شہید و مرحوم ملازمین کے ورثا کی فوری مدد کی جائے،عبداللطیف نظامانی
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
251028-2-12
حیدرآباد(اسٹاف رپورٹر)یونین اپنی جدوجہد سے یوں تو مسلسل مسائل کو حل کرارہی ہے لیکن اسکے باوجود یکے بعد دیگرے ہمارے انفرادی اور اجتماعی مسائل ایسے ہیں جو ہمہ وقت پائپ لائن میں ہوتے ہیں اور آہستہ آہستہ حل ہورہے ہیں جن میں شہید اور مرحوم ملازمین کی بیوہ کیلئے پی ایم پیکیج کے تحت فی بیوہ لاکھوں اور اجتماعی طور پر کروڑوں کی ادائیگیاں ، ملازمین کے ٹی اے، اوور ٹائم ، ہاف ڈیز، میڈیکل ، کرایہ مکان کے بلز کی کروڑوں کی ادائیگیاں کرائی گئیں ہیں، یونین نجکاری کے خلاف مسلسل برسر پیکار ہے لیکن حکومت کاکردار مزدور دشمنی پر مبنی ہے۔ وہ محکمہ بجلی کی تقسیم کار کمپنیوں کی نجکاری پر بضد ہے جس کے خاتمے کیلئے ہم پر بھاری ذمہ داری عائد ہے اس نجکاری کی تلوار کو ہم اپنے اتحاد ، ایمانداری اور مسلسل جدوجہد کے ذریعے ہی توڑ سکتے ہیں ۔ ان خیالات کا اظہار آل پاکستان واپڈا ہائیڈرو الیکٹرک ورکرز یونین سی بی اے کے مرکزی صدر عبداللطیف نظامانی نے لیبر ہال حیدرآباد میں حیسکو ہیڈ کوارٹرز، جی ایس او ، کنسٹرکشن ، ایم اینڈ ٹی اور کمپنیوٹرزونز کے نمائندگان کے اہم اور ہنگامی اجلاس سے خطاب کرتے ہوئے کیا۔ میزبانی کے فرائض صوبائی سیکرٹری اقبال احمد خان نے اداکیے جبکہ اس موقع پر دیگر صوبائی اور زونلز نمائندگان بھی بڑی تعداد میں موجود تھے۔ اجلاس سے خطاب میں صدر یونین نے مزید کہا کہ حیسکو میں افسران کا کردار رویہ بھی ہمارے ساتھ اچھا نہیں ہے وہ اپنی کرپشن چھپانے کیلئے ملازمین کو استعمال کررہے ہیں وہ ہمارے ناکردہ گناہوں کو بھی ہم پر تھوپ کر ہمیں بدنام اور خود سرخ رو ہورہے ہیں جبکہ ہمارا مقامی نمائندہ خاموشی تماشائی بن کر اپنا کردار ادا کرنے سے قاصر ہے جو ہمارے لیے کسی لمحہ فکر سے کم نہیں اس کے لیے ہمیں مل کر اپنے اتحاد ،یونین کی ہدایت ، دیانت کو اپنا کر کام کرنا ہوگا۔انہوں نے مزید کہا کہ محکمہ بجلی بیور کریٹ و دیگر افسران کا نہیں ہے یہ مفادعامہ کا اہم اور قومی ادارہ ہے اس کی بقا کیلئے ہمیں اپنا کردار ادا کرتے رہنا ہوگا کیونکہ اس کی بقا میں ہی ہم سب کی بقا شامل ہے اس وقت حیسکو میں کرپشن کا بازار گرم ہے ملازمین کے بلاوجہ تبادلے اور واجبات کی ادائیگی کیلئے وصولیاں مانگی جارہی ہیں جبکہ یونین بنا کسی لالچ ملازمین کی مراعات مسلسل جاری کرارہی ہیں ہمیں ایسی کالی بھیڑوں کا احتساب کرنا ہوگا اور حق دار کو اس کا حق اس کے دروازے پر دنیا ہوگا ، شہید ومرحوم ملازمین کے بچوں کیساتھ کیساتھ عام لوگوں کیلئے نوکری کے بند دروازوں کو کھلوانا بھی ہمارے مطالبات میں سرے فہرست ہے ۔ اجلاس سے خطاب میں صوبائی سیکریٹری اقبال احمد خان نے کہا کہ ہمیں منظم ہوکر یونین کیلئے کام کرنا ہوگا آپ کا اتحاد ہی آپکی طاقت کا سر ِ چشمہ ہے جسکی بدولت ہم اپنے مسائل کو باخوبی حل کراسکتے ہیں نیز ادارے کی کامیابی و ترقی کیلئے ضروری ہے کہ ادارے سے چوری ، کرپشن کے خاتمے کیلئے مل کر جدوجہد کریں تاکہ ہم اللہ رب العزت کے سامنے بھی اور یونین میں بھی سرخ رو اور کامیاب ہوسکیں ۔
ذریعہ
ذریعہ: Jasarat News
کلیدی لفظ: ملازمین کے
پڑھیں:
شارع فیصل، کس لین میں گاڑی چلائی تو چالان نہیں ہوگا؟
کراچی میں شارع فیصل پر ٹریفک کی روانی کو بہتر بنانے کے لیے ٹریفک لین کی پاسداری کرانے کے لیے قوانین پر سختی عملدرآمد کیا جارہا ہے۔
ٹریفک لین کی خلاف ورزی پر 24 گھنٹوں کے دوران 96 چالان جاری کیے گئے ہیں۔
کراچی میں ٹریفک جام اور حادثات کی بڑھتی ہوئی تعداد کے پیچھے کئی وجوہات ہیں، لیکن ایک بڑی وجہ ٹریفک قوانین کی خلاف ورزی ہے۔
شہر کی سڑکوں پر مختلف گاڑیوں کے لیے مخصوص لینز تو موجود ہیں، اور زیادہ تر شہری اس بات سے واقف بھی ہیں کہ کون سی لین کس قسم کی گاڑی کے لیے مختص ہے، مگر وقت بچانے اور جلد منزل تک پہنچنے کی دوڑ میں اکثر لوگ ان اصولوں کو نظرانداز کر دیتے ہیں۔
ٹریفک قوانین کی خلاف ورزی کو روکنے اور سڑکوں پر نظم و ضبط بہتر بنانے کے لیے ٹریفک پولیس نے پہلے ہی ای-ٹکٹنگ سسٹم نافذ کیا ہوا ہے، لیکن اب شارع فیصل پر لین کی خلاف ورزی کرنے والوں کو خودکار طریقے سے جرمانے جاری کیے جائیں گے۔
ڈی آئی جی ٹریفک پیر محمد شاہ کے مطابق ٹریفک جام کی صورت میں شہریوں کو لین تبدیل کرنے کی رعایت ہے، لیکن سست ٹریفک پر شہریوں کو مقررہ لین میں ہی رہنا ہوگا اور ہیوی بائیک رائڈرز بھی لین کی خلاف ورزی کریں گے تو چالان ہوگا۔
دوسری جانب شہریوں نے اس اقدام کو ٹریفک نظم و ضبط کی جانب ایک مثبت پیشرفت قرار دیا ہے۔
ان کا کہنا ہے کہ قوانین پر مؤثر عملدرآمد کے ساتھ ساتھ عوامی آگاہی بھی انتہائی ضروری ہے تاکہ زیادہ سے زیادہ لوگ نئے نظام اور لین ڈسپلن کے اصولوں سے واقف ہو سکیں۔
قانون تو موجود ہے، اب اصل امتحان اس پر عملدرآمد اور شہریوں کے تعاون کا ہے۔ اگر دونوں ساتھ چلیں تو شاید کراچی کی سڑکیں زیادہ محفوظ اور منظم بن سکیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ