کہ ملاقات میں بانیٔ پی ٹی آئی عمران خان سے ملاقات کے بعد کابینہ تشکیل دینے پر اتفاق کیا گیا۔
ذرائع نے بتایا ہے کہ پارٹی رہنماؤں نے کہا کہ بانیٔ پی ٹی آئی کی رائے کے بغیر کابینہ بنانے سے مسائل ہوسکتے ہیں۔
اس حوالے سے چیئرمین تحریکِ انصاف بیرسٹر گوہر نے ’جیو نیوز‘ سے گفتگو کرتے ہوئے بتایا کہ وزیرِ علیٰ سے ملاقات 2 گھنٹے سے زائد جاری رہی۔
انہوں نے یہ بھی کہا کہ ملاقات میں صوبے میں دہشت گردی، سیاسی صورتِ حال اور بانیٔ پی ٹی آئی کی رہائی کے لیے مختلف آپشنز پر غور کیا گیا۔
.ذریعہ: Jang News
کلیدی لفظ: ملاقات میں پی ٹی ا ئی سے ملاقات
پڑھیں:
بانی سے جیل میں ملاقات، اسلام آباد ہائیکورٹ میں تمام کیسز کیلئے لارجر بینچ تشکیل
اسلام آباد ہائیکورٹ نے بانی چیئرمین پی ٹی آئی سے جیل میں ملاقات سے متعلق تمام کیسز پر سماعت کےلیے لارجر بینچ تشکیل دےدیا ہے۔
وزیراعلیٰ خیبر پختونخوا سہیل آفریدی کی بانی سے ملاقات کی درخواست کل سماعت کےلیے مقرر کی گئی ہے۔
چیف جسٹس سرفراز ڈوگر، جسٹس ارباب محمد طاہر اور جسٹس اعظم خان لارجر بینچ میں شامل ہیں۔
دوسری طرف قیدی عرفان کی جیل میں بانی جیسی سہولتوں کی فراہمی کی درخواست بھی لارجر بینچ میں مقرر کی گئی ہے۔
اس کے ساتھ ہی عدالتی حکم کے باوجود بانی پی ٹی آئی سے ملاقات نہ کروانے پر توہین عدالت کیسز بھی لارجر بینچ میں مقر ر کیے گئے ہیں۔
بانی چیئرمین سے جیل میں ملاقات نہ کرانے پر توہین عدالت کی درخواستیں شبلی فراز، علیمہ خان، سلمان اکرم راجا اور دیگر نے دائر کر رکھی ہیں۔
جیل ملاقات، جیل رولز اور ایس او پیز سے متعلق درخواستیں بھی کل سماعت کےلیے مقرر کی گئی ہیں۔
غزہ کی انتظامی کمیٹی کیلئے حماس نے 40 نام پیش کر دیئے