شہباز شریف ‘ شہزادہ محمدملاقات تجارت کے فروغ عالمی علاقائی امور رپر تبادلہ خیال فیلڈ مارشل بھی موجودہ تھے
اشاعت کی تاریخ: 28th, October 2025 GMT
اسلام آباد+ریاض (خبر نگار خصوصی+ امیر محمد خان+ ممتاز احمد بڈانی) وزیراعظم شہبازشریف کی سعودی ولی عہد شہزادہ محمد بن سلمان سے ملاقات ہوئی۔ اعلامیہ کے مطابق ملاقات میں نائب وزیراعظم اسحاق ڈار، فیلڈ مارشل عاصم منیر، دونوں ملکوں کی کابینہ کے سینئر ارکان بھی شریک تھے۔ ملاقات میں باہمی دلچسپی کے امور، پاکستان اور سعودی عرب کے درمیان تجارت، سرمایہ کاری، مختلف شعبوں میں تعاون کے فروغ پر تبادلہ خیال کیا گیا۔ علاقائی اور بین الاقوامی امور، دوطرفہ تجارت کو فروغ دینے پر گفتگو کی گئی۔ قصر یمامہ پہنچنے پر محمد بن سلمان نے وزیراعظم اور وفد کا استقبال کیا۔ شہباز شریف اور شہزادہ محمد کی خوشگوار ماحول میں ملاقات ہوئی۔ وزیرِ اعظم محمد شہباز شریف سعودی ولی عہد و وزیر اعظم شہزادہ محمد بن سلمان کی خصوصی دعوت پر فیوچر انویسٹمنٹ انیشی ایٹو کی نویں کانفرنس میں شرکت کیلئے پاکستانی وفد کے ساتھ ریاض پہنچے۔ نائب وزیر اعظم و وزیرخارجہ سینیٹر محمد اسحاق ڈار، وفاقی وزیر خزانہ محمد اورنگزیب، وفاقی وزیر اطلاعات و نشریات عطاء اللہ تارڑ، معاونین خصوصی طارق فاطمی اور بلال بن ثاقب وزیر اعظم کے ہمراہ وفد میں شامل ہیں۔ ریاض میں منعقدہ فیوچر انویسٹمنٹ انیشی ایٹو جس میں عالمی رہنما، سرمایہ کار، پالیسی ساز اور دیگر شعبوں کے ممتاز شخصیات شرکت کریں گی اس میں پاکستان کی نمائندگی وزیراعظم محمد شہباز شریف کریں گے۔ وزیر اعظم پائیدار ترقی، اقتصادی شمولیت، جدت اور عالمی جغرافیائی سیاست میں تبدیلیوں پر ہونے والی گفتگو میں شرکت کریں اور پاکستان کا نکتہ نظر پیش کریں گے۔ وزیراعظم فیوچر انویسٹمنٹ انیشی ایٹو میں شرکت کیلئے آئے عالمی رہنماؤں اور بین الاقوامی اداروں کے سربراہان سے ملاقاتیں بھی کریں گے۔ ان ملاقاتوں میں پاکستان میں سرمایہ کاری اور پائیدار ترقی کے حوالے سے تعاون کی استعداد پر تبادلہ خیال ہوگا۔ علاوہ ازیں شہباز شریف نے تھائی لینڈ اور کمبوڈیا کے درمیان امن معاہدے کو امن اور سفارت کاری کے لیے تاریخی قرار دیتے ہوئے دونوں ممالک کی قیادت اور عوام کو مبارکباد دی ہے اور امن معاہدے کے لیے صدر ٹرمپ کے کلیدی کردار کو سراہا ہے۔ وزیراعظم نے کہا کہ امن اور سفارت کاری کے لیے یہ ایک اور تاریخی دن ہے، کمبوڈیا اور تھائی لینڈ کی قیادت اور عوام کو کوالالمپور امن معاہدے پر دلی مبارکباد پیش کرتا ہوں۔ وزیر اعظم نے کہا کہ وہ اپنے بھائی ملائیشیا کے وزیر اعظم انور ابراہیم کو بھی خطے میں امن اور ہم آہنگی کے لیے انتھک کاوشوں پر خراجِ تحسین پیش کرتے ہیں۔ علاوہ ازیں شہزادہ محمد بن سلمان کی زیر سرپرستی فیوچر انویسٹمنٹ انیشئیٹو کانفرنس کے نویں ایڈیشن کا آج (پیر) کو ریاض کے کنگ عبدالعزیز انٹرنیشنل کانفرنس سینٹر میں آغاز ہوا۔ ''خوشحالی کی کلید'' کے موضوع کے تحت کانفرنس 30 اکتوبر تک جاری رہے گی۔ ابتدائی سیشنز میں کلائمیٹ چینجنگ، کرپٹو کرنسی کے بنیادی ڈھانچے اور عالمی مالیاتی نظام کی وضاحت میں اس کے کردار، کوانٹم کمپیوٹنگ اور منافع پیدا کرنے، اور مستقبل میں سرمایہ کاری کرنے کا طریقہ، کاربن کی شراکت پر گفتگو کی گئی۔ جن میں مصنوعی ذہانت اور روبوٹکس کے پیداواری صلاحیت پر اثرات، بڑھتی ہوئی عدم مساوات کے اثرات، وسائل کی کمی کے جغرافیائی معاشی اثرات، آبادیاتی تبدیلیاں، مستقبل میں معاشی ترقی کی صلاحیت اور افرادی قوت کے لیے معاشی ترقی کے ماحول کی تشکیل،آنے والے دنوں میں، سربراہان مملکت، خودمختار دولت کے فنڈز، سینئر ایگزیکٹوز، اور ٹیکنالوجی، توانائی، صحت کی دیکھ بھال، آب و ہوا، مالیات اور ثقافت کے شعبوں کے ماہرین اعلیٰ سطحی بات چیت میں شرکت کریں گے جو عالمی ترقی، سرمایہ کاری اور انسانی ترقی کے مستقبل کو تشکیل دیں گے۔ یہ کانفرنس 250 ڈائیلاگ سیشنز کے ذریعے 8,000 سے زیادہ شرکاء اور 650 ممتاز مقررین کو راغب کرے گی۔ سعودی ریلوے ’سار‘ اور اٹلی کی ’ارسینالی‘ کمپنی نے ریاض میں فیوچر انویسٹمنٹ کانفرنس کے نویں ایڈیشن میں پہلی مرتبہ ’ڈیزرٹ ڈریم‘ ٹرین کی لگژری بوگیوں کی نمائش کرنے کا اعلان کیا ہے۔ وزیر اعظم محمد شہباز شریف نے پاکستان اور سعودی عرب کے عوام کی خوشحالی اور دونوں ممالک کے مابین قریبی تعاون کے مشترکہ وژن کو آگے بڑھانے کیلئے سعودی وزیر اعظم و ولی عہد محمد بن سلمان کی ذاتی دلچسپی اور غیر متزلزل حمایت پر انکا شکریہ ادا کرتے ہوئے کہا ہے کہ شہزادہ محمد بن سلمان سے ملاقات باعث انبساط و اعزاز ہے۔ ایکس پر اپنے پیغام میں وزیراعظم محمد شہباز شریف نے بتایا کہ ملاقات میں پاکستان اور سعودی عرب کے درمیان برادرانہ تعلقات کو مزید مستحکم بنانے کے عزم کا اعادہ کیا گیا اور دونوں ممالک کے درمیان تجارت، سرمایہ کاری اور اقتصادی تعاون کے شعبوں میں اس تاریخی اور آزمودہ شراکت داری کو مزید وسعت دینے کے طریقوں پر تبادلہ خیال کیا۔ وزیر اعظم نے کہا کہ وہ دونوں ممالک اور عوام کی خوشحالی اور قریبی تعاون کے مشترکہ وڑن کو آگے بڑھانے میں سعودی ولی عہد و وزیر اعظم کی ذاتی دلچسپی اور غیر متزلزل حمایت پر تہِ دل سے شکر گزار ہیں۔
.ذریعہ: Nawaiwaqt
کلیدی لفظ: اعظم محمد شہباز شریف فیوچر انویسٹمنٹ پر تبادلہ خیال دونوں ممالک سرمایہ کاری کے درمیان تعاون کے میں شرکت کریں گے ولی عہد کے لیے
پڑھیں:
وزیراعظم شہباز شریف سرمایہ کاری کانفرنس میں شرکت کے لیے کل سعودی عرب روانہ ہوں گے
وزیراعظم محمد شہباز شریف سعودی ولی عہد اور وزیراعظم شہزادہ محمد بن سلمان کی دعوت پر 27 سے 29 اکتوبر تک سعودی عرب کے دورے پر ریاض جائیں گے۔
وہ وہاں منعقد ہونے والی نویں مستقبل سرمایہ کاری کانفرنس (FII9) میں پاکستان کے اعلیٰ سطحی وفد کی قیادت کریں گے۔ وفد میں نائب وزیراعظم و وزیرِ خارجہ سینیٹر محمد اسحاق ڈار سمیت کابینہ کے سینئر وزرا بھی شامل ہوں گے۔
????PR No.3️⃣1️⃣8️⃣/2️⃣0️⃣2️⃣5️⃣
Curtain Raiser: Prime Minister’s visit to the Kingdom of Saudi Arabia
????⬇️https://t.co/cyB1RKdOMG pic.twitter.com/9w13YS122R
— Ministry of Foreign Affairs – Pakistan (@ForeignOfficePk) October 26, 2025
اس عالمی سطح کی کانفرنس میں دنیا بھر کے رہنما، سرمایہ کار، پالیسی ساز اور ماہرین شرکت کریں گے۔ رواں برس کا موضوع ہے ’خوشحالی کی کنجی: ترقی کی نئی سرحدوں کا افتتاح‘۔
اجلاس میں جدت، پائیداری، اقتصادی شمولیت اور عالمی جغرافیائی تبدیلیوں جیسے اہم موضوعات پر تفصیلی غور کیا جائے گا۔
وزیراعظم شہباز شریف اپنے قیام کے دوران سعودی قیادت سے ملاقاتیں کریں گے جن میں تجارت، سرمایہ کاری، توانائی اور افرادی وسائل کے شعبوں میں تعاون بڑھانے پر بات چیت ہوگی۔ علاقائی اور عالمی امور پر بھی تبادلۂ خیال متوقع ہے۔
یہ بھی پڑھیں:پاک سعودی معاہدہ برادرانہ تعلقات کی تجدید اور خطے میں قیام امن کی ضمانت ہے، فیلڈ مارشل عاصم منیر
وزیراعظم دیگر ممالک کے سربراہان اور بین الاقوامی تنظیموں کے نمائندوں سے بھی ملاقاتیں کریں گے تاکہ پاکستان کی سرمایہ کاری کی صلاحیت، پائیدار ترقی کے منصوبوں اور عالمی شراکت داری کے امکانات کو اجاگر کیا جا سکے۔
یہ دورہ پاکستان کے اقتصادی سفارت کاری کے عزم اور سرمایہ کاری، ٹیکنالوجی و پائیدار ترقی کے میدانوں میں اس کی حکمتِ عملی کو نمایاں کرتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار پاکستان سعودی عرب شہباز شریف مستقبل سرمایہ کاری کانفرنس وزیراعظم
39 سالہ ڈیبیوٹنٹ آصف آفریدی کی 5 وکٹیں، جنوبی افریقہ کے خلاف پاکستان کی پوزیشن مضبوط