میرا موازنہ اُروشی روٹیلا سے نہ کریں، میں ان کی طرح جھوٹ نہیں بولتی: راکھی ساونت
اشاعت کی تاریخ: 26th, October 2025 GMT
بالی ووڈاداکارہ راکھی ساونت کا کہنا ہے، میرا موازنہ شکیرا، کم کارڈیشین، جینیفر لوپیز سے کریں، اُروشی روٹیلا سے نہیں، میں ان کی طرح جھوٹ نہیں بولتی۔
بھارتی میڈیا کے مطابق راکھی ساونت نے اداکارہ اُروشی روٹیلا سے اپنا موازنہ کیے جانے پر غصے کا اظہار کیا ہے اور اپنے نئے گانے ’ضرورت‘ کی تشہیری تقریب کے دوران اپنے مہنگے زیورات کی نمائش بھی کی ہے۔
اداکارہ فی الحال اپنے حالیہ گانے کی تشہیر میں مصروف ہیں، ایک تشہیری تقریب کے دوران وہ اپنے زیورات کی نمائش کرتی ہوئی نظر آئیں، جن کے بارے میں انہوں نے دعویٰ کیا ہے کہ ان کی مالیت 70 کروڑ روپے ہے۔
تقریب کے دوران راکھی ساونت نے لہنگا چولی زیبِ تن کیا ہوا تھا، جس کے ساتھ انہوں نے سنہری ہیڈ پیس اور چمکدار چاندی کا ہار پہنا ہوا تھا، انہوں نے دعویٰ کیا کہ ہیڈ پیس کی قیمت 50 کروڑ روپے اور ہار کی قیمت 20 کروڑ بھارتی روپے ہے۔
بالی ووڈ اداکارہ اروشی روٹیلا سے اپنا موازنہ کیے جانے پر راکھی ساونت نے غصے کا اظہار کیا اور کہا کہ میں اُروشی روٹیلا کی طرح جھوٹ نہیں بولتی۔
راکھی ساونت نے اُروشی روٹیلا سے کسی بھی مقابلے کو رد کر تے ہوئے کہا کہ آپ میرا موازنہ برٹنی اسپیئرز، جینیفر لوپیز، شکیرا، پیرس ہلٹن اور کم کارڈیشن سے کریں، آپ کو گِھسا پٹا بس ایک ہی نام مل جاتا ہے، مجھے پتہ ہے کہ ان کا گانا عبیدی دابیدی تھا، لیکن وہ دابیدی دابیدی ہو گیا۔
اسی دوران اچانک ایک لائٹ بند ہو گئی تو راکھی نے برجستہ طنز کرتے ہوئے کہا کہ کیا یہ گانا اتنا منحوس تھا؟
واضح رہے کہ اروشی روٹیلا کو اکثر سوشل میڈیا پر اپنے زیورات اور مہنگے لباس کی نمائش کرتے دیکھا جاتا ہے، اس سال جنوری میں انہیں اپنی فلم ’ڈاکو مہاراج‘ کے ایک تشہیری انٹرویو کے دوران سیف علی خان کے لیے تشویش کا اظہار کرتے ہوئے اپنی ہیرے کی گھڑی دکھانے پر ٹرول کیا گیا تھا، جبکہ 2024ء میں انہیں اپنی سالگرہ پر 24 قیراط سونے کا کیک کاٹتے ہوئے دیکھا گیا تھا۔
راکھی کا نیا گانا ’ضرورت‘ رومانوی گیت ہے جسے سیف علی نے گایا اور کمپوز کیا ہے، جبکہ بول آیوش کے ہیں، اس گانے میں راکھی اداکار شہباز خان کے ساتھ رومانس کرتی نظر آ رہی ہیں۔
.
ذریعہ
ذریعہ: Daily Mumtaz
کلیدی لفظ: ا روشی روٹیلا سے راکھی ساونت نے کے دوران
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار