حیدرآباد ،لیاقت اسپتال میں مریضوں کی شکایتی ازالے کیلئے کائنٹر کا قیام
اشاعت کی تاریخ: 12th, December 2025 GMT
data-id="863a0a8" data-element_type="widget" data-widget_type="theme-post-content.default">
251212-2-15
حیدرآباد(اسٹاف رپورٹر)لیاقت یونیورسٹی اسپتال حیدرآباد و جامشورو کے میڈیکل سپرنٹنڈنٹ ڈاکٹر سید ارشاد حسین کاظمی نے کہا ہے اسپتال میں آنے والے مریضوں اور اُن کے تیماداروں کی شکایات کے فوری ازالہ کیلئے اے ایم ایس کی زیر نگرانی سینئر ڈاکٹر ز پر مشتمل اسپتال کے مرکزی دروازے پر ’’شکایت اور سہولت مرکز‘‘ قائم کر دیا گیا ہے ،جہاں مریض اور اُن کے تیمارداروں کی علاج و معالجہ کے حوالے سے کسی بھی طرح کی شکایات کا فوری ازالہ کیا جائے گاجبکہ اسپتال میں مریضوں کے علاج و معالجہ اور خوراک کو عالمی ادارہ صحت(WHO) کے اصولوں کے مطابق بہم پہنچانے میں ہم اسی وقت کامیاب ہوسکیں گے جب پروفیسرز، ڈاکٹرز، نرسز اور پیرامیڈیل اسٹاف میرے ساتھ مل کر شانہ بشانہ شب و روز محنت و لگن سے اپنی ذمہ داریاں انجام دیں گے ۔ان خیالات کا اظہار انہوں نے ڈاکٹرز نرسز اور پیرامیڈیکل اسٹاف کی ایسوسی ایشن کے عہدیداران کے نمائندہ وفود سے ملاقات کے دوران گفتگو کرتے ہوئے کیا۔ڈاکٹر سید ارشاد حسین کاظمی نے مزید کہا کہ ہماری ہر ممکن یہ کوشش ہونا چاہیے کہ مریض جلد صحت یاب ہو کر اپنے گھروں کو واپس لوٹیں اور جہاں بھی ایم آر آئی، سٹی سکن اور دیگر مشنری میں کسی بھی طرح کی خرابی ہو تو وہ ہماری ذمہ داری ہے کہ ہم فوری طور پر اس کی مرمت کرا کر قابل استعمال بنائیں۔انہوں نے اپنی گفتگو میں بتایا کہ شعبہ حادثات و ایمرجنسی (لال بتی) کو ہم نے اپ گریڈ کر کے وہاں سٹی اسکن، ای سی جی، پورٹیبل ایکسرے، اے بی جی، پورٹیبل الٹراسائونڈ ،مائنر OT کے ساتھ فارمیسی اسٹور بھی قائم کر دیا ہے جہاں سینئر ڈاکٹرز ،نرسز ڈسپنسرز اپنی اپنی شفٹوں میں موجودرہ کر اور اپنی ذمہ داریاں انجام دے رہے ہیں۔ انہوں نے مزید بتایا کہ کوئی بھی نازک حالت میں آنے والے مریض جنہیں فوری طور پر آئی سی یو کی ضرورت ہوتی ہے انہیں ایمرجنسی میں ہی قائم آئی سی یو میں فوری طور پر شفٹ کر دیا جاتا ہے۔ڈاکٹر سید ارشاد حسین کاظمی نے موقع پر موجود ڈاکٹرز ،نرسز اور پیرامیڈیکل اسٹاف کو ہدایت کرتے ہوئے کہا کہ مریضوں کے علاج و معالجہ میں اور خوراک کی فراہمی میں کسی بھی طرح کی غفلت یا کوتاہی برداشت نہیں کی جائے گی اور کسی بھی مریض کی شکایت مجھ تک پہنچنے سے قبل ہی قائم کئے گئے شکایت اور سہولت مرکز میں مریض کی شکایت کا فوری ازالہ کیا جائے۔
ذریعہ: Jasarat News
کلیدی لفظ: کسی بھی
پڑھیں:
مریم نواز کا کینسر اور دل کے عارضے میں مبتلا مریضوں کے علاج کیلئے ’وزیراعلیٰ سپیشل اینیشیٹو کارڈ‘ متعارف کرانے کا فیصلہ
لاہور(ڈیلی پاکستان آن لائن) وزیراعلیٰ پنجاب مریم نواز شریف نے صوبے میں تاریخی قدم اٹھاتے ہوئے کینسر اور دل کے عارضے میں مبتلا مریضوں کے علاج کیلئے ’وزیراعلیٰ سپیشل اینیشیٹو کارڈ‘ متعارف کرانے کا فیصلہ کر لیا۔
نجی ٹی وی چینل دنیا نیوز کے مطابق وزیراعلیٰ مریم نواز شریف کی زیرصدارت اجلاس ہوا جس میں کینسر اور کارڈیک سرجری کے لئے خصوصی کارڈ متعارف کرانے کا فیصلہ کیا گیا۔
اس موقع پر سیکرٹری سپیشلائزڈ ہیلتھ کیئر اینڈ میڈیکل ایجوکیشن نے وزیراعلیٰ مریم نواز شریف کو تفصیلی بریفنگ دی۔
پاکستان میں شفافیت میں اضافہ، کرپشن کم، معیشت ترقی کر رہی: ٹرانسپیرنسی انٹرنیشنل
بریفنگ میں بتایا گیا کہ پنجاب میں کینسر اور دل کے عارضہ میں مبتلا افراد کے علاج کا مکمل خرچ حکومت ادا کرے گی، مہنگے علاج کے خوف سے بے فکر امراضِ قلب میں مبتلا ہر مریض سی ایم سپیشل اینیشیٹو کارڈ کے ذریعے 10 لاکھ تک کے علاج کی سہولت حاصل کرے گا۔
پہلے مرحلے میں 45 ہزار مریضوں کو نیا سی ایم سپیشل اینیشیٹو کارڈ جاری کیا جائے گا، جس کے بعد یہ مریض مہنگے اور پیچیدہ علاج کے مالی بوجھ سے آزاد ہو جائیں گے، چیف منسٹر کارڈیک سرجری پروگرام کے تحت کارڈ ہولڈرز کی مفت کارڈیک سرجری کی جائے گی۔
وزیراعلیٰ پنجاب مریم نوازشریف نے سٹروک / فالج کے بروقت علاج کے لئے پروگرام پلان طلب کر لیا۔
ایڈیشنل سیشن جج کے چیمبر سے 2سیب اور ہینڈ واش چوری، مقدمہ درج
بریفنگ میں کہا گیا کہ 17 جنوری تک نواز شریف انسٹیٹیوٹ کینسر ٹریٹمنٹ اینڈ ریسرچ لاہور کے او پی ڈی بلاک کو فعال کر کے ہزاروں مریضوں کی زندگی بچانے کا عزم پورا کیا جائے گا، انسٹیٹیوٹ آف کینسر ٹریٹمنٹ اینڈریسرچ کے بورڈ آف گورنر نے پہلے مرحلے میں 219 اسامیوں پر بھرتی کی منظوری دے دی۔
نواز شریف انسٹیٹیوٹ آف کارڈیالوجی سرگودھا میں آئی پی ڈی، ایمرجنسی، پتھالویالوجی اور یڈیالوجی 31 جنوری تک مکمل فنکشنل کر دیئے جائیں گے، بورڈ آف گورنر نے پہلے فیز میں 258 اسامیوں پر بھرتی کی منظوری دی ہے۔
اس کے علاوہ لاہور میں جناح انسٹیٹیوٹ آف کارڈیالوجی 15 فروری سے فنکشنل ہوگا، بورڈ آف گورنر نے جناح انسٹیٹیوٹ آف کارڈیالوجی کے لئے 1104 اسامیوں پر بھرتی کی بھی منظوری دے دی۔
تھائی لینڈ کے کمبوڈیا پر فضائی حملے، ٹرمپ کا کروایا گیا امن معاہدہ خطرے میں پڑ گیا
وزیراعلیٰ نے ہدایت کی کہ تمام منصوبوں کو مقررہ ڈیڈ لائنز کے اندر فعال کیا جائے اور مریضوں کی جانیں بچانے کیلئے کوئی کسر نہ چھوڑی جائے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر