میٹا نے پاکستان میں اپنی مصنوعی ذہانت ’میٹا اے آئی‘ کا اردو ورژن لانچ کردیا
اشاعت کی تاریخ: 27th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی: پاکستان میں میٹا اے آئی کو باضابطہ طور پر اردو زبان میں متعارف کرا دیا گیا ہے، جس کے بعد پاکستانی صارفین اب اس جدید ٹیکنالوجی سے انگریزی کے ساتھ ساتھ اپنی قومی زبان میں بھی بات چیت کر سکیں گے۔
میٹا نے یہ اہم پیش رفت وزارتِ انفارمیشن ٹیکنالوجی و ٹیلی کمیونیکیشن کے اشتراک سے منعقدہ تقریب Future in Focus: AI and Innovation کے دوران کی۔ تقریب میں پاکستان میں مصنوعی ذہانت کی تعلیم کے فروغ اور سرکاری ڈیجیٹل تبدیلی کے لیے تجرباتی پروگرام کے آغاز کا بھی اعلان کیا گیا۔
کمپنی نے اس موقع پر اپنی رہنما دستاویز Transforming Public Sector Innovation in Asia Pacific with Llama کا پاکستانی ایڈیشن بھی متعارف کرایا، جوDeloitte کے تعاون سے تیار کی گئی ہے۔ یہ گائیڈ وضاحت کرتی ہے کہ میٹا کے اوپن سورس اے آئی ماڈل Llama کے ذریعے حکومتی خدمات کو بہتر، عوامی ڈیلیوری کو مؤثر اور ڈیٹا خودمختاری کو مضبوط بنایا جا سکتا ہے۔
مزید برآں، میٹا نے اعلیٰ تعلیمی کمیشن (HEC) نیشنل کمپیوٹنگ ایجوکیشن ایکریڈیشن کونسل (NCEAC)، MoITT اور atomcamp کے اشتراک سے AI Literacy Program کا آغاز کیا ہے۔
اس پروگرام کے تحت ملک بھر کی یونیورسٹیوں کے 350 غیر کمپیوٹر سائنس اساتذہ کو مصنوعی ذہانت کی بنیادی تربیت فراہم کی جائے گی تاکہ وہ آنے والی نسل کو ڈیجیٹل دور کے تقاضوں کے مطابق تعلیم دے سکیں۔
اسی طرح Government Digital Transformation Xperience (GDTX) 2025 پروگرام بھی متعارف کرایا گیا، جس کا مقصد سرکاری اداروں کو میٹا کی ٹیکنالوجی، حل اور جدید طریقہ کار سے آراستہ کرنا ہے۔ یہ پروگرام سرکاری و نجی شعبے کے ماہرین کو ایک پلیٹ فارم پر لا کر ڈیجیٹل حکمتِ عملیوں کے تبادلے کو فروغ دے گا۔
وفاقی وزیرِ آئی ٹی شزہ فاطمہ نے اس موقع پر کہا کہ “وزیراعظم کے ڈیجیٹل نیشن وژن کے تحت پاکستان تیزی سے اس سمت گامزن ہے جہاں ٹیکنالوجی ہر شہری کو بااختیار بنائے گی۔ میٹا کے ساتھ شراکت داری اس عزم کی عکاسی ہے کہ ہم مصنوعی ذہانت اور ڈیجیٹل جدت کو حکومتی و تعلیمی سطح پر فروغ دے رہے ہیں۔
ان کا کہنا تھا کہ میٹا اے آئی میں اردو زبان کی شمولیت ایک اہم سنگ میل ہے جو ٹیکنالوجی کو زیادہ جامع اور قابلِ رسائی بنائے گی تاکہ کوئی بھی شہری ڈیجیٹل تبدیلی کے سفر میں پیچھے نہ رہ جائے۔
میٹا کے ڈائریکٹر پبلک پالیسی برائے جنوبی و وسطی ایشیا صارم عزیز نے کہا کہ *“ہم عوامی شعبے اور تعلیمی اداروں کو مصنوعی ذہانت کے مؤثر استعمال کے ذریعے ڈیجیٹل ترقی میں مدد فراہم کرنا چاہتے ہیں۔ ہمیں فخر ہے کہ اب میٹا اے آئی اردو زبان میں بھی دستیاب ہے، جس سے پاکستانی صارفین کو اپنی زبان میں جدید ٹیکنالوجی سے جڑنے کے نئے مواقع ملیں گے۔
ذریعہ: Jasarat News
کلیدی لفظ: مصنوعی ذہانت میٹا اے آئی
پڑھیں:
اپوزیشن حالات کو اس نہج پر لے گئی جہاں سے واپسی ممکن نہیں، ایاز صادق
data-id="863a0a8" data-element_type="widget" data-widget_type="theme-post-content.default">
251211-01-9
اسلام آباد(مانیٹرنگ ڈیسک)قومی اسمبلی کے اسپیکر ایاز صادق نے کہا ہے کہ حزب اختلاف حالات کو اس نہج پر لے گئی جہاں سے واپسی شاید ناممکن ہے ، جس فوج نے بھارت سے جنگ جیتی ان کے خلاف زبان استعمال کی گئی۔اسلام آباد میں میڈیا سے گفتگو میں ایاز صادق کا کہنا تھاکہ اگر اپوزیشن مذاکرات کوآگے بڑھانا چاہتی ہے تو اچھی بات ہے، وزیراعظم اورمیں بارہا کہہ چکے ہیں کہ مذاکرات کے لیے دروازے کھلے ہیں جس کے جواب میں کہاگیاکہ ہم آرمی چیف سے بات چیت کرنا چاہتے ہیں۔انہوں نے کا کہ جس فوج نے بھارت سے جنگ جیتی ان کے خلاف زبان استعمال کی گئی ، پارلیمنٹ کے فلور کو عدلیہ مخالف زبان کے لیے استعمال کیاگیا، سرحدوں کے محافظوں کے لیے مخالفین کی زبان استعمال کی گئی، بارہا کہہ چکا ہوں کہ فلور پر فوج اورعدلیہ مخالف بیان کیلیے اجازت نہیں دوں گا،اسپیکر کا کہنا تھاکہ عدلیہ اور فوج مخالف ٹوئٹ کیے گئے، حزب اختلاف حالات کو اس نہج پر لے گئے جہاں سے واپسی شاید ناممکن ہے، میں نے مذاکرات کے لیے چار قدم بڑھائے مگر اب چالیس قدم پیچھے کرگیا، پاکستان ہے تو ہم ہیں، سیاست ہے، سب کچھ ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر