’’بدل دو نظام‘‘ اجتماع عام ، خواتین میں بھی زبردست جوش و خروش
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
251028-08-4
کراچی(اسٹاف رپورٹر) خواتین میں بھی ’’بدل دو نظام‘‘ کے عنوان سے اجتماع عام کے حوالے سے غیر معمولی جوش و خروش پایا جا رہا ہے، اجتماعِ عام میں شرکت کے لیے دلچسپی روز بروز بڑھتی جا رہی ہے اور اسے پاکستان میں ایک انقلاب اور مثبت تبدیلی کی نوید قرار دیا جارہا ہے ، دریں اثنا حلقہ خواتین جماعت اسلامی کراچی کی ناظمہ جاوداں فہیم و دیگر ذمے داران کراچی کی تنظیم اساتذہ کراچی کی صدر اسما رضوان کے ساتھ ایک تفصیلی نشست منعقد ہوئی جس میں اجتماعِ عام کے لیے اساتذہ کی شرکت اور دعوتی سرگرمیوں کا جائزہ لیا گیا۔ اجلاس میں طے کیا گیا کہ مختلف تعلیمی اداروں کے اساتذہ تک انفرادی اور اجتماعی سطح پر دعوت پہنچائی جائے گی تاکہ زیادہ سے زیادہ معلمات اور طالبات اس تاریخی اجتماع میں شریک ہوں۔بعد ازاں ذمے داران کے ایک اجلاس میں ناظمہ حلقہ خواتین جماعت اسلامی کراچی جاوداں فہیم نے ادارہ نور حق میں اجتماعِ عام کی تیاریوں کا تفصیلی جائزہ لیا اور متعلقہ ٹیموں کو بریفنگ دی اور ذمے داران سے مختلف انتظامی و تنظیمی امور پر رپورٹس لیں۔ جاوداں فہیم نے کہا کہ یہ اجتماع صرف ایک اجتماع نہیں بلکہ ایک فکری و عملی تحریک کا تسلسل ہے جو معاشرے میں عدل و انصاف اور نظامِ الٰہی کے قیام کا پیش خیمہ ثابت ہوگا۔اجلاس میں ڈپٹی سیکرٹریز کراچی ندیمہ تسنیم، فرح عمران،شیبا طاہر، ہاجرہ عرفان،سمیہ عاصم،معاون کراچی سمیہ اسلم اور سیکرٹری اطلاعات ثمرین احمد نے شرکت کی اور اس عزم کا اظہار کیا کہ وہ اپنی پوری توانائیوں کے ساتھ اس اجتماع کو تاریخی اورکامیاب بنانے کے لیے سرگرم عمل رہیں گی۔
ذریعہ: Jasarat News
پڑھیں:
کراچی؛ گھر کی چھت گرنے سے ڈیڑھ سالہ بچی جاں بحق، خواتین سمیت تین افراد زخمی
کراچی:کورنگی سیکٹر 32-اے تھانہ زمان ٹاؤن کی حدود میں واقعے ضیا کالونی میں گھر کے کمرے کی چھت گرنے سے ڈیڑھ سالہ بچی جاں بحق اور ایک بچی سمیت دو خواتین زخمی ہوگئیں۔
ایکسپریس نیوز کے مطابق حادثہ اس وقت پیش آیا جب خواتین اور بچے کمرے میں موجود تھے، اچانک چھت کا بیم ٹوٹنے سے ملبہ ان پر آ گرا، حادثے میں جاں بحق اور زخمی ہونے والی خواتین اور بچیوں کو چھیپا ایمبولنس کے ذریعے جناح اسپتال منتقل کیا گیا جہاں جاں بحق بچی کی شناخت ڈیڑھ سالہ عائشہ محسن کے نام سے ہوئی۔
پولیس کے مطابق ابتدائی تفتیش میں معلوم ہوا ہے کہ 40 سے 50 گز کے مکان کی چھت کمزور تھی اور حادثہ مبینہ طور پر چھت پر وزن بڑھنے سے پیش آیا۔
پولیس نے بتایا کہ مکان میں کرایہ دار مقیم تھے جبکہ مالک مکان کی تلاش جاری ہے اور پولیس نے واقعے کی مزید تحقیقات شروع کر دی ہیں۔
حکومت مدارس و مساجد کے امور میں دخل اندازی نہیں کرے گی، وزیر داخلہ کی علمائےاہلسنت کو یقین دہانی