آزاد کشمیر میں آج یومِ سیاہ منایا جا رہا ہے
اشاعت کی تاریخ: 27th, October 2025 GMT
---فائل فوٹو
27 اکتوبر 1947ء کو بھارت نے سری نگر میں فوج اتار کر کشمیر پر غیر قانونی قبضہ کیا تھا جس کے بعد سے کشمیری ہر سال 27 اکتوبر کو یومِ سیاہ کے طور پر مناتے ہیں۔
یومِ سیاہ کی مرکزی تقریب مظفرآباد کے ڈسٹرکٹ ہیڈکوارٹر کمپلیکس میں منعقد ہوگی، تقریب میں آل پارٹیز حریت کانفرنس کی قیادت، سماجی و سیاسی شخصیات شریک ہوں گی۔
آزاد کشمیر میں مقیم کشمیری پناہ گزین بھی یومِ سیاہ کی تقریبات میں شریک ہوں گے۔
مقبوضہ کشمیر میں یومِ سیاہ کے موقع پر جاری اپنے بیان میں انہوں نے کہا کہ 27 اکتوبر 1947ء کے سیاہ دن کو یاد رکھا جائے گا۔
تمام ضلعی ہیڈکوارٹرز پر ڈپٹی کمشنرز کی زیرِ نگرانی یومِ سیاہ کی تقریبات منعقد ہوں گی۔
مقبوضہ کشمیر میں یومِ سیاہ کے موقع پر جاری اپنے بیان میں نائب وزیرِاعظم اسحاق ڈار نے کہا ہے کہ بھارتی افواج نے سری نگر پر غیر قانونی قبضہ کیا ہے، 27 اکتوبر 1947ء کے سیاہ دن کو یاد رکھا جائے گا۔
نائب وزیرِاعظم اسحاق ڈار نے کہا کہ بھارتی قبضے کے 78 برس بعد بھی کشمیری عوام ظلم و جبر کا شکار ہیں، بھارت نے اقوامِ متحدہ کی قراردادوں کی مسلسل خلاف ورزی کی ہے۔
.ذریعہ: Jang News
پڑھیں:
وزیر داخلہ محسن نقوی کا یوم سیاہ کشمیر پر کشمیریوں سے بھرپوراظہار یکجہتی
ویب ڈیسک :وفاقی وزیر داخلہ محسن نقوی نے یوم سیاہ کشمیر پر کشمیریوں سے بھرپوراظہار یکجہتی کرتے ہوئے کہاہے کہ کشمیری شہدا، حریت رہنماؤں، اسیران اور مظلوم خاندانوں کو سلام پیش کرتے ہیں۔
وفاقی وزیرداخلہ محسن نقوی نےیوم سیاہ کشمیرپراپنے بیان میں کہاکہ کشمیری شہدا،حریت رہنماؤں اور قیادت نے بھارتی ظلم کے سامنے سر نہیں جھکایا،ان کو سلام پیش کرتے ہیں۔
محسن نقوی نے کہاکہ 27 اکتوبر وہ دن ہے جب بھارت نے جموں و کشمیر پر غیر قانونی قبضہ کر کے تاریخ کا سیاہ ترین باب رقم کیا،بھارتی افواج نے 1947 سے اب تک مقبوضہ وادی کو ظلم، جبر اور ریاستی دہشت گردی کا عقوبت خانہ بنا دیا ہے،پیلٹ گنز، جبری گمشدگیاں،ماورائے عدالت قتل اور خواتین کی تذلیل بھارتی مظالم کا لرزہ خیز مکروہ چہرہ ہے ۔
محسن نقوی نے کہاکہ مقبوضہ کشمیر میں ہزاروں نوجوان آزادی کی قیمت اپنی جانوں سے ادا کر چکے ہیں مگر جذبہ حریت ماند نہیں پڑا،میڈیا بلیک آؤٹ، انٹرنیٹ بندش اور فوجی محاصرے نے وادی کو قید خانے میں بدل دیا ہے جہاں ہر آواز دبائی جا رہی ہے،عالمی انسانی حقوق کی تنظیمیں بھارتی مظالم پر بارہا آواز اٹھا چکی ہیں مگر دنیا کی خاموشی ابھی تک برقرار ہے۔
محسن نقوی نے کہاکہ مقبوضہ وادی میں بھارتی بربریت پر دنیا کی خاموشی بے حسی کے ساتھ انصاف کے عالمی نظام پر ایک سوالیہ نشان ہے،اقوام متحدہ کی قراردادیں آج بھی واضح ہیں کہ کشمیری عوام کو اپنے مستقبل کا فیصلہ خود کرنے کا حق حاصل ہے،بھارت نے ان قراردادوں کو پامال کر کے نہ صرف عالمی قانون بلکہ انسانیت کی حرمت کو بھی مجروح کیا ہے۔
ہنڈائی ٹکسن ہائبرڈ بغیر سود کے آسان اقساط میں حاصل کریں
وفاقی وزیرداخلہ نے کہاکہ قائداعظم محمد علی جناح نے فرمایا تھا’’کشمیر پاکستان کی شہ رگ ہے‘‘ یہ صرف جملہ نہیں، ہمارے قومی تشخص کی علامت ہے،مسئلہ کشمیر کا حل صرف اور صرف کشمیری عوام کی امنگوں اور اقوام متحدہ کی قراردادوں کے مطابق ممکن ہے،پاکستان کشمیری عوام کی سیاسی، سفارتی اور اخلاقی حمایت ہر عالمی فورم پر پوری قوت سے جاری رکھے گا ،ہم عہد دہراتے ہیں کہ ظلم کے خلاف یہ جدوجہد پاکستان کے دل کی دھڑکن ہے، کشمیر بنے گا پاکستان۔
برائلر مرغی کے گوشت کی قیمت میں حیران کن کمی
پی آئی اے کی نجکاری میں تاخیر کیوں ہو رہی ہے؟